[᭒᭕ 25 B]
᭒᭕
ᬗ᭄ᬓᬶᬦ᭄ᬗᬭᬜ᭄ᬚᬶᬗᬾ᭞ᬤᬾᬤᬸᬓᬸᬄᬓᬕ᭄ᬬᬢ᭄ᬦᬶᬗ᭄ᬕᬮᬶᬦ᭄᭞ᬳᬸᬤᬸᬄᬭᬢᬸ᭞ᬲᬶᬭᬓᬾᬲᬋᬂᬧᬸᬦᬶᬓᬵ᭟ᬭᬤᬾᬦ᭄ᬤᬾᬯᬶᬦᬸᬮ᭄ᬬᬗᬸᬘᬧ᭄᭞ᬳᬤᬸᬄᬦᬶᬓᬶᬲᬫ᭄ᬧᬸᬦ᭄ᬓ
ᬓᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬘᬦ᭄ᬤᬶᬕᬭ᭞ᬳᭀᬓᬦ᭄ᬳᬶᬤᬦᬾᬲᬂᬗᬚᬶ᭞ᬚᬕᬗᬫ᭄ᬩᬶᬮ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬗ᭄ᬤᬯᬶᬓᬦ᭄ᬓᬓᬶᬤᬸᬓᬸᬄ᭞ᬤᬾᬤᬸᬓᬸᬄᬭᬭᬶᬲ᭄ᬫᬜᬧ᭞ᬳᬂ
ᬗ᭄ᬕᬶᬄᬕᬸᬲ᭄ᬢᬶᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬍᬃᬢᬶᬢ᭄ᬬᬂ᭞ᬚᬸᬚᬸᬢ᭄ᬧᬶᬲᬦ᭄ᬫᬦᬓᭀᬦᬂ᭟ᬓᬭᬦᬾᬇᬗ᭄ᬓᬾᬦᬾᬧ᭄ᬭᬵᬧ᭄ᬢ᭞ᬲᬧᬳᬗᬢᬸᬭᬶᬦ᭄ᬕᬸᬲ᭄ᬢᬶ᭞ᬓᬭᬦᬾᬯᬶᬓᬦ᭄ᬳᬶ
ᬗ᭄ᬓᬾᬦᬾᬬ᭞ᬳᬮᬸᬗ᭄ᬕᬸᬄᬭᬳᬤᬾᬦ᭄ᬤᬾᬯᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᬯᬸᬢᬶᬦ᭄᭞ᬉᬚᬃᬫᬦᬶᬲ᭄ᬓᬤᬶᬫᬤᬸ᭞ᬢ᭄ᬯᬭᬲᬓᬾᬂᬢᬶᬢ᭄ᬬᬂᬦᬯᬂ᭞ᬳᬯᬦᬦ᭄ᬭᬯᬸᬄ
[᭒᭖ 26 A]
ᬫᬭᬶᬓᬶ᭞ᬢᬶᬢ᭄ᬬᬂᬗᭂᬢᬸᬢ᭄᭞ᬧᬓ᭄ᬱᬶᬢᬶᬢᬶᬭᬦᬾᬧᭂᬢᬓ᭄᭟ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂᬭᬶᬂᬢᭂᬕᬮ᭄᭞ᬋᬋᬄᬢᬶᬢ᭄ᬬᬂᬢ᭄ᬯᬭᬓᭂᬦᬶ᭞ᬢᬗ᭄ᬓᭂᬧ᭄ᬳᬶᬧᬸᬦ᭄ᬳᭂᬩᭀᬄᬧᬶᬲᬦ᭄᭞
ᬧᬶᬂᬓᬸᬤᬢᬶᬢ᭄ᬬᬂᬫᬶᬓᬢᬶᬦ᭄᭞ᬫᬜᭀᬮᬾᬃᬜᭀᬮᬾᬃᬗᬶᬫ᭄ᬧᬲᬶᬦ᭄᭞ᬓᬦ᭄ᬢᭀᬲ᭄ᬓᬳᬮᬲᬾᬜᬸᬲᬸᬧ᭄᭞ᬢᬶᬢ᭄ᬬᬂᬬᬍᬃᬫᬗᭂᬢᬸᬢᬂ᭞ᬭᬯᬸᬄᬭᬶᬂᬢᭂᬧᬶᬦᬶᬂ
ᬩᬾᬚᬶ᭞ᬭᬭᬶᬲ᭄ᬢᬶᬢ᭄ᬬᬂ᭞ᬳᬸᬓᬸᬄᬧᬘᬂᬗᬺᬋᬄᬢᭀᬬᬵ᭟ᬇᬭᬶᬓᬵᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬤ᭄ᬯᬦᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬳᬸᬦᬶᬂ᭞ᬤᬾᬤᬸᬓᬸᬄᬫᬮᬶᬄᬫᬢᬸᬭᬵ᭞ᬳᬶᬗ᭄ᬕᬶᬄ
ᬕᬸᬲ᭄ᬢᬶᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬸᬮᬳᬶᬕᬸᬲ᭄ᬢᬶᬦᬸᬯᬾᬦᬶᬦ᭄᭞ᬦᬤᬓ᭄ᬲᬭᬯᬾᬦ᭄ᬢᭂᬦ᭄ᬭᬸᬭᬸᬄ᭞ᬫᬸᬮᬦᬾᬦ᭄ᬢᭂᬦ᭄ᬓᬾᬗᬶᬦ᭄ᬩᭂᬮᬲᬂ᭞ᬲᬸᬭᬢ᭄ᬮᬮᬝᬦᬾᬢᬸᬯᬶ᭞ᬫ
Kaca:Bali-lontar-gaguritan-pancasangha-350ppi.pdf/26
Kaca puniki sampun kauji-wacén
