[᭖᭙ 69 B]
᭖᭙
᭟ᬭᬶᬂᬭᬳᬶᬦ᭄ᬳᬶᬭᬢᬸᬦᬸᬦᬶ᭞ᬗᬸᬮᬶᬕ᭄ᬯᭂᬥᬓ᭄ᬗᬚᬂᬢᭀᬬᬵ᭞ᬤᭀᬦᬶᬂᬢᬶᬢ᭄ᬬᬂᬮᬫᬶᬋᬓᭀ᭞ᬦᬶᬕᬮᬸᬄᬕᬗ᭄ᬕᬵᬓᭀᬘᬧᬵ᭞ᬲᬳᬸᬲᬦᬾᬫᬳᭂᬫᭂᬫᬦ᭄
᭞ᬤᬤᬶᬬᬵᬲᬬᬦ᭄ᬫᬳᬶᬫ᭄ᬩᬸᬄ᭞ᬕᭂᬦᬶᬢ᭄ᬗᬸᬋᬓ᭄ᬓᬩ᭄ᬮᬓᬗᬦ᭄᭟᭐᭟ᬧᬸᬄ᭞᭞᭞᭞᭞᭞᭞᭞᭟᭐᭟ᬦᬶᬕᬮᬸᬄᬕᬗ᭄ᬕᬵᬫᬕᬸᬬᬂ᭞ᬤᬶᬧᭂᬤᭂᬫᬦ᭄ᬢ᭄ᬯᬭᬤ
ᬤᬶᬩᬦ᭄ᬦᬦ᭄ᬤᬗᬶᬦ᭄᭞ᬕᭂᬦᬶᬢ᭄ᬗᬳᬧ᭄ᬫᬓᬳᬸᬓᬸᬤ᭄᭞ᬧᬜ᭄ᬚᭂᬭᭀᬯᬦ᭄ᬦᬸᬮᬶᬄᬲ᭄ᬭᬩ᭄᭞ᬫᬜᬕ᭄ᬚᬕᬶᬦ᭄᭞ᬤᬶᬧᬸᬃᬡ᭄ᬬᬦ᭄ᬧᬤᬳᬸᬬᬸᬢ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᭀᬂᬗ᭄ᬮᬶ
ᬗ᭄ᬯᬂ᭞ᬧ᭄ᬭᬕᬢ᭄ᬦᬶᬕᬫ᭄ᬬᬲ᭄ᬫᬗᬶᬭᬶᬂ᭟ᬩᬦ᭄ᬳᬶᬤᬦᬾᬢᬺᬱ᭄ᬡᬵᬧᬶᬲᬦ᭄᭞ᬭᬩᬶᬳᭀᬓᬵᬳᬶᬤᬦᬾᬢᬦ᭄ᬓᬳᬾᬮᬶᬂ᭞ᬤᬶᬚ᭄ᬭᭀᬯᬦ᭄ᬲᬬᬢ᭄ᬳᬸᬬᬸᬢ᭄᭞
[᭗᭐ 70 A]
ᬦᬶᬕᬮᬸᬄᬕᬗ᭄ᬕᬵᬗᬸᬮᬬᬩ᭄᭞ᬤᬤᬶᬳᭀᬜᬳᬯᬓᬾᬬᬵᬩ᭄ᬭᬦ᭄ᬩᭂᬭᬸᬤ᭄᭞ᬓᬕᬾᬲ᭄ᬕᬾᬲ᭄ᬢᬸᬯᬭᬵᬢ᭄ᬮᬕ᭄᭞ᬩᬦ᭄ᬕᭂᬦᬶᬢᬾᬗᬸᬋᬓ᭄ᬓᬸᬮᬶᬢ᭄᭟ᬳᬤᬮᬾᬦ᭄ᬫᬗ
ᬢᬸᬭᬂ᭞ᬢᭂᬓᬾᬦ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬦ᭄ᬭᬵᬚᬦᬶ᭞ᬳᬶᬗ᭄ᬕᬶᬄᬭᬢᬸᬲᬗᬵᬩᬕᬸᬲ᭄᭠᭞ᬭᬳᬶᬦ᭄ᬳᬶᬭᬢᬸᬦᬾᬲᬸᬗ᭄ᬓᬦ᭄᭞ᬫᬗᬸᬮᬬᬩ᭄ᬕᭂᬦᬶᬢ᭄ᬕᭂᬩ᭄ᬬᬕᭂᬩ᭄ᬬᬸᬕ᭄ᬗᬳᬧ᭄᭞
ᬭᬳᬤ᭄ᬬᬦ᭄ᬫᭂᬦᭂᬢᬦ᭄ᬗᬸᬘᬧ᭄᭞ᬓᬳ᭄ᬬᬸᬦᬾᬫᬧᬶᬫᬧᬶ᭟ᬲᬓᬶᬂᬕᭂᬮᬶᬲᬶᬂᬘᬭᬶᬢ᭞ᬢᬦᬓᭀᬘᬧ᭄ᬭᬶᬂᬗᬮᬲ᭄ᬳᬸᬘᬧᬂᬫᬗ᭄ᬓᬶᬦ᭄᭞ᬫᬰᬵᬲ᭄ᬢ᭄ᬭᬫᬶᬯᬄᬫᬢᬸᬢᬸᬃ᭞ᬫ
ᬓᬓᬮᬶᬄᬲᬫ᭄ᬧᬸᬦ᭄ᬧ᭄ᬭᬚ᭄ᬜᬦ᭄᭞ᬲᬫᬶᬧᬢᭂᬄᬫᬓᬓᬮᬶᬄ᭟ᬤᬾᬤᬸᬓᬸᬄᬦᬸᬮ᭄ᬬᬗᬢᬸᬭᬂ᭞ᬫᬸᬗ᭄ᬕ᭄ᬯᬶᬂᬧᬲ᭄ᬬᬦ᭄᭞ᬦᬶᬤᬦᬾᬫᬓᬓᬮᬶᬄ᭞ᬦᬾᬮᬦᬂᬫᬗ᭄ᬓᬶ᭠
Kaca:Bali-lontar-gaguritan-pancasangha-350ppi.pdf/70
Kaca puniki sampun kauji-wacén
