[᭘᭐ 80 B]
᭘᭐
ᬦ᭄᭞ᬭᬤᬾᬦ᭄ᬓᬮᬶᬄᬢ᭄ᬯᬭᬳᬸᬦᬶᬂ᭞ᬢᭂᬓᬾᬦ᭄ᬧᭂᬓᬓ᭄ᬳᬚᬶᬋᬓᭀ᭞ᬓᬮ᭄ᬬᬦ᭄ᬢᭂᬓᬾᬦ᭄ᬦᭂᬕᬭᬶ᭞ᬳᬯᬦᬦᬾᬢᬦᬵᬗᬾᬮᬶᬂ᭞ᬯᬯᬸᬳᭂᬫ᭄ᬩᬲ᭄ᬳᬶᬤᬵᬲ
ᬫ᭄ᬧᬸᬦ᭄᭞ᬓᬓᬸᬢᬂᬚ᭄ᬭᭀᬦᬶᬂᬲᬾᬢᬺ᭞ᬢᬦ᭄ᬦᬳᭂᬦ᭄ᬫᬗ᭄ᬕᬶᬄᬦᭂᬕᬭᬶ᭞ᬯᬯᬸᬫᬗ᭄ᬓᬶᬦ᭄᭞ᬦᬶᬓᬵᬤ᭄ᬯᬦᬶᬂᬓᬢᬦ᭄ᬤ᭄ᬭᬸᬳᬦ᭄᭟ᬲᬂᬧ᭄ᬭᬪᬸᬲᬬᬦ᭄ᬓᬾᬫᭂᬗᬦ᭄᭞ᬫ
ᬫᬶᬋᬂᬳᬦᬓᬾᬘᭂᬦᬶᬓ᭄᭞ᬢᬸᬫᬸᬮᬶᬄᬭᬭᬶᬲ᭄ᬜᭂᬲᭂᬤᬂ᭞ᬦᬓᭀᬦᬶᬦ᭄ᬳᬦᬓᬾᬘᭂᬦᬶᬓ᭄᭞ᬳᬸᬤᬸᬄᬘᭂᬦᬶᬂᬫᬓᬓᬮᬶᬄ᭞ᬦᬶᬭᬚᬦᬶᬮᬶᬯᬢᬶᬂᬚᬸᬚᬸᬢ᭄᭞
ᬫᬾᬫᬾᬦ᭄ᬘᭂᬦᬶᬗᬾᬤᬶᬚᬳᬵ᭞ᬓᬮᬶᬄᬕᬸᬭᬸᬦ᭄ᬘᭂᬦᬶᬂᬚᬢᬶ᭞ᬜᬾᬦ᭄ᬳᬤᬜ᭞ᬓᬮᬶᬄᬤᬶᬚᬓᬂᬦᭂᬕᬭ᭟ᬲᬢᬺᬫᬶᬤᬭᬫᬢᬸᬭᬵ᭞ᬳᬶᬗ᭄ᬕᬶᬄᬧᬸᬓᬸ
[᭘᭑ 81 A]
ᬮᬸᬦ᭄ᬲᬗᬵᬚᬶ᭞ᬳᬶᬗ᭄ᬕᬶᬄᬬᬦᬶᬂᬕᬸᬭᬸᬦ᭄ᬢᬶᬢ᭄ᬬᬂ᭞ᬧᭂᬲᬾᬗᬦ᭄ᬤᬦᬾᬦᬾᬚᬢᬶ᭞ᬓᭀᬘᬧ᭄ᬳᭀᬓᬦ᭄ᬫᬯᬕᬸᬫᬶ᭞ᬘᬦ᭄ᬤᬶᬕᬭᬦᬾᬧᬫᬸᬢᬸᬲ᭄᭞ᬭᬶᬂᬳᬫ᭄ᬩ
ᬭᬲᬵᬮᬦᭂᬕᬭ᭞ᬫᬾᬫᬾᬦ᭄ᬢᬶᬢ᭄ᬬᬗᬾᬯ᭄ᬬᬓ᭄ᬢᬶ᭞ᬓᭀᬘᬧ᭄ᬤᬦᬾ᭞ᬭᬶᬂᬧᬜ᭄ᬘᬲᬗ᭄ᬳᬵᬦᭂᬕᬭ᭞ᬲᬸᬘᬶᬳᬭᬸᬫ᭄ᬓᬾᬯᬱ᭄ᬝᬜ᭞ᬓᬾᬢᭀᬳᬢᬸᬃᬭ
ᬤᬾᬦ᭄ᬓᬮᬶᬄ᭞ᬲᬫ᭄ᬧᬸᬦ᭄ᬧᭂᬤᬲ᭄ᬓᬧᬶᬋᬗᬂ᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬭᬶᬲ᭄ᬫᬜᬕ᭄ᬚᬕᬶᬦ᭄ᬕᭂᬮᬶᬲ᭄᭞ᬭᬳᬤᬾᬦ᭄ᬓᬮᬶᬄᬓᬲᬳᬸᬧ᭄᭞ᬧᬺᬫᬜ᭄ᬘᬦᬾᬧᬤᬵ
ᬳᭀᬬᭀᬤ᭄᭞ᬫᬲ᭄ᬮᬶᬬᬸᬭᬦ᭄ᬫᬓᬲᬫᬶ᭞ᬧᬤᬵᬳᬸᬬᬸᬢ᭄᭞ᬫᬲ᭄ᬮᬸᬭᬦ᭄ᬤᬶᬩᬜ᭄ᬘᬶᬗᬄ᭟ᬫᬗ᭄ᬤᬸᬦᬂᬳᭀᬓᬦᬶᬤᬵ᭞ᬲᬫ᭄ᬧᬸᬦ᭄ᬭᬯᬸᬄᬲᬦᬾᬫᬗ᭄ᬓᬶᬦ᭄᭞ᬦᬾ
Kaca:Bali-lontar-gaguritan-pancasangha-350ppi.pdf/81
Kaca puniki sampun kauji-wacén
