[᭒᭐ 20 B]
᭒᭐
ᬦᬶᬭᬓᬮᬯᬦ᭄ᬳᬶᬬᬚᬶ᭞ᬤᬶᬦᬶᬤᬶᬢᭂᬗᬳᬶᬂᬗᬮᬲ᭄᭞ᬳᬶᬧᬸᬦ᭄ᬢᬵᬫᬳᬢᬸᬃᬭᬭᬶᬲ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬕᬸᬲ᭄ᬢᬶ᭞ᬢᬸᬫᬸᬮᬶᬄᬫᬫᬃᬕ᭄ᬕᬶᬲᬫ᭄ᬧᬸᬦ᭄᭞ᬧᬚᬮᬦᬾ
ᬧᬢ᭄ᬮᬳᬦ᭄᭞ᬓᬩᬸᬮᬓᬦᬾᬫᬗᬶᬦ᭄ᬢᬶᬧ᭄᭞ᬲᬋᬂᬓᬮᬶᬄ᭞ᬫᬚᬮᬦ᭄ᬢᭀᬂᬫᬓᬺᬲᭂᬓᬦ᭄᭟ᬧᭂᬤᬲ᭄ᬩᬜᬫᬗᬯᬲᬂ᭞ᬳᬦ᭄ᬢᬸᬓ᭄ᬳᬶᬧᬸᬦ᭄ᬢᭀᬦᬾᬚᬦᬶ᭞ᬚ
ᬢ᭄ᬫ᭄ᬫᬵᬮᬸᬄᬳᬚᬓ᭄ᬧᬢ᭄᭞ᬫᬦ᭄ᬤᬸᬲ᭄ᬧᬲ᭄ᬮᬾᬂᬘᬦ᭄ᬤᬳᬶᬦ᭄᭞ᬭᬭᬶᬲ᭄ᬳᬮᬶᬧᭂᬢᬦ᭄ᬕᭂᬮᬶᬲ᭄᭞ᬗᬢᬸᬭᬂᬭᬶᬂᬭᬤᬾᬦ᭄ᬩᬕᬸᬲ᭄᭞ᬤᬸᬄᬤᬾᬯᬭᬳᬤᬾᬦ᭄ᬧᬸᬢ᭄ᬭ᭞ᬕ
ᬯᭀᬓ᭄ᬢᬶᬢ᭄ᬬᬂᬫᬗᭂᬦᭀᬢᬶᬦ᭄᭞ᬚᬢ᭄ᬫᬳᭂᬮᬸᬄ᭞ᬫᬶᬭᬶᬩ᭄ᬤᬥᬭᬶᬭᬶᬂᬓᬾᬦ᭄ᬤ᭄ᬭᬦ᭄᭟ᬭᬳᬤᬾᬦ᭄ᬭᬭᬶᬲ᭄ᬗᬦ᭄ᬤᬶᬓᬵ᭞ᬫᬗᬸᬤᬲᬗ᭄ᬓᬦ᭄ᬳ᭄ᬬᬤᬶᬦᬶ᭞ᬳᬶᬧᬸᬦ᭄ᬢᬫ
[᭒᭑ 21 A]
ᬮᬶᬄᬦᬕᬸᬭᬂ᭞ᬳᬶᬧᬸᬦ᭄ᬫᬜ᭄ᬚᬸᬲᬫᬓᬲ᭄ᬫᬶ᭞ᬲᬫᬶᬧᬲ᭄ᬮᬾᬂᬘᬦ᭄ᬤᬳᬶᬦ᭄᭞ᬗᬫᬾᬳᬫᬾᬢᬶᬭᬢᬸ᭞ᬭᬳᬤ᭄ᬬᬦ᭄ᬫᬮᬶᬄᬳᬗᬸᬘᬧ᭄᭞ᬳᬫᬸᬦ᭄ᬲᬚᬓᬾᬢᭀᬚ
ᬦᬶ᭞ᬓᭂᬫᬧᬮᬶᬂ᭞ᬓᬫ᭄ᬩᭂᬦ᭄ᬜᬦᬾᬳᭀᬜᬂᬓᭂᬩᬂ᭟ᬳᬧᬂᬢ᭄ᬯᬭᬓᬢᬗᭂᬳᬦ᭄᭞ᬳᬶᬧᬸᬦ᭄ᬢᬫᬳᬢᬸᬃᬭᬭᬶᬲ᭄᭞ᬢᬶᬢ᭄ᬬᬂᬗᬶᬭᬶᬂᬧᬓᬳ᭄ᬬᬸᬦᬦ᭄᭞ᬢᬸᬫᬸᬮᬶᬄᬭᬭᬶ
ᬲ᭄ᬫᬫᬃᬕ᭄ᬕᬶ᭞ᬫᬕᬳᬂᬫᬦᭂᬍᬧᬶᬦ᭄᭞ᬓᬫ᭄ᬩᭂᬦ᭄ᬲᬩᬸᬓ᭄ᬫᬶᬯᬄᬓᬮᬸᬂ᭞ᬓᬚᭂᬫᬓ᭄ᬧᬢᭂᬮᬳᬦ᭄᭞ᬲᬫ᭄ᬧᬸᬦ᭄ᬓᭂᬦᬶᬫᬓᬲᬫᬶ᭞ᬢᬍᬃᬳᬶᬤ᭞ᬭᬵᬚᬚ᭄ᬯᬶᬢᬢᬦᬧᬶ
ᬓᬦ᭄᭟ᬢᬸᬢᬶᬂᬧᬗᭂᬫ᭄ᬩᬦᬾᬧᬤᬵ᭞ᬫᬗᬶᬭᬶᬂᬭᬳᬤᬾᬦ᭄ᬤᬾᬯᬶ᭞ᬢ᭄ᬯᬭᬬᬢᬯᬸᬓᬶᬮᬗᬦ᭄᭞ᬢᬸᬗ᭄ᬓᬸᬮ᭄ᬫᬘᬦ᭄ᬤᬵᬧᬓ᭄ᬯᬶᬓ᭄᭞ᬧᬤᬧᬘ᭄ᬮᬾᬂᬕᬸᬬᭀᬦᬶ᭠
Kaca:Bali-lontar-gaguritan-pancasangha-350ppi.pdf/21
Kaca puniki sampun kauji-wacén
