Kaca puniki sampun kauji-wacén
[᭖᭓ 63 B]
᭖᭓
ᬬᬗᭂᬮᬄᬫᬸᬜᬶ᭞ᬩᬸᬓᬓᬾᬢᭀ᭞ᬧᭂᬦ᭄ᬢᬾᬲ᭄ᬢᬸᬃᬫᬢᬢ᭞ᬲᬗ᭄ᬲᬶᬄᬢᭂᬓᬾᬦ᭄ᬧᬭᬸᬧᬦᬾ᭞ᬓᭀᬘᬧ᭄ᬲᬫ᭄ᬧᬸᬦ᭄ᬤᬯᬸᬄᬢᭂᬮᬸ᭞ᬲᬂᬦᬵᬣᬗ᭄ᬮᬸᬯᬭᬶᬦ᭄ᬚᬦᬶ᭞ᬭᬭᬶᬲ᭄ᬫ
ᬦ᭄ᬢᬸᬓ᭄ᬓᬧᬸᬭᬶᬬᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬩᬋᬂᬤᬶᬢᬸ᭞ᬳᬦᬓᬾᬘᭂᬦᬶᬓ᭄ᬓᬤᬦ᭄ᬤᬦ᭄᭞ᬩᬦ᭄ᬭᬳᬤ᭄ᬬᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬚ᭄ᬭᭀᬦᬶᬂᬧᬸᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶ
ᬓᬵ᭟ᬜᬳᬶᬕᬮᬸᬄᬦᬾᬳᬚᬓ᭄ᬚᬦᬶᬤᬶᬦᬶ᭞ᬧᭂᬢᭂᬂᬍᬫᬄ᭞ᬳᬗ᭄ᬕᭀᬦ᭄ᬬᬧᬋᬓᬦ᭄᭞ᬕᬮᬸᬄᬕᬗ᭄ᬕᬵᬧᬗᬸᬘᬧᬾ᭞ᬤᬶᬚᬩᭂᬮᬶᬩᬳᬦ᭄ᬦᬸ
ᬤᬸᬓ᭄᭞ᬧᬦᬓ᭄ᬗᬓᬾᬦᬾᬘᭂᬦᬶᬓ᭄᭞ᬚᬦᬶᬳᬗ᭄ᬕᭀᬦ᭄ᬧᬮᬮ᭄ᬬᬦ᭄᭞ᬳᬧᬂᬳᬤᬘᬦ᭄ᬤᬾᬦ᭄ᬕᬸᬮ᭄ᬕᬸᬮ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬩᭀᬬ
[᭖᭔ 64 A]
ᬩᬓᬾ᭞ᬜᬳᬶᬤᭂᬫᭂᬦ᭄ᬗᬳᬾᬧᭂᬮᬶᬄ᭞ᬳᬦᬓ᭄ᬘᭂᬦᬶᬓ᭄ᬓᬲᬗ᭄ᬲᬭᬦ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬮᬯᬸᬢ᭄ᬤᬶᬢᬸᬫᬗᬤᬦᬶᬦ᭄᭞ᬢᭀᬦᬶᬕᬫ᭄ᬬᬲ᭄᭞ᬢ᭄ᬯᬭᬤᬤᬶᬮᬾ
ᬦᬦ᭄᭞ᬧᬘᬂᬗᬯᬸᬓᬶᬦ᭄ᬳᬤᬦᬾ᭞ᬳᬦᬓᬾᬘᭂᬦᬶᬓ᭄ᬢᭀᬤᬶᬢᬸ᭞ᬕᭂᬤᭂᬕ᭄ᬓᭂᬦᭂᬳᬾᬤᬶᬳᬢᬶ᭞ᬢᭂᬓᬾᬦ᭄ᬢᬵᬦᬶᬕᬮᬸᬄᬕᬗ᭄ᬕᬵ᭞ᬩᬦ᭄ᬫᬸᬜᬶᬦᬾ
ᬫᬗᬤᬸᬕ᭄᭞ᬢ᭄ᬯᬭᬢᬢᬲ᭄ᬲᭀᬓ᭄ᬫᬸᬜᬶᬬᬂ᭞ᬫᬗᬶᬭᬳᬂ᭞ᬧᬦᬓ᭄ᬩᬓᬾᬢᭂᬓᬫᬳᬶ᭞ᬫᬶᬭᬶᬩ᭄ᬳᬶᬩᬶᬬᬂᬦᬯᬂ᭟ᬓᬾᬢᭀᬓᭂᬦᭂᬄᬦᬶᬕᬫ᭄ᬬᬲᬾ
ᬚ᭄ᬭᭀᬦᬶᬂᬕᬮᬶᬄ᭞ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂ᭞ᬧᭂᬢᭂᬂᬍᬫᬄᬧᬗᬶᬭᬶᬗᬾ᭞ᬦᬶᬕᬫ᭄ᬬᬲ᭄ᬫᬋᬓᬦ᭄ᬤᬶᬢᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬓᬮ᭄ᬢᬶᬓᬸᬳᬶᬦ᭄᭞ᬤᬤᬶᬜᬬ
