[᭔᭔ 44 B]
᭔᭔
ᬭᬕᬶ᭞ᬘᬸᬘᬸᬦᬾᬳᬧᬸᬢ᭄ᬭᬮᬦᬂ᭞ᬳᬾᬕᬃᬓᬳ᭄ᬬᬸᬦᬾᬲᬂᬬᬓ᭄ᬱᬶ᭞ᬳᬘᬂᬗᬤᬵᬫᭂᬗ᭄ᬓᬸᬭᬵᬢ᭄᭞ᬫᬜᬸᬦ᭄ᬤᬸᬮ᭄ᬰ᭄ᬭᬷᬪᬹᬧᬢᬶ᭟ᬢ᭄ᬦᭂᬧᬸᬦᬶᬓᬵᬤᬸᬫᬸᬦ᭄᭞ᬭ᭠
ᬤᬾᬦ᭄ᬤᬾᬯᬶᬓᬂᬓᬯᬃᬡ᭄ᬦ᭞ᬳᬗᭂᬫ᭄ᬧᬸᬯᬶᬂᬳᬦᬓ᭄ᬤᬤ᭄ᬯ᭞ᬭᬶᬂᬢᭂᬗᬄᬲᬾᬢ᭄ᬭᬫᬮᬶᬗ᭄ᬕᬸᬄ᭞ᬯᭀᬂᬤᬾᬰᬦᬾᬧᬤᬳᭀᬮᬲ᭄᭞ᬜᬩ᭄ᬭᬦ᭄ᬳᬤᬫᬦᭂᬮᭀᬓᬶᬦ᭄᭟
ᬫᬕᬶᬮᬶᬄᬧᬲ᭄ᬮᬾᬂᬲᬸᬦ᭄ᬤᬸᬮ᭄᭞ᬗᬩᬩᬶᬬᬸᬫᬶᬯᬄᬦᬲᬶ᭞ᬳᬤᬦᬾᬳᭀᬮᬲ᭄ᬗᭂᬦᭀᬢᬂ᭞ᬭᬤᬾᬦ᭄ᬤᬾᬯᬶᬢᬦᬗᬓ᭄ᬧᬶ᭞ᬗ᭄ᬭᬧᬾᬫᬗᭀᬕᭀᬧᬦᬓ᭄
᭞ᬳᬸᬲᬸᬤ᭄ᬳᬸᬲᬸᬤ᭄ᬫᬓᬓᬮᬶᬄ᭟ᬲᬲᬫ᭄ᬩᬢᬾᬫ᭄ᬤᬲ᭄ᬲᬲ᭄ᬬᬸᬦ᭄᭞ᬫᬤᬸ᭠ᬮᬸᬭᬦ᭄ᬳᬦ᭄ᬢᬸᬓ᭄ᬢᬗᬶᬲ᭄᭞ᬩᭂᬘᬶᬓ᭄ᬚᬩᬸᬢ᭄ᬢᬶᬢ᭄ᬬᬂᬤᬾᬯᬵ᭞ᬳᬸᬭᬶᬧ᭄ᬢᬶᬢ᭄ᬬᬗᬾᬦᬾ
[᭔᭕ 45 A]
ᬫᬗ᭄ᬓᬶᬦ᭄᭞ᬢᬦ᭄ᬓᬯᬱᬦᬦ᭄ᬤᬂᬚᭂᬗᬄ᭞ᬲᬗ᭄ᬲᬭᬲᬢᬸᬗ᭄ᬕᬸᬦᬸᬭᬶᬧ᭄᭞ᬓᬾᬦᬾᬢᬶᬢ᭄ᬬᬂᬩᬶᬬᬂᬕᬸᬭᬸ᭞ᬗᬃᬤᬶᬬᬂᬢᬶᬢ᭄ᬬᬂᬦᬸᬫᬶᬢᬶᬲ᭄᭞ᬫᬫᬸᬧᭀᬦᬶᬦ᭄ᬓᬲᬗ᭄ᬲᬭᬦ᭄
᭞ᬳᬸᬮᬶᬂᬘᭂᬦᬶᬓ᭄ᬓᬦ᭄ᬢᭀᬲ᭄ᬫᬗ᭄ᬓᬶᬦ᭄᭞ᬚᬩᬸᬢ᭄ᬓᬸᬤᬢᬶᬢ᭄ᬬᬂᬤᬾᬯ᭞ᬫᬗ᭄ᬤᬳᬸᬲᬦ᭄ᬫᬗ᭄ᬮᬶᬓᬤᬶᬦ᭄᭟ᬲᬓᬶᬂᬕᭂᬮᬶᬲ᭄ᬳᬸᬗ᭄ᬕ᭄ᬯᬦᬶᬧᬸᬦ᭄᭞ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬰᬰᬶᬄ᭞ᬭ
ᬤᬾᬦ᭄ᬕᬮᬸᬄᬓᬲᬗ᭄ᬲᬭ᭞ᬳᭀᬓᬦᬾᬳᬸᬘᬧᬂᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬩᬦ᭄ᬢᬦ᭄ᬫᬓᬤᬤ᭄ᬯ᭞ᬢᬶᬦᬢ᭄ᬭᬶᬬᬂᬤᬾᬯᬳᬤᬶ᭟ᬫᬮᬮᬶᬬᬵᬫᬸᬮᬶᬄᬧᭂᬲᬸ᭞ᬢ᭄ᬯᬭᬩᭂᬮ
ᬲ᭄ᬲᬋᬂᬓᬮᬶᬄ᭞ᬤᬤᬶᬫᭂᬢᬸᬧᬗᬾᬓᬜ᭞ᬳᬦᬓᬾᬘᭂᬓ᭄ᬦᬾᬚᬦᬶ᭞ᬲᭂᬤᭂᬓ᭄ᬫᬮᬮᬶᬮᬮ᭄ᬬᬦ᭄᭞ᬳᬤᬦᬾᬳᭀᬮᬲ᭄ᬦᬸᬢᬸᬭᬶᬦ᭄᭟ᬲᬳᬶᬦ᭄ᬤᬶᬓ᭄ᬩᬶ
Kaca:Bali-lontar-gaguritan-pancasangha-350ppi.pdf/45
Kaca puniki sampun kauji-wacén
