[᭓᭑ 31 B]
᭓᭑
ᬩᭂᬘᬶᬓ᭄ᬫᬃᬕᬶᬦᬾ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬭᬢᬸ᭞ᬯᬶᬮᬂᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬲᬦᬾᬫᬮᬶᬄᬧᬶᬢᬸᬂᬭᬳᬶᬦᬵ᭞ᬳᬶᬭᬶᬓᬵᬤᬶᬦᬦᬾᬳᬬᬸ᭞ᬰᬰᬶᬄᬓᬭᭀ
ᬢᬗ᭄ᬕᬮ᭄ᬧᬶᬂᬲᬶᬬ᭞ᬦᬸᬚᬸᬩᬶᬬᬸᬤ᭄ᬥᬵ᭞ᬧᬳᬶᬂᬉᬓᬸᬦ᭄ᬜᬦᬾᬮᬗ᭄ᬓᬶᬭ᭄᭞ᬫᬺᬣᬤᬾᬯᬓᬲ᭄ᬫᬭᬦ᭄᭟ᬲᬂᬧ᭄ᬭᬩ᭄ᬕᬸᬳᬶᬤᬫᬶᬬᬃᬱᬶ᭞ᬲᬫ᭄ᬧᬸᬓᬳᬢᬸᬭᬦ᭄ᬤᬶᬦᬵ᭞ᬭᬶᬂᬯᬢᭂ
ᬓ᭄ᬩᬯᬸᬦ᭄ᬤᬦ᭄ᬤᬦᬾ᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬤᬸᬄᬧᬫᬦ᭄ᬳᬚᬓ᭄ᬫᬓᭂᬚᬂ᭞ᬦᬄᬚᬦᬶᬓᭂᬲ᭄ᬬᬭᬂᬫᬮᬸ᭞ᬢᭂᬓᬾᬦ᭄ᬧᬜ᭄ᬚᬓᬾᬫᬓᭂᬚᬂ᭟ᬧᬂᬧᬤᬗᬬᬄᬓᬧᬸ
ᬭᬶ᭞ᬦᬶᬭᬧᬘᬂᬦᬗᬸᬦ᭄ᬓᬵᬃᬬ᭄ᬬ᭞ᬓᬶᬧᬢᬶᬄᬫᬳᬢᬸᬃᬳᬮᭀᬦ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬂᬦᬵᬣ᭞ᬧᬗ᭄ᬭᬯᭀᬲᬾᬲᬸᬩᬧᬸᬢᬸᬲ᭄᭞ᬲᬓᬶᬂᬕᭂᬮᬶᬲᬶᬂᬘ
[᭓᭒ 32 A]
ᬭᬶᬢ᭞ᬳᬦᬸᬮᬸᬗᬭᬂᬏᬗ᭄ᬕᬮ᭄᭟ᬧᬘᬂᬫᬗᬬᬄᬓᬧᬸᬭᬶ᭞ᬲᬫᬶᬲᬫᬶᬓᬤᬯᬸᬳᬦ᭄᭞ᬲᬫᬶᬧᬤᬉᬦ᭄ᬤᬕᬂᬦᬾ᭞ᬫᬧᬸᬦ᭄ᬤᬸᬄᬧᬤᬗᬯᬗᬸᬦᬂ᭞ᬯᬯ
ᬭᬸᬂᬢᭀᬗᭀᬲ᭄ᬫᬳᬫ᭄ᬬᬦ᭄᭞ᬯᬢᭂᬓ᭄ᬳᬦᬓᬾᬳᭂᬮᬸᬄᬳᭂᬮᬸᬄᬤᬶᬧᬸᬭᬶᬧᬤᬫᬗᬬᬄ᭟ᬢᬦ᭄ᬘᬭᬶᬢᬲᬬᬂᬯᭂᬗᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬸᬧᬘᬵᬭ᭞ᬲᬂᬧ᭄ᬭᬪᬸᬗᬦ᭄ᬤᬶ
ᬓᬳᬮᭀᬦ᭄᭞ᬤᬸᬄᬧᬫᬦ᭄ᬚᬦᬶᬳᬾᬦ᭄ᬢᭂᬭᬂ᭞ᬧᬫᬦ᭄ᬢᬸᬯᬄᬧᬶᬢ᭄ᬮᬲ᭄ᬦᬶᬭ᭞ᬗᬯᬶᬮᬗᬶᬦ᭄ᬫᬗ᭄ᬤᬾᬧᬸᬧᬸᬢ᭄᭞ᬓᬵᬃᬬ᭄ᬬᬦ᭄ᬦᬶᬭᬦᬾᬫᬓᭂᬚᬂ᭟ᬓᬶᬧᬢᬶᬄᬫᬳᬢᬸᬃᬪ
ᬓ᭄ᬢᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬜᬸᬳᬸᬦ᭄ᬧᬶᬲᬦ᭄᭞ᬲᬓᬤᬶᬧᬯᬜ᭄ᬘᬦᬦᬾ᭞ᬓᬾᬯᬦ᭄ᬢᭂᬦ᭄ᬭᬢᬸᬳᬫ᭄ᬧᬸᬭ᭞ᬗᬶᬭᬶᬂᬲᬲᬶᬤᬲᬶᬤᬬᬦ᭄᭞ᬢᬶᬢ᭄ᬬᬂᬫᬗᬾᬦ᭄ᬢᭂᬭᬂᬭ᭠
Kaca:Bali-lontar-gaguritan-pancasangha-350ppi.pdf/32
Kaca puniki sampun kauji-wacén
