[᭖᭖ 66 B]
᭖᭖
ᬬᬗᬂ᭟ᬧᬸᬢᬸᬦᬾᬓᬮᬶᬯᬢ᭄ᬫᬸᬗᬶᬮ᭄᭞ᬦᬓᬮ᭄ᬚᬗ᭄ᬕᭂᬍᬦᬾᬢᬦ᭄ᬧᬤᬵ᭞ᬢᭂᬓᬾᬦ᭄ᬧᬗ᭄ᬕᬯᬫᬦ᭄ᬢ᭄ᬭᬶ᭞ᬮᬶᬬᬸᬧᬤᬗᬭᬸᬫᬶᬓᬂ᭞ᬬᬾᬦᬶᬂᬩᬜᬢᭀᬗ᭄ᬮᬳᬂ᭞
ᬘᬸᬘᬸᬦ᭄ᬳᬶᬤᬦᬾᬲᬂᬧ᭄ᬭᬪᬸ᭞ᬫᬶᬮᬶᬄᬲᬸᬩᬫᬲᬫ᭄ᬧᬭᬂ᭟ᬳᬤᬮᬾᬦ᭄ᬫᬜᬯᬸᬭᬶᬦ᭄᭞ᬓᭂᬦᭂᬄᬢ᭄ᬬᬂᬫᬲᬶᬄᬓᬾᬢᭀ᭞ᬳᬦᬂᬫᬶᬲᬦ᭄ᬗᭂᬮᬄᬧᬦᬓᬾ᭞ᬬᬾᬦ᭄ᬓᬾᬢᭀ
ᬩᬶᬩᬶᬓᬲᬜ᭞ᬘᬾᬓᬓ᭄ᬚᬗ᭄ᬕᭂᬮᬢᬸᬃᬩᬺᬕᬄ᭞ᬩᬸᬓᬘᬸᬘᬸᬦᬾᬲᬂᬳᭀᬭᬪᬸ᭞ᬫᬶᬮᬶᬄᬓᬢᭂᬕᬸᬮ᭄ᬓᬧᬲᬄ᭟ᬳᬸᬚᬦᬶᬦ᭄ᬧᬂᬓᬦ᭄ᬢᬶᬗᬶᬮ᭄ᬕᬶᬮ᭄᭞ᬓᬓ᭄ᬭᭀᬜ᭄ᬘᭀ
ᬗᬶᬦ᭄ᬩᬦ᭄ᬲᬫ᭄ᬧᬄ᭞ᬳᬸᬬᬄᬢᬩ᭄ᬬᬳᬗ᭄ᬕᭀᬦ᭄ᬩᭀᬭᬾᬄ᭞ᬓᬾᬢᭀᬫᬸᬜᬶᬦ᭄ᬜᬦᬾᬧᬤᬵ᭞ᬓᭀᬘᬧ᭄ᬦᬶᬕᬮᬸᬄᬕᬗ᭄ᬕᬵ᭞ᬗᬯᬸᬓᬶᬦ᭄ᬦᬶᬕᬫ᭄ᬬ
[᭖᭗ 67 A]
ᬲ᭄ᬤᬶᬢᬸ᭞ᬓᭀᬦ᭄ᬤᬾᬦ᭄ᬫᬗᬸᬮᬶᬕᬂᬳᬸᬯᬧ᭄᭟ᬧᭂᬲᬸᬫᬸᬜᬶᬦ᭄ᬜᬦᬾᬤᭂᬗᬂ᭞ᬇᬄᬦᬶᬕᬫ᭄ᬬᬲ᭄ᬫᬳᬶᬏᬗ᭄ᬕᬮ᭄᭞ᬓᭂᬫᬳᬸᬮᬶᬕᬂᬜᭀᬸᬶᬩᭀᬭᬾᬳᬾᬦᬶᬭᬚᬦᬶᬳᭀ
ᬗ᭄ᬓᭂᬩ᭄ᬧᬶᬲᬦ᭄᭞ᬦᬶᬕᬫ᭄ᬬᬲ᭄ᬤᬶᬢᬸᬗᬶᬚ᭄ᬯᬂ᭞ᬧ᭄ᬯᬋᬕᬦᬾᬓᬚᬸᬚᬸᬃ᭞ᬓᬢᭂᬧᬸᬓ᭄ᬩᬸᬂᬩᬸᬂᬳᬮᬯᬲ᭄᭟ᬢᬸᬃᬫᬲᭂᬂᬲᭂᬂᬲᬤ᭄ᬧᬲ᭄ᬢᬶ᭞ᬤᬶᬢᬸᬬᬵᬮᬯᬸᬢ᭄ᬓᬳᬸᬗ᭄ᬓᬩ᭄᭞
ᬢᭀᬕ᭄ᬢᭀᬕᬂᬗᬮᬶᬄ᭞ᬩᭂᬩᭂᬓᬾ᭞ᬮᬯᬸᬢ᭄ᬕᬳᬾᬦᬂᬓᭀᬚᭀᬗᬦ᭄᭞ᬲᬸᬩᬓᬳᬶᬲᬶᬦᬶᬦ᭄ᬩᭂᬩᭂᬓ᭄᭞ᬧᭂᬲ᭄ᬯᬦ᭄ᬳ᭄ᬬᬲᬤᬕᬶᬲᬸ᭞ᬲᬶᬲᬸᬫᬗᬸᬮᬶᬕᬂᬳᬸᬯᬧ᭄᭟
ᬓᭂᬦᭂᬳᬾᬚ᭄ᬭᭀᬦᬶᬂᬗᬢᬶ᭞ᬚᬦᬶᬦᬾᬳᬧᬂᬢᬯᬗᬵ᭞ᬩᭀᬭᬾᬄᬫᬳᬶᬲᬶᬩᭂᬩᭂᬓᬾ᭞ᬳᬸᬧᬳᬾᬤᭂᬕᬕ᭄ᬫᬧᭂᬢᬵ᭞ᬓᭀᬘᬧᬦ᭄ᬲᬸᬩᬧ᭄ᬭᬕᬢ᭄᭞
Kaca:Bali-lontar-gaguritan-pancasangha-350ppi.pdf/67
Kaca puniki sampun kauji-wacén
