[᭒᭒ 22 B]
᭒᭒
ᬕᬂ᭞ᬲᬶᬭᬓᬾᬦᬸᬜᬦ᭄ᬫᬗᬫ᭄ᬩᬶᬮ᭄᭞ᬓᬫ᭄ᬩᭂᬦ᭄ᬲᬩᬸᬓ᭄᭞ᬢᬶᬢ᭄ᬬᬗᭂᬗᬾᬬᬫᬓᬲᬫ᭄ᬬ᭟ᬬᬾᬦᬶᬂᬳᬾᬗᬶᬦ᭄ᬢᭂᬩᬲ᭄ᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬚᬶᬦᬄᬲᬦᬾᬫᬗ᭄ᬓᬶᬦ᭄᭞ᬫᬶᬯᬄ
ᬳᬦ᭄ᬢᬸᬓ᭄ᬲᬃᬯ᭄ᬯᬳᭂᬫᬲ᭄᭞ᬢᬶᬢ᭄ᬬᬂᬧᬘᬂᬫᬦᭂᬩᬸᬲᬶᬦ᭄᭞ᬳᬶᬧᬸᬦ᭄ᬢᬫᬦᬶᬫ᭄ᬩᬮ᭄ᬕᭂᬮᬶᬲ᭄᭞ᬉᬤᬸᬄᬫᬗ᭄ᬓᬶᬦ᭄ᬚ᭄ᬭᭀᬳᭂᬮᬸᬄ᭞ᬢᬶᬬᬂᬢᬾᬫᬸᬤᬶᬫᬢᬓᭀᬦ᭄᭞
ᬭᬶᬂᬚ᭄ᬭᭀᬦᬾᬫᬓᬲᬫᬶ᭞ᬫᬸᬮᬤᬶᬚ᭞ᬤᬾᬰᬦ᭄ᬚ᭄ᬭᭀᬦᬾᬦᬾᬫᬸᬮᬵ᭟ᬓᬮᬶᬄᬲᬶᬭᬵᬓᬾᬧᭂᬲᬾᬗᬦ᭄᭞ᬦᬶᬘᭀᬦ᭄ᬤᭀᬂᬳᬗᬸᬘᬧ᭄ᬳᬭᬶᬲ᭄᭞ᬳᬶ
ᬗ᭄ᬕᬶᬄᬬᬦᬶᬂᬤᬾᬰᬦ᭄ᬢᬶᬢ᭄ᬬᬂ᭞ᬭᬶᬂᬧᬜ᭄ᬘᬲᬂᬳᬯ᭄ᬬᬓ᭄ᬢᬶ᭞ᬳᬯᬦ᭄ᬭᬯᬸᬄᬫᬭᬶᬓᬶ᭞ᬢᬶᬢ᭄ᬬᬂᬗᬶᬭᬶᬂᬭᬤᬾᬦ᭄ᬕᬮᬸᬄ᭞ᬳᬶᬤᬦᬸᬢᬸᬕ᭄ᬓᬃᬫ᭄ᬫᬦ᭄ᬳᬶᬤ᭞ᬢᬍᬃᬳᬶᬤᬢᬦ᭄ᬓ
[᭒᭓ 23 A]
ᬧᬗ᭄ᬕᬶᬄ᭞ᬦᬶᬓᬤᭀᬦᬶᬂ᭞ᬲᬗ᭄ᬓᬦ᭄ᬢᬶᬢ᭄ᬬᬗᬾᬭᬶᬂᬗᬮᬲ᭄᭟ᬳᭀᬓᬦ᭄ᬳᬶᬤᬩᬦ᭄ᬲᬂᬦᬵᬣ᭞ᬲᬶᬦᬶᬯᬾᬤᬵᬫᬓᬚᬢᬶ᭞ᬫᬤ᭄ᬯᬾᬳᭀᬓᬲᬦᬸᬗ᭄ᬕᬮ᭄᭞ᬦᬶᬓᬳᬶ
ᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᭂᬲᬾᬗᬦ᭄ᬳᬶᬤᬦᬾᬚᬢᬶ᭞ᬭᬤᬾᬦ᭄ᬕᬮᬸᬄᬲᬸᬘᬶᬳᬭᬸᬫ᭄᭞ᬳᬶᬤᬫᬜᬸᬮᬶᬫᬶᬸᬩ᭄ᬫᬢᬶᬗ᭄ᬕᬮ᭄᭞ᬢ᭄ᬯᬭᬳᬤᬳᬦᬓ᭄ᬳᬸᬦᬶᬂ᭞ᬤ᭄ᬯᬦᬶᬂᬓᬾᬦ᭄ᬢᭂᬦ᭄᭞
ᬳᬶᬤᬧᭀᬮᬶᬄᬕᬕᬫ᭄ᬩᬭᬦ᭄᭟ᬦᬶᬓᬦᬾᬫᬸᬗ᭄ᬕᬸᬄᬭᬶᬂᬕᬫ᭄ᬩᬃ᭞ᬓᬃᬫ᭄ᬫᬦ᭄ᬳᬶᬤᬫᬓᬚᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬘᬦ᭄ᬤᬶᬕᬭ᭞ᬧ᭄ᬭᬡᬄᬳᭀᬓᬦᬾᬲᬂᬗᬚᬶ᭞ᬓᬲᬸᬩ᭄ᬮᬸ
ᬯᬶᬳᬶᬂᬦᭂᬕᬭᬶ᭞ᬭᬶᬂᬗᬦ᭄ᬩᬭᬘᬵᬮᬢᬸᬳᬸ᭞ᬲᬂᬧ᭄ᬭᬪᬸᬲᬸᬤᬶᬮᭀᬓᬵ᭞ᬦᬸᬯᬾᬦᬂᬳᭀᬓᬦᬾᬚᬢᬶ᭞ᬓᬃᬫ᭄ᬫᬦ᭄ᬳᬶᬤᬵ᭞ᬬᬾᬦ᭄ᬤᬶᬚᬳᬶᬤᬫᬕᭂᬦᬄ᭟ᬳᬶ᭠
Kaca:Bali-lontar-gaguritan-pancasangha-350ppi.pdf/23
Kaca puniki sampun kauji-wacén
