[᭗᭙ 79 B]
᭗᭙
ᬓᬮ᭄ᬧ᭄ᬭᬩᬶ᭞ᬓᬧᬶᬂᬓᬮᬶᬄ᭞ᬢᬸᬃᬲᬫ᭄ᬧᬸᬦ᭄ᬫᬤ᭄ᬯᬾᬳᭀᬓᬵ᭟ᬫᬗ᭄ᬤᬳᬸᬧᬸᬦ᭄ᬧᬢᭂᬄᬧᬶᬲᬦ᭄᭞ᬓᬤᬶᬫᬾᬫᬾᬦ᭄ᬢᬶᬢ᭄ᬬᬗᬾᬗᬸᬦᬶ᭞ᬫᬗ᭄ᬤᬧᭀᬮᬶᬄᬓᬲᬗ᭄ᬲᬭ᭞ᬭ
ᬯᬸᬳᬶᬂᬧᬶᬬᬦᬓ᭄ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬬᬾᬦ᭄ᬤᬶᬚᬳᬶᬧᬸᬦ᭄ᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᬘᬂᬫᬗᬭᬸᬭᬸᬄ᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬶᬬᬃᬱᬵ᭞ᬧᬺᬫᬜ᭄ᬘᬫᬶᬯᬄᬧᬺᬫᬦ᭄ᬢ᭄ᬭᬶ᭞ᬧᬤᬵ
ᬕᬯᭀᬓ᭄᭞ᬲᬮᬶᬬᬸᬦᬾᬧᬤᬵᬦᬶᬗᭂᬳᬂ᭟ᬲᬂᬧ᭄ᬭᬪᬸᬬᬵᬫᬦᬢᬲᬂ᭞ᬦᬓᭀᬦᬶᬦ᭄ᬳᬦᬓᬾᬘᭂᬦᬶᬓ᭄᭞ᬤᬸᬄᬘᭂᬦᬶᬂᬓᬾᬦ᭄ᬓᬾᬦ᭄ᬲᬮᬄᬜ᭞ᬳᬶᬲ᭄ᬬ
ᬭᬸᬤ᭄ᬥᬵᬦᬾᬗᬹᬦᬶ᭞ᬲᬗ᭄ᬓᬜᬫᬢ᭄ᬬᬂᬘᭂᬦᬶᬂ᭞ᬢᭀᬦᬶᬭᬓᬮᬶᬯᬢ᭄ᬚᬸᬚᬸᬢ᭄᭞ᬢᭂᬓᬾᬦ᭄ᬘᭂᬦᬶᬂᬫᬦᬓᭀᬦᬂ᭞ᬤᭀᬂᬳᭀᬭᬳᬶᬦ᭄ᬦᬶᬭᬚᬦᬶ᭞ᬳᬧᬂ
[᭘᭐ 80 A]
ᬦᬶᬭ᭞ᬢᬳᬸᬢᭂᬓᬾᬦᬶᬂᬚᬦ᭄ᬤᬜ᭟ᬲᬢ᭄ᬭᬫᬶᬤᬭᬫᬢᬸᬭ᭞ᬳᬶᬗ᭄ᬕᬶᬄᬧᬸᬓᬸᬮᬸᬦ᭄ᬦᬺᬧᬢᬶ᭞ᬬᬾᬦ᭄ᬳᬶᬧᬸᬦ᭄ᬳᬶᬲ᭄ᬬᬭᬸᬤ᭄ᬥᬵ᭞ᬤᭀᬱᬵᬦᬶᬧᬸᬦ᭄ᬲᬦᬾᬭᬶᬳᬶᬦ᭄᭞
tᬳᬶᬢ᭄ᬬᬂᬫᬗᬢᬸᬭᬂᬫᬗ᭄ᬓᬶᬦ᭄᭞ᬯᬯᬸᬍᬓᬤ᭄ᬢᬶᬢ᭄ᬬᬂᬭᬢᬸ᭞ᬧᬓᬮ᭄ᬬᬸᬦ᭄ᬲᬶᬦᬋᬗᬦ᭄᭞ᬲᬯᬢᬭᬤᬰᬯᭂᬗᬶ᭞ᬓᭀᬘᬧ᭄ᬳᬶᬧᬸᬦ᭄᭞ᬭᬯᬸᬄᬫᬶᬘᬘᬤ᭄ᬫᬫᬦᬲ᭄᭟
ᬫᬾᬫᬾᬦ᭄ᬢᬶᬢ᭄ᬬᬂᬓᬓᬸᬢᬂ᭞ᬓᬮᬶᬄᬳᬶᬧᬸᬦ᭄ᬫᬶᬲᬓᬶᬢᬶᬦ᭄᭞ᬫᬾᬫᬾᬦ᭄ᬢᬶᬢ᭄ᬬᬗᬾᬪᬸᬢᬬᬂ᭞ᬓᬲᬸᬦ᭄ᬢᬶᬓ᭄ᬫᬢᬦᬾᬓᬮᬶᬄ᭞ᬓᬮᬶᬯᬢ᭄ᬩᬜᬜᬓᬶᬢᬶᬦ᭄᭞ᬲᬧᬸᬦᬶ
ᬓᬓᬦ᭄ᬤᬦᬶᬧᬸᬦ᭄᭞ᬤᭀᬱᬦᬾᬳᬶᬲ᭄ᬬᬭᬸᬤ᭄ᬥᬵ᭞ᬳᬯᬦᬦ᭄ᬳᬶᬧᬸᬦ᭄ᬗᭂᬫᬲᬶᬦ᭄᭞ᬦᬶᬓᬤᭀᬦᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬜᬳᬢᬂ᭞ᬲᬫᬶᬧᬤᬵᬓᬢᬦ᭄ᬤ᭄ᬭᬸᬳ᭠
Kaca:Bali-lontar-gaguritan-pancasangha-350ppi.pdf/80
Kaca puniki sampun kauji-wacén
