Kaca:Bali-lontar-gaguritan-papaka-350ppi.pdf/24

Kaca puniki sampun kauji-wacén

[᭒᭓ 23 B]
᭒᭓᭟
ᬫ᭄᭟᭐᭟ᬲᬂᬯᬦᬭᬷᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬳᬸᬤᬸᬄᬧᬧᬓᬩᭂᬮᬶ᭞ᬕᬯᭀᬓ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬧᬶᬤᬃᬣᬦ᭄ᬩᭂᬮᬶᬦᬾᬢᬸᬦᬶ᭞ᬇᬦ᭄ᬤᬶᬓ᭄ᬩᭂᬮᬶᬜᬶᬯᬮᬢ᭄ᬭᬶ᭞ᬳᬯᭂ
ᬗᬶᬢᬢᬦ᭄ᬳᬢᬸᬭᬸ᭞ᬲᬫ᭄ᬩᬶᬮᬂᬩᭂᬮᬶᬫᬧᬮᬮ᭄ᬬᬦ᭄᭞ᬳᬗ᭄ᬕᬾᬦ᭄ᬩᭂᬮᬶᬗᭂᬦ᭄ᬢᬲ᭄ᬧᭂᬮᬶᬲ᭄᭞ᬫᬶᬩᬫ᭄ᬩᬶᬗᬸᬂ᭞ᬓᬮᬶᬭᬸᬩᭂᬮᬶᬗᬃᬢ᭄ᬬᬂ᭟᭐᭟ᬬᬦ᭄ᬓᬾᬢᭀᬚᬵᬢᬶᬨᬮᬦ᭄ᬜ
᭞ᬇᬦ᭄ᬤᬶᬓ᭄ᬱᬂᬫᬜᬶᬯᬮᬢ᭄ᬭᬶ᭞ᬳᬦ᭄ᬢᬸᬓ᭄ᬱᬯᭂᬗᬶᬫᬕᬥᬂ᭞ᬘᭀᬭᬳᬾᬲᬵᬫ᭄ᬧᬸᬦ᭄ᬪᬶᬦᬲ᭄ᬫᬶ᭞ᬢᬢᬦ᭄ᬧᬘᬂᬯᬾᬦ᭄ᬢᭂᬦ᭄ᬯᬾᬘᬶ᭞ᬦᬵᬭᬓᬮᭀᬓᬦᬾᬲᬸᬯᬸᬂ᭞ᬭᬾᬄᬦᬶᬂ
ᬫᬳᬫ᭄ᬩᭂᬜ᭄ᬘᭀᬭᬄ᭞ᬜᬭᬢᬂᬚᬕ᭄ᬭᬲᬯᭂᬗᬶ᭞ᬓᬵᬗ᭄ᬕᬾᬦ᭄ᬗᬍᬩᬸᬃ᭞ᬨᬮᬓᬃᬫ᭄ᬫᬦ᭄ᬜᬦᬾᬘᭀᬭᬄ᭟᭐᭟ᬬᬜ᭄ᬚᬵᬢᬶᬓᬾᬢᭀᬢᭂᬕᭂᬲ᭄ᬜ᭞ᬇᬦ᭄ᬤᬶᬓ᭄ᬫᬕ᭠
[᭒᭔ 24 A]
ᬥᬂᬲᬯᭂᬗᬶ᭞ᬲᬶᬤ᭄ᬥᬫᬸᬘᭂᬄᬨᬮᬓᬃᬫ᭄ᬫ᭞ᬧᬶᬦᬓᬢᬢ᭄ᬯᬦᬶᬂᬳᬚᬶ᭞ᬧᬜ᭄ᬘᬰ᭄ᬭᬤ᭄ᬥᬯᬸᬲ᭄ᬧᬶᬦᬸᬚᬶ᭞ᬰ᭄ᬭᬤ᭄ᬥᬦᬶᬂᬆᬕᬫᬳᬶᬦ᭄ᬤᬸ᭞ᬧᬫᭂᬓᬲ᭄ᬜᬨᬮᬓᬃᬫ᭄ᬫ᭞ᬫᬶᬯᬄᬧᬸᬦᬃ
ᬪᬯᬢᬸᬯᬶ᭞ᬢᬸᬃᬯᬶᬦᬸᬯᬸᬲ᭄᭞ᬫᭀᬮᬶᬄᬲ᭄ᬯᬃᬕ᭄ᬕᬮᬦ᭄ᬦᬵᬭᬓ᭟᭐᭟ᬬᬦ᭄ᬫᬦᬸᬢ᭄ᬧᬦᬫ᭄ᬧᬾᬦ᭄ᬢᬶᬢ᭄ᬬᬂ᭞ᬲᬸᬓ᭄ᬱ᭄ᬫᬦ᭄ᬫᬜᬶᬯᬮᬢ᭄ᬭᬶ᭞ᬧᬸᬦᬶᬓᬯᬦ᭄ᬢᬄᬧᬮᬫ᭄ᬩᬂ᭞ᬧᬮ
ᬫ᭄ᬩᬂᬧᬦᬸᬦ᭄ᬢᬸᬦ᭄ᬳᬸᬭᬶᬧ᭄᭞ᬫᬗ᭄ᬤᬾᬦ᭄ᬜᬫᬗ᭄ᬕᬸᬄᬲᬸᬢᬺᬧ᭄ᬢᬶ᭞ᬲᬓᬮᬦᬶᬲ᭄ᬓᬮᬳᬬᬸ᭞ᬳᬶᬤᬸᬧᬾᬫᬗ᭄ᬕᬸᬄᬓᬯᬶᬃᬬ᭄ᬬᬦ᭄᭞ᬓᬵᬮᬧᭂᬚᬄᬫᬗ᭄ᬕᬸᬄᬍᬯᬶᬄ᭞ᬧᭀᬮᬶᬄᬮᬸᬗ᭄ᬕᬸᬄ᭞
ᬭᬶᬂᬲ᭄ᬯᬃᬕ᭄ᬕᬮᭀᬓᬫᬮᬶᬗ᭄ᬕ᭟᭐᭟ᬲᬂᬳᬢᬸᬭᬸᬲᬵᬫ᭄ᬧᬸᬦ᭄ᬲᬶᬦᬄ᭞ᬮᬸᬧᬢᬦ᭄ᬳᬾᬮᬶᬂᬭᬶᬂᬤᬶᬭᬶ᭞ᬢᬦ᭄ᬪᬷᬦᬓᬤᬶᬲᬦ᭄ᬧᬸᬜᬄ᭞ᬫᬩᬯᭀᬲ᭄ᬗᬘᬸᬄᬢᬦ᭄ᬫᬭᬶ᭞ᬫᬓᬫᬶᬯᬄᬫ