[᭓᭕ 35 B]
ᬧᬫᬺᬫᬦ᭄᭞ᬢᬦᬶᬧᬲᬶᬄᬲᬋᬂᬳᬶᬤᬭᬤᬾᬦ᭄ᬤᬾᬯᬶ᭞ᬫᬕᬕᬶᬬ᭄ᬯᬦ᭄ᬚ᭄ᬭᭀᬦᬶᬂᬢᬶᬮᬫ᭄᭞ᬫᬗᬾᬦᬓᬶᬦ᭄᭞ᬭᬕᬳᬧᬸᬮᬂᬲᬮᬸᬳᬸᬢ᭄᭞ᬲᬶᬬᬂᬯᭂ
ᬗᬶᬢᬦᬧᬲᬄ᭞ᬳᬯᭀᬃᬚᬶᬯᬭᬶᬂᬚᬶᬦᭂᬫ᭄ᬩ᭄ᬭᬶᬓ᭄᭟ᬭᬤᬾᬦ᭄ᬕᬮᬸᬄᬢ᭄ᬯᬶᬧ᭄ᬭᬚ᭄ᬜᬦ᭄᭞ᬲᬓᬋᬧᬾᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬳᬸᬮᬸᬭᬶᬦ᭄᭞ᬯᬶᬓᬦ᭄ᬫᬦᬸᬮᬸᬭᬶᬦ᭄ᬓ
ᬳ᭄ᬬᬸᬦ᭄᭞ᬲᬘᬶᬢᬵᬓᬋᬧ᭄ᬓᬸᬮᬸᬭᬦ᭄᭞ᬬᬦ᭄ᬳᬸᬘᬧᬂ᭞ᬳᬓᬸᬤᬂᬤᬶᬦᬵᬲ᭄ᬯᬾᬦᬶᬧᬸᬦ᭄᭞ᬫᬫᬸᬧᬸᬭᬲ᭄ᬫᬶᬦᬶᬂᬚᬶᬯᬵ᭞ᬲ᭄ᬯᬾᬦ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭟ᬓᭀ
ᬘᬧ᭄ᬭᬤᬾᬦ᭄ᬕᬮᬸᬄᬭᬶᬂᬧᬸᬭ᭞ᬲᬦᬾᬫᬗ᭄ᬓᬶᬦ᭄ᬳᬶᬤᬲᬫ᭄ᬧᬸᬦ᭄ᬕᬃᬩ᭄ᬪᬶᬦᬶ᭞ᬯᬃᬡ᭄ᬦᬦ᭄ᬳᬶᬤᬓᭂᬫ᭄ᬩᬂᬗᬘᬸᬫ᭄᭞ᬗᬯᬸᬯᬸᬳᬶᬦ᭄ᬓᬫᬦᬶᬲᬦ᭄᭞ᬓᬤᬶᬓᬸᬦᬶᬂ᭞ᬩᬸᬗᬦ᭄ᬲ
[᭓᭖ 36 A]
ᬦ᭄ᬤᬢᬾᬢᬸᬯᬸ᭞ᬮᬬᬸᬫᬶᬳᬶᬓ᭄ᬫᬳᬶᬫ᭄ᬧᬸᬕᬦ᭄᭞ᬓᭂᬘᬸᬤᬾᬳᬗ᭄ᬕᭀᬜᬩᬗ᭄ᬓᬶᬦ᭄᭟ᬮᬶᬬᬂᬓᬳ᭄ᬬᬸᬦ᭄ᬭᬤᬾᬦ᭄ᬧᬸᬢ᭄ᬭ᭞ᬫᬜᬶᬗᬓ᭄ᬭᬤᬾᬦ᭄ᬕᬮᬸᬄᬲᬫ᭄ᬧᬸᬦ᭄ᬕᬃᬩ᭄ᬪᬶᬦᬶ
᭞ᬧᬺᬚᬦᬶᬧᬹᬃᬡ᭄ᬦᬦᬶᬂᬓᬳ᭄ᬬᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬘᬦ᭄ᬤᬶᬕᬭᬵ᭞ᬫᬗᬸᬮᬸᬭᬶᬦ᭄᭞ᬧᬺᬫᬶᬦᬾᬲᬧᬓᬳ᭄ᬬᬸᬦ᭄᭞ᬢ᭄ᬯᬄᬲᬸᬩᬓᬳᬸᬮᬸᬭᬦ᭄᭞ᬳᬦ᭄ᬢᬸᬓ᭄ᬳᬶᬤᬭᬤᬾ
ᬦ᭄ᬫᬦ᭄ᬢ᭄ᬭᬶ᭟ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬤᬶᬦᬵ᭞ᬲ᭄ᬯᬾᬦ᭄ᬳᬶᬤᬲᬫ᭄ᬧᬸᬦ᭄ᬳᬶᬤᬕᬃᬩ᭄ᬪᬶᬦᬷ᭞ᬢᬶᬦᬶᬢᬳᬶᬂᬲᬂᬳ᭄ᬬᬂᬢᬸᬤᬸᬄ᭞ᬲᬫ᭄ᬧᬸᬦ᭄ᬚᬗ᭄ᬓᭂᬧ᭄ᬰᬰᬶᬬᬜ᭞ᬧᬶᬢᬸᬂᬩᬸᬮᬦ᭄᭞ᬦᬗ᭄ᬕᬸ
ᬧᬶᬢᬸᬂᬤᬶᬦᬵᬲᬫ᭄ᬧᬸᬦ᭄᭞ᬭᬵᬚᬰ?ᬯᬶᬢ᭄ᬢᬗ᭄ᬭᬲᬮᬭ᭞ᬯᭂᬢᭂᬂᬳᬶᬤᬦᬾᬧᬺᬫᬗ᭄ᬓᬶᬦ᭄᭟ᬓᬦ᭄ᬢᭀᬲ᭄ᬫᬶᬚᬶᬮ᭄ᬳᭀᬓᬤᬤ᭄ᬯ᭞ᬮᬦᬂᬳᬶᬲ᭄ᬢ᭄ᬭᬶᬳᭂᬫ᭄ᬩᬲ᭄ᬓᭂᬫ᭄ᬩᬃᬫᬓ
Kaca:Bali-lontar-gaguritan-pancasangha-350ppi.pdf/36
Kaca puniki sampun kauji-wacén
