Kaca puniki sampun kauji-wacén
[᭕᭔ 54 B]
᭕᭔
ᬳᭀᬓᬦᬾᬲᬕᬾᬢ᭄ᬧ᭄ᬭᬵᬧ᭄ᬢᬶ᭞ᬭᬶᬂᬗᬬᬸᬦᬾᬳᬶᬩᬶᬩᬶ᭞ᬭᬭᬶᬲ᭄ᬳᭀᬓᬦᬾᬫᬳᬢᬸᬃ᭞ᬳᬤᬸᬄᬩᬶᬩᬶᬧᬦᭂᬫ᭄ᬩᬳᬦ᭄᭞ᬗᬸᬤᬵᬲᬦ᭄ᬩᬶᬩᬶᬫᬦᬗᬶᬲ᭄᭞
ᬫᬳᬸᬫᬭ᭞ᬩᬶᬩᬶᬦᬾᬧᭂᬤᬲ᭄ᬫᬶᬋᬗᬂ᭞ᬭᬭᬶᬲ᭄ᬳᬶᬤᬫᬗᬸᬭᬤᬩ᭄᭞ᬳᭀᬓᬦᬾᬬᬫᬓᬓᬮᬶᬄ᭞ᬤᬸᬄᬤᬾᬯᬦ᭄ᬫᬵᬳᭂᬫᬾᬦᬾᬫᬶᬭᬄ᭞ᬳᭂᬮᬲ᭄ᬲᬦ᭄ᬤᬾ
ᬯᬗ᭄ᬯᭀᬦᬶᬦ᭄᭞ᬧᬶᬢᬳᭂᬦᬂᬢᬶᬢ᭄ᬬᬂᬗᭂᬫᬲᬶᬦ᭄᭞ᬳᬶᬤᬾᬯᬮᬸᬗᬫᬜᬸᬚᬸᬃ᭞ᬓᬕᭀᬯᬦᬾᬦᬶᬬᬓ᭄ᬱᬤᬸᬱ᭄ᬝ᭞ᬢᭂᬓᬧᭀᬗᬄᬫᬦᬶᬯᬓᬶᬦ᭄
᭞ᬤᬤᬶᬫᬾᬫᬾ᭞ᬓᬓᬾᬦᬳᬂᬯᭀᬂᬗᭂᬮᬄᬲᬮᬄ᭟ᬧᬸᬢ᭄ᬭᬦᬾᬫᬗ᭄ᬓᬶᬦ᭄ᬗᬸᬤᭂᬧᬂ᭞ᬳᬤᬸᬄᬩᬶᬩᬶᬳᬸᬲᬦ᭄ᬫᬗ᭄ᬓᬶᬦ᭄᭞ᬧᬘᬂᬫᬜᭂᬮ᭄ᬲᭂᬮᬶᬦ᭄ᬢᬶᬢᬄ᭞
[᭕᭕ 55 A]
ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬲᬶᬤᬧᭀᬮᬶᬄ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬯᬍᬲᬳᬶᬦ᭄᭞ᬬᬓ᭄ᬱᬲ᭄ᬬᬭᬸᬤ᭄ᬥᬵᬲᬫ᭄ᬧᬸᬦ᭄᭞ᬫᬗ᭄ᬓᬶᬦ᭄ᬫᬗᭂᬫᬲᬶᬦ᭄ᬧᭂᬚᬄ᭞ᬓᬮᬶᬄᬫᬢᬦ᭄ᬩᬶᬩᬶᬫᬗ᭄ᬓᬶ
ᬦ᭄᭞ᬲᬫ᭄ᬧᬸᬦ᭄ᬓᭂᬦᬶ᭞ᬫᬓᬓᬮᬶᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬩᬶᬩᬶᬦᬾᬳᬮᭀᬦ᭄ᬳᬗᬸᬘᬧ᭄᭞ᬓᬮᬶᬯᬢ᭄ᬳᬗᭀᬩᬾᬩᬶᬩᬶ᭞ᬤᭀᬂᬓᬾᬦ᭄ᬓᬾᬦ᭄ᬲᬶᬓᬦ᭄ᬤᬦ᭄ᬫᬶᬭᬄ
᭞ᬳᬯᬦᬦ᭄ᬬᬓ᭄ᬱᬗᭂᬫᬲᬶᬦ᭄᭞ᬤᭀᬂᬗ᭄ᬕᬶᬄᬫᬗ᭄ᬓᬶᬦ᭄ᬳᭀᬃᬢᬳᬶᬦ᭄᭞ᬲᬧᬫᬃᬕ᭄ᬕᬶᬦᬾᬳᬶᬩᬕᬸᬲ᭄᭞ᬓᬮᬶᬄᬳᬚᬓ᭄ᬫᬶᬭᬄᬤᬤ᭄ᬯᬵ᭞ᬭᬳᬤ᭄ᬬ
ᬦ᭄ᬓᬮᬶᬄᬗᬪᬓ᭄ᬢᬶ᭞ᬳᬶᬗ᭄ᬕᬶᬄᬩᬶᬩᬶ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬗᬸᬦᬶᬗᬂ᭞ᬯᬯᬸᬭᬯᬸᬄᬢᬶᬢ᭄ᬬᬂᬇᬭᬶᬓᬵ᭞ᬓᬓᭂᬩᬂᬦᬶᬓᬶᬳᬶᬬᬤᬶ᭞ᬢᬶᬢ᭄ᬬᬂᬦᬾᬯᬾᬓ᭄ᬗᭂᬮᬄ
