[᭕᭗ 57 B]
᭕᭗
ᬦ᭄ᬓᭀᬘᬧ᭄ᬓᬭᬜ᭄ᬚᬶᬗᬶᬦ᭄᭞ᬕᬕᬜ᭄ᬘᬗᬦ᭄᭞ᬭᬯᬸᬄᬭᬶᬂᬢᭂᬧᬶᬦᬶᬂᬉᬫᬄ᭟ᬫᬗ᭄ᬭᬭᬶᬲ᭄ᬳᬶᬤᬫᬸᬮᬦ᭄᭞ᬤᬾᬤᬸᬓᬸᬄᬓᬕ᭄ᬬᬢ᭄ᬦᬶᬂᬳᭀᬮᬶᬦ᭄᭞ᬮᬸᬄᬫ᭄ᬯᬦᬶᬧᬤᬵ
ᬜᬧ᭞ᬲᬳᬫᬗᬢᬸᬭᬂᬪᬓ᭄ᬢᬶ᭞ᬤᬸᬄᬤᬾᬯᬲᬂᬮ᭄ᬯᬶᬃᬭᬢᬶᬄ᭞ᬦᭂᬫ᭄ᬩᬾᬲᬦ᭄ᬳᬶᬤᬾᬯᬭᬯᬸᬄ᭞ᬦᬶᬓᬢᬾᬲᬶᬭᬗᬶᬭᬶᬗᬂ᭞ᬳᬮᬶᬢ᭄ᬳᬮᬶᬢ᭄ᬫᬓᬓᬮᬶᬄ᭞ᬮᬦᬂᬳᬶᬲ᭄ᬢ᭄ᬭᬶ
ᬤᬸᬭᬸᬲᬂᬫᬗ᭄ᬓᬶᬦ᭄ᬳᬸᬗ᭄ᬕᬳᬦ᭄᭟ᬳᬦᬸᬮᬶᬄᬫᬗ᭄ᬓᬶᬦ᭄ᬭᬳᬤ᭄ᬬᬦ᭄᭞ᬲᬫ᭄ᬧᬸᬦ᭄ᬓᬳᬢᬸᬭᬶᬦ᭄ᬮᬶᬗᬶᬬᬶᬄ᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬤᬸᬄᬓᬓᬶᬤᬸᬓᬸᬄᬦᬾᬫᬗ᭄ᬓᬶᬦ᭄᭞
ᬢᬶᬢ᭄ᬬᬂᬗᬢᬸᬭᬂᬧᬳᬶᬦ᭄ᬤᬶᬓ᭄᭞ᬲᬢᬶᬗ᭄ᬓᬄᬢᬶᬢ᭄ᬬᬗᬾᬭᬯᬸᬄ᭞ᬓᬮᬶᬄᬫᬲᬋᬗᬦ᭄ᬳᭀᬓ᭞ᬢᬶᬢ᭄ᬬᬂᬮᬘᬸᬃᬭᬶᬂᬦᭂᬕᬭᬶ᭞ᬢᬸᬃᬓᬓᬸᬢᬂ᭞ᬫᬲᬋᬗᬦ᭄ᬢᭂ
[᭕᭘ 58 A]
ᬓᬾᬦ᭄ᬧᬦᬓ᭄᭟ᬢᬸᬃᬫᬢᬦ᭄ᬢᬶᬢ᭄ᬬᬂᬓᬚᬸᬯᬂ᭞ᬓᬲᬸᬦ᭄ᬢᬶᬓ᭄ᬱᬤᬸᬓᬾᬭᬶᬳᬶᬦ᭄᭞ᬳᬦ᭄ᬢᬸᬓ᭄ᬬᬓ᭄ᬱᬲ᭄ᬬᬭᬸᬤ᭄ᬥᬵ᭞ᬓᭀᬘᬧ᭄ᬢᬶᬢ᭄ᬬᬂᬓᬸᬢᬸᬦ᭄ᬯᬶᬮ᭄᭞ᬓᬩᬯᭀᬲ᭄ᬫᬦᬲᬶ
ᬦ᭄᭞ᬦᬵᬕᬭᬦ᭄ᬳᬶᬤᬲᬂᬧ᭄ᬭᬪᬸ᭞ᬫᬮᬶᬄᬳᬶᬧᬸᬦ᭄ᬫᬓ᭄ᬢᬚᬦ᭄ᬫᬵ᭞ᬦᬶᬬᬓ᭄ᬱᬬᬵᬓᬦᭂᬕᬭᬶ᭞ᬚᬢ᭄ᬫᬳᭂᬮᬸᬄ᭞ᬫᬜᬸᬫᭂᬦ᭄ᬤᬂᬭᬶᬂᬦᬵᬕᬭ᭟ᬢᬸᬃᬲᬫ᭄ᬧᬸᬦ᭄ᬫᬤ᭄ᬯᬾᬳᭀ
ᬓᬵ᭞ᬮᬦᬂᬢᭀᬯᬯᬸᬳᬲᬶᬓᬶ᭞ᬤᬾᬤᬸᬓᬸᬄᬓᬕ᭄ᬬᬢ᭄ᬫᬶᬋᬗᬂ᭞ᬧᬗᬦ᭄ᬤᬶᬓᬦᬾᬢ᭄ᬯᬦ᭄ᬤᬾᬯᬶ᭞ᬭᬭᬶᬲ᭄ᬫᬳᬢᬸᬃᬗᬪᬓ᭄ᬢᬶ᭞ᬓᬾᬗᬶᬦ᭄ᬮᬶᬦ᭄ᬢᬂᬢᬶᬢ᭄ᬬᬂᬢᬦ᭄ᬤ᭄ᬭᬸᬄ
᭞ᬦᬾᬭᬶᬳᬶᬦ᭄ᬲᬫ᭄ᬧᬸᬦ᭄ᬓᬢᬸᬮᬓ᭄᭞ᬘᬶᬗᬓ᭄ᬳᬶᬤᬾᬯᬦᬾᬓᬮᬶᬄ᭞ᬢᬸᬃᬓᬳᬫ᭄ᬩᬶᬮ᭄᭞ᬳᬦ᭄ᬢᬸᬓ᭄ᬬᬓ᭄ᬱᬲ᭄ᬬᬭᬸᬤ᭄ᬥᬵ᭟ᬦᬾᬫᬫᬗ᭄ᬓᬶᬦ᭄ᬳᬯᬦᬦ᭄ᬫᬗ᭄ᬕᭂᬄ᭞
Kaca:Bali-lontar-gaguritan-pancasangha-350ppi.pdf/58
Kaca puniki sampun kauji-wacén
