[᭔᭙ 49 B]
᭔᭙
ᬢᬸᬫᬕᬦ᭄ᬢᬸᬂ᭞ᬦᬵᬗ᭄ᬳᬶᬂᬘᬳᬶᬳᭂᬤᬯᬾᬭ᭞ᬳᬧᬂᬲᬶᬮᬶᬩ᭄᭞ᬳᬧᬂᬢ᭄ᬯᬭᬳᬦᬓ᭄ᬦᬯᬂ᭟ᬭᬳᬤ᭄ᬬᬦ᭄ᬫᬮᬶᬄᬳᬗᬸᬘᬧ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬦᬶᬦᬶ᭞ᬦ᭄ᬤᬶᬓᬧᬦ᭄ᬢᬶ
ᬢ᭄ᬬᬂᬯᬾᬭᬬᬂ᭞ᬧᬘᬂᬢᬶᬢ᭄ᬬᬂᬗᬯᬸᬗᬯᬸ᭞ᬢᬶᬢ᭄ᬬᬂᬚ᭄ᬭᬶᬄᬧᬶᬲᬦ᭄ᬧᬶᬲᬦ᭄᭞ᬭᬶᬂᬗᬶᬦᬶᬦᬶ᭞ᬭᬳᬤ᭄ᬬᬦ᭄ᬫᬗᬮᬶᬄᬤᬬᬵ᭟ᬫᬗ᭄ᬤᬾᬦᬾᬓᬱᬶᬤᬦ᭄ᬩᬓᬢ᭄᭞ᬫ
ᬢᬫᬡᬶᬓᬾᬚᬦᬶ᭞ᬧᬘᬂᬫᬧᬧᬸᬮᬶᬄᬋᬓᭀ᭞ᬭᬭᬶᬲ᭄ᬬᬢᬗᬸᬘᬧ᭄ᬳᬮᬸᬲ᭄᭞ᬫᬸᬮᬚᬜ᭄ᬚᬶᬧᬳᬶᬗᭂᬦᬶᬦ᭄᭞ᬫᬦᭂᬧᬸᬓᬶᬦ᭄᭞ᬦᬶᬬᬓ᭄ᬱᬧᬘᬂ
ᬓᬭᬸᬲᬓ᭄᭞ᬳᬤᬸᬄᬦᬶᬦᬶᬲᬫ᭄ᬧᬸᬦ᭄ᬜᬦ᭄ᬤᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬘᬂᬫᬸᬮᬶᬄ᭞ᬲᬫᬸᬶᬧᬸᬶᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬗᬮᬸᬗ᭄ᬲᬸᬃ᭞ᬧᬘᬂᬳ
[᭕᭐ 50 A]
ᬗ᭄ᬕᬾᬦ᭄ᬕᭂᬕᬧ᭄ᬕᬧᬦ᭄᭟ᬲᬦᬾᬫᬗ᭄ᬓᬶᬦ᭄᭞ᬋᬋᬳᬂᬢᬶᬢ᭄ᬬᬂᬧ᭄ᬮᬮ᭄ᬬᬦ᭄᭟ᬧᬓ᭄ᬱᬶᬫᬶᬯᬄᬧᬦᬓ᭄ᬩᬸᬭᭀᬦ᭄᭞ᬧᬘᬂᬩᬓ᭄ᬢᬓᬦᭂᬕᬭᬶ᭞ᬫᬗ᭄ᬤᬯᬾᬦ᭄ᬢᭂᬦ᭄ᬧᬺ
ᬘᬶᬳ᭄ᬦ᭞ᬚᬕᬓᬢᬸᬃᬭᬶᬂᬳᬶᬕᬸᬭᬸ᭞ᬳᬶᬤᬲᭂᬦᭂᬂᬧᬶᬲᬦ᭄ᬧᬶᬲᬦ᭄᭞ᬗᬸᬩᬸᬄᬧᬓ᭄ᬱᬶ᭞ᬲᬂᬬᬓ᭄ᬱᬭᬭᬶᬲ᭄ᬳᬗᬸᬘᬧ᭄᭟ᬤᬸᬄᬘᬸᬘᬸᬦ᭄ᬤᬤᭀᬗᬾᬫᬶᬭᬄ᭞ᬬᬾᬦᬶᬂ
ᬓᬳ᭄ᬬᬸᬦ᭄ᬫᬶᬭᬄᬗᬦ᭄ᬢᬶᬄ᭞ᬤᬤᭀᬂᬮᬸᬗ᭄ᬳᬵᬫᬭᬶᬂᬗᬮᬲ᭄᭞ᬤᬶᬢᬸᬬᬵᬤᬯᭀᬂᬫᬗ᭄ᬭᬸᬭᬸᬄ᭞ᬧᬓ᭄ᬱᬶᬫᬶᬯᬄᬧᬦᬓ᭄ᬦᬸᬭᭀᬦ᭄᭞ᬳᬦ᭄ᬢᭀᬲ᭄ᬕᬸᬲ᭄ᬢᬶᬇᬭᬶ
ᬓᬵᬤᬸᬫᬸᬦ᭄ᬫᬕᭂᬦᬄ᭟ᬭᬳᬤᬾᬦ᭄ᬭᬭᬶᬲ᭄ᬳᬗᬸᬘᬧ᭄᭞ᬤᬸᬄᬤᬤᭀᬂᬬᬳᬧᬂᬕᭂᬮᬶᬲ᭄᭞ᬢᬶᬢ᭄ᬬᬂᬫᬜᬦ᭄ᬢᭀᬲᬂᬧᬶᬲᬦ᭄᭞ᬦᬶᬬᬓ᭄ᬱᬭᬭᬶᬲ᭄ᬮᬸᬫᬓᬸ᭞
Kaca:Bali-lontar-gaguritan-pancasangha-350ppi.pdf/50
Kaca puniki sampun kauji-wacén
