Kaca puniki sampun kauji-wacén
[᭔᭐ 40 B]
᭔᭐
ᬦᭀᬭᬦᬇᬂᬤᬶᬦᬵᬫᬮᬶᬄ᭞ᬫᬗ᭄ᬓᬾᬳᬸᬕ᭞ᬲᬂᬧ᭄ᬭᬪᬸᬳᭂᬗ᭄ᬲᭂᬓ᭄ᬫᬶᬋᬗᬂ᭟ᬬᬾᬦᬶᬂᬢ᭄ᬯᬭᬓᬳᬶᬥᭂᬧᬂ᭞ᬳᬦᬸᬭᬸᬂᬕᭂᬫ᭄ᬧᬸᬂᬦᭂᬕᬭᬶ᭞ᬳᬶᬭᬶᬓᬵᬭᬭᬶᬲ᭄ᬲᬂᬦᬵᬣ
᭞ᬗᬦ᭄ᬤᬶᬓᬭᬶᬂᬧᬭᬧᬢᬶᬄ᭞ᬤᬸᬄᬧᬫᬦ᭄ᬦᬄᬦᬾᬚᬦᬶ᭞ᬮᬯᬸᬢᬂᬕᭂᬩᬸᬕᬂᬓᬸᬮ᭄ᬓᬸᬮ᭄᭞ᬧᬘᬂᬬᬫᬗᬳᬾᬳᬸᬫᬄ᭞ᬤᬶᬲᭂᬫᬤᬶᬦᬵᬦᬾᬚᬦᬶ᭞ᬕᬕ
ᬗ᭄ᬲᬭᬦ᭄᭞ᬓᬶᬧᬢᬶᬄᬲᬸᬩᬫᬚᬮᬦ᭄᭟ᬗᭂᬩᬸᬕ᭄ᬓᬸᬮ᭄ᬓᬸᬮ᭄ᬫᬫ᭄ᬭᬾᬦ᭄ᬢ᭠ᬳᬂ᭞ᬗᬯᬾᬳᬸᬫᬄᬦᬾᬦᬾᬚᬦᬶ᭞ᬲᬸᬩᬧᬤᬫᬕᬭᬧᬦ᭄᭞ᬤᬶᬢᭂᬗᬄᬲᭂ
ᬫᬦᬾᬚᬦᬶ᭞ᬳᬤᬮᬾᬦ᭄ᬧᬤᬧᬓᬶᬲᬶ᭞ᬧᬘᬂᬢᭀᬗᭀᬲ᭄ᬭᬤᬾᬗᬮᬸᬄ᭞ᬩᬦᬾᬓᬳᬸᬘᬧ᭄ᬫᬫᬦᬲ᭄᭞ᬳᬤᬦᬾᬳᭂᬮᬾᬦ᭄ᬫᬜᬫ᭄ᬩᬸᬗᬶ
[᭔᭑ 41 A]
ᬦ᭄᭞ᬬᬾᬜᬤᬤᬶ᭞ᬩᬜᬧᬘᬂᬦᬸᬤᬸᬓ᭄ᬳᬶᬤ᭟ᬓᬗᭂᬦ᭄ᬲᬦ᭄ᬢᬶᬬᬂᬭᬶᬂᬗᬶᬤ᭞ᬩᬦᬾᬗᬚᬓ᭄ᬧᬦᬓ᭄ᬘᭂᬦᬶᬓ᭄᭞ᬓᬓᬾᬳᬦᬾᬧᬤᬳᭀᬮᬲ᭄᭞ᬳᬤᬫᬜᭂ
ᬮ᭄ᬲᭂᬮᬂᬗᭂᬮᬶᬂ᭞ᬫᬗᭂᬦᬂᬭᬤᬾᬦ᭄ᬤᬾᬯᬶ᭞ᬢᬦ᭄ᬳᬸᬘᬧᬂᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬩᬮᬾᬦᬾᬤᬶᬢᭂᬗᬄᬲᬾᬢ᭄ᬭ᭞ᬭᬭᬶᬲ᭄ᬫᬮᬶᬧᭂᬢᬦ᭄ᬕᭂᬮᬶᬲ᭄᭞ᬧᬘᬂᬓᬢᬸᬃ᭞ᬭᬶᬂᬳᬶ
ᬤᬰ᭄ᬭᬶᬦᬭᬾᬦ᭄ᬤ᭄ᬭ᭟ᬲᬫ᭄ᬧᬸᬦ᭄ᬭᬯᬸᬄᬲᬓᬤᬾᬢᬦ᭄᭞ᬫᬶᬦᬓᬤᬶᬜᬓᬶᬧᬢᬶᬄ᭞ᬳᬗᬢᬸᬭᬂᬭᬶᬂᬲᬂᬓᬢᭀᬂ᭞ᬓᭀᬘᬧᬦ᭄ᬭᬳᬤᬾᬦ᭄ᬤᬾᬯᬶ᭞ᬭᬯᬸᬳ᭄ᬳᬶᬭ
ᬤᬾᬦ᭄ᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦ᭄ᬢᬢᬲ᭄ᬳᬫᬶᬭᬸᬗᬸ᭞ᬭᬳᬤᬾᬦ᭄ᬧᬘᬂᬓᬓᬸᬢᬂ᭞ᬕᭂᬦᬳᬂᬭᬶᬂᬲᬾᬢ᭄ᬭᬧᬶᬗᬶᬢ᭄᭞ᬭᬤᬾᬦ᭄ᬕᬮᬸᬄ᭞ᬢᬦ᭄ᬧᭂᬕᬢ᭄ᬫᬜᭂᬮ᭄ᬲᭂᬮ᭄ᬭᬕ᭟
