[᭕᭕ 55 B]
᭕᭕
ᬮ᭄ᬯᬂ᭞ᬜᭂᬮᬸᬧᬶᬦ᭄ᬳᬸᬫᬄᬲᬂᬬᬓ᭄ᬱᬶ᭞ᬭᬭᬶᬲ᭄ᬢᬶᬢ᭄ᬬᬂᬓᬢᬓᬾᬦᬶᬦ᭄᭞ᬢᬶᬢ᭄ᬬᬂᬫᬗᬓ᭄ᬯᬂᬤᬶᬢᬸ᭞ᬤ᭄ᬯᬾᬦ᭄ᬧ᭄ᬬᬦᬓ᭄ᬕᬮᬸᬄᬕᬗ᭄ᬕᬵ᭞ᬫᬭᬶᬓᬶᬧᬋᬓ᭄ᬭᬶᬂᬦᬶᬦᬶ᭞
ᬲᬧᬸᬦᬶᬓᬢᬶᬢ᭄ᬬᬂᬭᬭᬶᬲ᭄ᬓᬲᬬᬗᬂ᭟ᬲᬫ᭄ᬧᬸᬦ᭄ᬢᬶᬢ᭄ᬬᬂᬗ᭄ᬮᬶᬦ᭄ᬢᬂᬳᬮᬲ᭄᭞ᬲᬂᬬᬓ᭄ᬱᬓᬦ᭄ᬢᭂᬦ᭄ᬭᬶᬂᬗᬸᬭᬶ᭞ᬕᭂᬮᬶᬲ᭄ᬢᬶᬢ᭄ᬬᬂᬫᬫᬦ᭄ᬢᬶᬕᬂ᭞ᬫᬡᬶᬓ᭄ᬬᬾᬄᬫᬡᬶᬓ᭄ᬳ
ᬧᬶ᭞ᬲᬫᬶᬢᭂᬮᬲ᭄ᬓᬪᬱ᭄ᬫᬶ᭞ᬲᬂᬬᬓ᭄ᬱᬗᬮᬶᬯᬢ᭄ᬤᬶᬢᬸ᭞ᬢᬶᬢ᭄ᬬᬂᬫᬳᬧᬘᬂᬭᬸᬲᬓ᭄᭞ᬲᬦ᭄ᬢᬸᬓᬾᬢᬦ᭄ᬯᬾᬦ᭄ᬢᭂᬦ᭄ᬳᬾᬮᬶᬂ᭞ᬭᬶᬂᬧᬸᬦᬶᬓᬵᬦᬾᬫᬯᬱ᭄ᬝᬫ
ᬡᬶᬓ᭄ᬳᬢ᭄ᬫᬵ᭟ᬲᬫ᭄ᬧᬸᬦ᭄ᬦᬫ᭄ᬧᭂᬓ᭄ᬧᬶᬲᬦ᭄ᬧᬶᬲᬦ᭄᭞ᬲᬂᬬᬓ᭄ᬱᬫᬗᭂᬢᬸᬢ᭄ᬗᬸᬭᬶ᭞ᬭᬭᬶᬲ᭄ᬢᬶᬢ᭄ᬬᬂᬫᬭᬭᬲᬦ᭄᭞ᬳᬾᬮᬶᬂᬚᬦ᭄ᬢᬸᬦ᭄ᬗᬫᭂᬮ᭄ᬫᬡᬶᬓ᭄᭞
[᭕᭖ 56 A]
ᬭᬭᬶᬲ᭄ᬓᬧᬦ᭄ᬢᬶᬕᬂᬕᭂᬮᬶᬲ᭄᭞ᬫᬗ᭄ᬭᬭᬶᬲ᭄ᬲᬂᬬᬓ᭄ᬱᬮᬫ᭄ᬧᬸᬲ᭄᭞ᬲᬫ᭄ᬧᬸᬦ᭄ᬲᬫᬶᬓᬧᬶᬤᬃᬢᬵ᭞ᬭᬳᬤ᭄ᬬᬦ᭄ᬳᬸᬘᬧᬂᬫᬮᬶᬄ᭞ᬲᬳᬫᬢᬸᬃ᭞ᬤᬸᬄᬩᬶᬩᬶᬫᬗ᭄ᬓᬶᬦ᭄ᬢ
ᬳᬦᬂ᭟ᬫᬗ᭄ᬤᬵᬳᬶᬩᬶᬩᬶᬫᬗᬶᬗᬓ᭄᭞ᬤᬸᬭᬸᬲᬂᬩᬶᬩᬶᬦᬾᬫᬗ᭄ᬓᬶᬦ᭄᭞ᬫᬲᬭᬾᬩᬶᬩᬶᬦᬸᬗ᭄ᬓᬬᬓ᭄᭞ᬢᬶᬢ᭄ᬬᬂᬧᬘᬂᬫᬦᬕᬶᬗᬶᬦ᭄᭞ᬩᬶᬩᬶᬦᬾᬫᬦᬸ
ᬢᬸᬳᬶᬦ᭄᭞ᬭᬳᬤ᭄ᬬᬦ᭄ᬫᬮᬶᬄᬳᬫᬸᬯᬸᬲ᭄᭞ᬤᬸᬄᬳᬤᬶᬏᬗ᭄ᬕᬮ᭄ᬳᬸᬮᬶᬕᬂ᭞ᬓᭂᬢᬦ᭄ᬕᬚᬶᬳᬾᬦᬾᬚᬦᬶ᭞ᬢᬦ᭄ᬲᬸᬯᬾᬜ᭞ᬢᭂᬧᬸᬗᬾᬲᬫ᭄ᬧᬸᬦ᭄ᬓᬢᬸᬭᬂ᭟
ᬭᬓᬦᬾᬲᬫ᭄ᬧᬸᬦ᭄ᬦᭂᬭᬶᬫᬵ᭞ᬢᭂᬧᬸᬗᬾᬲᬫ᭄ᬧᬸᬦ᭄ᬓᬤᬫ᭄ᬧᬶᬂ᭞ᬫᬮᬶᬄᬳᬗᬸᬘᬧ᭄ᬭᬳᬤ᭄ᬬᬦ᭄᭞ᬳᬤᬶᬢᬸᬮᬸᬗᬶᬦ᭄ᬦᬾᬚᬦᬶ᭞ᬳᬦᬸᬮᬶᬄᬭᬤᬾ
Kaca:Bali-lontar-gaguritan-pancasangha-350ppi.pdf/56
Kaca puniki sampun kauji-wacén
