[᭘᭔ 84 B]
᭘᭔
ᬢᬦ᭄ᬓᭀᬘᬧᬦ᭄ᬦᬶᬕᬮᬸᬄᬲᬸᬩᬓᬲᬸᬭᬸᬂ᭞ᬫᬲᬋᬗᬦ᭄ᬢᭂᬓᬾᬦᬵᬧᬦᬓ᭄᭞ᬢᭀᬗᭀᬲᬂᬤᬶᬲᭂᬫᬚᬦᬶ᭟ᬧᭂᬘᬓ᭄ᬢᭀᬗᭀᬲᬾᬭᬳᬤ᭄ᬬᬦ᭄᭞ᬦ
ᬦᬾᬫᬮᬸ᭞ᬤᬶᬢᬸᬬᬢᭀᬗᭀᬲᬂᬚᬦᬶ᭞ᬫᬗ᭄ᬮᬶᬂᬬᬕᭂᬮᬃᬕᭂᬮᬸᬃ᭞ᬫᬲᬋᬗᬦ᭄ᬢᭂᬓᬾᬦ᭄ᬧᬦᬓ᭄᭞ᬢᬦ᭄ᬓᭀᬘᬧᬦ᭄᭞ᬭᬶᬂᬧᬸᬭᬶᬚᬦᬶᬓᬯᬸᬯᬸᬲ᭄᭞ᬭ
ᬤᬾᬦ᭄ᬫᬦ᭄ᬢ᭄ᬭᬶᬫᬲᬋᬗᬦ᭄᭞ᬢᭂᬓᬾᬦ᭄ᬳᭀᬓᬦᬾᬓᬓᬮᬶᬄ᭟ᬧᭂᬓᬓᬾᬲᬫᬶᬇᬭᬶᬓᬵ᭞ᬭᬶᬂᬧᬹᬃᬬ᭄ᬬᬦ᭄ᬧᬸᬢᬸᬳᭀᬓᬓᬸᬫ᭄ᬧᬸᬮ᭄ᬲᬫᬶ᭞ᬲᬂᬧ᭄ᬭᬪᬸᬗᬦ᭄ᬤᬶ
ᬓᬤᬶᬢᬸ᭞ᬉᬤᬸᬄᬘᬸᬘᬸᬓᬓᬶᬫᬶᬭᬄ᭞ᬚᬦᬶᬲᬸᬩᬵᬓᬲᬶᬓᬳ᭄ᬬᬸᬦ᭄ᬳᬶᬩᬕᬸᬲ᭄᭞ᬗᬸᬤᬲᬗ᭄ᬓᬦ᭄ᬢᬸᬯᬭᬢᭂᬓᬵ᭞ᬩᬶᬩᬶᬦ᭄ᬳᬶᬤᬾᬯᬫᬵᬲ᭄ᬫᬡᬶᬓ᭄᭟᭐᭟
[᭘᭕ 85 A]
ᬧᬸᬄᬫᬲ᭄ᬓᬸᬫᬫ᭄ᬩᬂ᭟᭐᭟ᬭᬤᬾᬦ᭄ᬓᬮᬶᬄ᭞ᬲᬢᬺᬫᬶᬦᬭᬗᬪᬓ᭄ᬢᬶ᭞ᬤᬶᬢᬸᬫᬲᬋᬗᬦ᭄᭞ᬢᭂᬓᬾᬦ᭄ᬦᬶᬲᬢᬺᬫᬶᬤᬭᬶ᭞ᬫᬳ᭄ᬢᬸᬃᬬᬵᬳᬩ᭄ᬭᬶᬬᬸᬓᬦ᭄᭟ᬇ
ᬗ᭄ᬕᬶᬄᬧᭂᬓᬓ᭄᭞ᬲᬂᬧ᭄ᬭᬪᬸᬫᬯᬕᬸᬫᬶ᭞ᬧᬦᭂᬫ᭄ᬩᬳᬦ᭄ᬢᬶᬢ᭄ᬬᬂ᭞ᬤᬶᬓᬧᬦ᭄ᬦᬾᬦ᭄ᬢᭂᬦ᭄ᬳᬶᬭᬶᬓᬶ᭞ᬳᬶᬩᬶᬩᬶᬧᬋᬓᬦ᭄ᬳᬶᬤ᭟ᬲᬓᬾᬯᬦ᭄ᬢᭂᬦ᭄ᬧᭂᬓᬓ᭄ᬳᬚᬶᬮᬶᬦ᭄ᬢᬂᬮᬮᬶ᭞ᬫ
ᬗᬗ᭄ᬕᬾᬦ᭄ᬧᬋᬓᬦ᭄᭞ᬦᬾᬦ᭄ᬢᭂᬦ᭄ᬓᭂᬦᬶᬓᬳᬾᬮᬶᬗᬶᬦ᭄᭞ᬓᬾᬗᬶᬦ᭄ᬲᬫᬶᬓᬢᬦ᭄ᬤ᭄ᬭᬸᬳᬦ᭄᭟ᬇᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬧᬘᬂᬫᬗᬾᬮᬶᬗᬶᬦ᭄᭞ᬗᬸᬤᬢ᭄ᬯᬭᬲᬶ
ᬤᬵ᭞ᬳᬶᬩᬶᬩᬶᬭᬯᬸᬄᬳᬶᬭᬶᬓᬶ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬤᭀᬂᬦ᭄ᬤᬶᬢᬬᬂ᭟ᬧᬋᬓᬦᬾ᭞ᬫᬗ᭄ᬤᬲᬫᬶᬭᬯᬸᬄᬫᬗ᭄ᬓᬶᬦ᭄᭞ᬭᬶᬂᬗᬬᬸᬦ᭄ᬳᬶᬤᬾᬯ᭞ᬲᬂᬧ᭄ᬭᬪᬸᬦᬸᬮ᭄ᬬ
Kaca:Bali-lontar-gaguritan-pancasangha-350ppi.pdf/85
Kaca puniki sampun kauji-wacén
