[᭔᭑ 41 B]
᭔᭑
ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬘᬶᬗᬓ᭄ᬢᬶᬢ᭄ᬬᬂᬩᬶᬬᬂᬳᬚᬶ᭞ᬢᬦ᭄ᬧᭂᬕᬢ᭄ᬢᬶᬢ᭄ᬬᬂᬲᬗ᭄ᬲᬭ᭞ᬓᬾᬦ᭄ᬓᬾᬦ᭄ᬲᬦ᭄ᬕᬸᬭᬸᬗᬃᬤ᭄ᬥᬶᬦᬶᬦ᭄᭞ᬲᬗ᭄ᬓᬦ᭄ᬓᬾᬦᬾᬢᬶᬢ᭄ᬬᬂᬤᬤᬶ᭞ᬓᬭ
ᬯᬵᬲᬦ᭄ᬢᬶᬢ᭄ᬬᬂᬍᬢᬸᬄ᭞ᬜᬫ᭄ᬩᬶᬮ᭄ᬦᬗᬶᬲ᭄ᬫᭂᬕᬢ᭄ᬫᭂᬕᬢ᭄᭞ᬳᭀᬓᬦᬾᬓᬮᬶᬄᬧᬲᬶᬳᬶᬦ᭄᭞ᬮᬦᬂᬳᬶᬲ᭄ᬢ᭄ᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬯ᭄ᬮᬲ᭄ᬫᬶᬋᬗᬂ᭞ᬓᭀᬘᬧᬦ᭄ᬳᬶᬲ᭄ᬬ
ᬭᬸᬤ᭄ᬥᬵ᭞ᬳᬗᬸᬘᬧ᭄ᬭᬶᬂᬲᬂᬦᬺᬧᬢᬶ᭞ᬩᭂᬘᬶᬓ᭄ᬫᬗ᭄ᬓᬾᬰ᭄ᬭᬶᬦᬭᬾᬦ᭄ᬤ᭄ᬭ᭞ᬓᭀᬦ᭄ᬓᭀᬦᭂᬦ᭄ᬲᬶᬭᬦᬶᬘᬸᬯᬶᬮ᭄᭞ᬢᭂᬓᬾᬂᬲᬦᬓ᭄ᬲᬶᬭᬓᬮᬶᬄ᭞ᬓᬮ᭄ᬬᬦ᭄ᬭᬳᬤᬾ
ᬦ᭄ᬩᬕᬸᬲ᭄᭞ᬤᬶᬤᬶᬦᬾᬇᬗᭀᬂᬯ᭄ᬭᬸᬳ᭞ᬇᬗᭀᬂᬫᬗ᭄ᬓᬾᬳᬗᬸᬱᬳᬶᬦ᭄᭞ᬤᭀᬱᬦᬶᬭ᭞ᬳᬗᬓᬸᬯᭀᬂᬲᬸᬤ᭄ᬭᬯᬗ᭄ᬰᬵ᭟ᬢᬸᬫᬸᬮᬶᬄᬲᬶᬭᬲᬂᬦᬵ
[᭔᭒ 42 A]
ᬣ᭞ᬗᬦ᭄ᬤᬶᬓᬭᬶᬂᬧᬭᬧᬢᬶᬄ᭞ᬓᭂᬫᬧᬫᬦ᭄ᬓᬾᬤᬗ᭄ᬕᬮᬂ᭞ᬳᬢᬸᬭᬶᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬕᬺᬳᬦ᭄ᬳᬧᬂᬫᬢᬶ᭞ᬢᬸᬫᬸᬮᬶᬄᬫᬚᬮᬦ᭄ᬲᬫ᭄ᬧᬸᬦ᭄᭞ᬢᬸᬫᭂᬥᭂᬓᬶ
ᬭᬭᬳᬤ᭄ᬬᬦ᭄᭞ᬢᬸᬫᬸᬮᬶᬄᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬤᬸᬄᬧᬫᬦ᭄᭞ᬳᬸᬮᬢᬦᬧ᭄ᬭᬡᬕᬢ᭄ᬢ᭞ᬢᬸᬫᬸᬃᬮᬶᬄᬭᬭᬶᬲ᭄ᬫᬢᬸᬭᬵ᭞ᬳᬦᬢᬲ᭄ᬭᬳᬤᬾᬦ᭄ᬤᬾᬯᬶ᭞
ᬓᬮᬶᬗᬦᬾᬳᬶᬓᬶᬩᬾᬦ᭄ᬥ᭞ᬳᬗᬓᬸᬯᭀᬂᬲᬸᬤ᭄ᬭᬮᬸᬯᬶᬄ᭞ᬫᬗ᭄ᬓᬾᬇᬗᭀᬂᬳᬗᬸᬧᬳᬶᬦ᭄᭞ᬭᬳᬤᬾᬦ᭄ᬕᬮᬸᬄᬫᬗᬸᬦ᭄ᬢᬸᬓ᭄᭞ᬭᬸᬫᬸᬮᬶᬄᬇᬲ᭄ᬬ
ᬭᬸᬤ᭄ᬥ᭞ᬳᬜᬸᬦ᭄ᬢᬶᬓ᭄ᬫᬢᬦᬾᬓᬮᬶᬄ᭞ᬯᬸᬲ᭄ᬧᬶᬦᬸᬮᬸᬄ᭞ᬢᬸᬃᬳᬶᬓᬸᬫᬗ᭄ᬓᬾᬕᬸᬦᬯᬵ᭟ᬧᬤᬓᬗᭂᬦ᭄ᬳᬧᬶᬬᭀᬮᬲ᭄᭞ᬫᬗᭂᬦᭀᬢ᭄ᬭᬳ
Kaca:Bali-lontar-gaguritan-pancasangha-350ppi.pdf/42
Kaca puniki sampun kauji-wacén
