[᭓᭐ 30 B]
᭓᭐
ᬢᬶᬢ᭄ᬬᬂᬢ᭄ᬯᬭᬓᭂᬦᬶ᭞ᬓᬦ᭄ᬢᭀᬲ᭄ᬫᬜᬸᬲᬸᬧ᭄ᬭᬶᬂᬗᬮᬲ᭄᭞ᬭᬶᬂᬢᭂᬗᬄᬢᬶᬢ᭄ᬬᬂᬯᬸᬲ᭄ᬭᬯᬸᬄ᭞ᬭᬭᬶᬲ᭄ᬓᬧᬗ᭄ᬕᬶᬄᬩᬸᬮᬓᬦ᭄᭞ᬮᬦ᭄ᬭᬳᬤ᭄ᬬᬦ᭄᭞ᬧᬋᬓᬦ᭄ᬢᬢᬶᬕᬵᬗᬶᬭᬶᬂ᭞
ᬳᬶᬭᬶᬓᬵᬳᬶᬤᬫᬲᬶᬭᬫ᭄᭟ᬲᬯᬸᬲᬦᬾᬳᬶᬤᬫᬲᬶᬭᬫ᭄ᬕᬸᬮᬶᬂ᭞ᬢᬸᬢ᭄ᬬᬂᬫᬦᬢᬲᬂ᭞ᬦᬓᬾᬦᬂᬧᬦᭂᬕᬭᬦᬾ᭞ᬓᬮᬶᬄᬧᭂᬲᬾᬗᬦᬾᬢᬸᬳᬸ᭞ᬇᬭᬶᬓᬵ
ᬳᬶᬤᬜᬯᬸᬭᬶᬦ᭄᭞ᬳᬶᬤᬦᬸᬢᬸᬕ᭄ᬓᬃᬫ᭄ᬫᬦ᭄ᬳᬶᬤ᭞ᬢᬶᬢ᭄ᬬᬂᬯᬦ᭄ᬢᬄᬦᬾᬓᬢᬸᬚᬸ᭞ᬲᬦᬾᬫᬸᬗ᭄ᬕᬸᬄᬭᬶᬂᬧᬧᬶᬦ᭄ᬤᬦ᭄᭞ᬯ᭄ᬬᬤᬶᬦ᭄ᬲᬸᬭᬢ᭄᭞ᬳᬶᬤᬳᭀᬓᬦ᭄ᬲᬂᬦᬺᬧ
ᬢᬶ᭞ᬫᬧᭂᬲᬾᬗᬦ᭄ᬲᬶᬦᬶᬯᬾᬦ᭄ᬥᬵ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬓᬧᬶᬤᬃᬢᬬᬂᬲᬫᬶ᭞ᬭᬶᬂᬲᬂᬦᬵᬣ᭞ᬕᬯᭀᬓ᭄ᬫᬫᬶᬋᬗᬂ᭞ᬳᬦ᭄ᬢᬸᬓ᭄ᬓᬦ᭄ᬤᬤᬶᬬᭀᬓᬦᬾ᭞ᬭᬭᬶ
[᭓᭑ 31 A]
ᬲ᭄ᬳᬗᬸᬘᬧ᭄ᬳᬮᬸᬲ᭄᭞ᬉᬤᬸᬄᬦᬦᬓ᭄ᬭᬤᬾᬦ᭄ᬤᬾᬯᬶ᭞ᬇᬭᬶᬓᬶᬤᬾᬯᬫᬕᭂᬦᬄ᭞ᬩᬧᬗᬗ᭄ᬕᬾᬦ᭄ᬳᬶᬤᬫᬦ᭄ᬢᬸ᭞ᬭᬵᬚᬚ᭄ᬯᬶᬢ᭄ᬢᬵᬫᬢᬸᬃᬜᬸᬫ᭄ᬩᬄ᭞ᬭᬶᬂᬲᬂᬦᬵᬣ᭞ᬢᬶᬢ᭄ᬬᬂ
ᬲᬦ᭄ᬤᬶᬓᬦ᭄ᬲᬂᬗᬚᬶ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬧᬶᬯᬮ᭄᭟ᬲᬓᬶᬂᬕᭂᬮᬶᬲ᭄ᬘᬭᬶᬫᬜᬫ᭄ᬩᬸᬗᬶᬦ᭄᭞ᬧᬘᬂᬗᬶᬤ᭞ᬗᬯ᭄ᬯᬗᬸᬦᬂᬓᬵᬃᬬ᭄ᬬ᭞ᬧᬘᬂᬗᬃᬬ᭄ᬬᬦᬂᬳᭀᬓᬦᬾ᭞
ᬳᬶᬦ᭄ᬤᬶᬓ᭄ᬧᬗᬸᬜ᭄ᬘᬶᬗᬦ᭄ᬳᬕᬸᬂ᭞ᬫᬗ᭄ᬤᬧᬸᬧᬸᬢᬶᬂᬳᬓ᭄ᬭᬫᬶ᭞ᬉᬧᬘᬭᬗᬦ᭄ᬢᬾᬦᬦ᭄᭞ᬭᬭᬶᬲ᭄ᬗᬦ᭄ᬤᬶᬓᬲᬂᬧ᭄ᬭᬪᬸ᭞ᬢᭂᬓᬾᬦ᭄ᬩᬳᬸᬤᬦ᭄ᬤᬦ᭄ᬳᬶᬤ᭞ᬫᬓᬲᬫ᭄ᬬᬦ᭄᭞
ᬦᬶᬦᬗᬂᬤᬶᬦᬦᬾᬩᭂᬘᬶᬓ᭄᭞ᬫᬮᬶᬄᬧᬶᬤᬦ᭄ᬯᬾᬦ᭄ᬢᭂᬦ᭄ᬳᬫ᭄ᬩᬄ᭟ᬭᬭᬶᬲ᭄ᬯᬾᬦ᭄ᬢᭂᬦ᭄ᬫᬢᬸᬃᬧᬭᬋᬱ᭄ᬤᬸᬶᬱᬶ᭞ᬭᬶᬂᬲᬂᬦᬵᬣ᭞ᬫᬗᬢᬸᬭᬶᬦ᭄ᬳᬶᬤ᭞ᬫᬗ᭄ᬤᬾᬦᬾ
Kaca:Bali-lontar-gaguritan-pancasangha-350ppi.pdf/31
Kaca puniki sampun kauji-wacén
