[᭓᭙ 39 B]
᭓᭙᭟
ᬓ᭄ᬭᬶᬂᬚᬕᬢ᭄᭞ᬧᬲ᭄ᬢᬶᬲᬵᬫ᭄ᬧᬸᬦ᭄ᬢᬢᬦ᭄ᬲᬶᬤ᭄ᬥ᭟᭐᭟ᬭᬾᬄᬦᬶᬂᬳᬶᬤᬫᬓᬤᬾᬯᬦ᭄ᬓᬳᬶᬤᬮᬦ᭄᭞ᬦᭂᬧᬲᬶᬦ᭄ᬢᬦ᭄ᬧᬶᬮᬶᬄᬓᬵᬲᬶᬄ᭞ᬅᬢ᭄ᬫᬦ᭄ᬲᬗᬘᭀᬭᬄ
᭞ᬢᭂᬧᬲᬶᬦᬶᬤᬢᬦ᭄ᬮᭀᬫ᭄ᬧᬂ᭞ᬬᬤᬶᬦ᭄ᬢᭀᬫ᭄ᬩᭀᬓᬦ᭄ᬢᬓ᭄ᬧᬶᬧᬶᬲ᭄᭞ᬢᬢᬦᭀᬩᬄ᭞ᬓᬮᬶᬂᬓᬾᬯᬦ᭄ᬢᬄᬩᬦ᭄ᬫᬸᬜᬶ᭟᭐᭟ᬦᬄᬢᬭᬶᬫᬲᬓᬜ᭄ᬘ
ᬦ᭄ᬨᬮᬦᬶᬂᬓᬃᬫ᭄ᬫ᭞ᬲ᭄ᬯᬓᬃᬫ᭄ᬫᬦᬾᬤᬶᬕᬸᬫᬶ᭞ᬩᬧᬫᬶᬢᭂᬓᭂᬢᬂ᭞ᬬᬦ᭄ᬤᬾᬯᬫᬚᬦ᭄ᬫᬫᬸᬯᬄ᭞ᬯᬾᬢ᭄ᬦᬶᬂᬰᬺᬤ᭄ᬥᬲᬂᬳ᭄ᬬᬂᬯᬶᬥᬶ᭞ᬦ᭄ᬭᬾᬱ᭄ᬝᬶᬫᬵᬦᬸᬱ᭞ᬩᬸᬤ᭄ᬥᬶᬢᬶᬗ᭄ᬓᬳᬾᬲ
ᬮᬶᬦᬶᬦ᭄᭟᭐᭟ᬫᬗ᭄ᬤᬧᬢᬸᬄᬓᬤᬶᬦᬾᬢᭂᬍᬩᬂᬩᬧ᭞ᬉᬘᬧ᭄ᬳᬚᬷᬦᬾᬕᬸᬕᭀᬦᬶᬦ᭄᭞ᬲᬸᬯᬸᬤᬂᬫᬜᭀᬭᬄ᭞ᬥᬃᬫ᭄ᬫᬧᬢᬹᬢᬾᬲᬭᬢᬂ᭞
[᭔᭐ 40 A]
ᬓᬯᬶᬢᬶᬦ᭄ᬤᬶᬢᬸᬫᬓᬃᬤ᭄ᬥᬶ᭞ᬗᬃᬤ᭄ᬥᬶᬫᬃᬕ᭄ᬕ᭞ᬗᬸᬗ᭄ᬲᬶᬓᬲ᭄ᬯᬃᬕ᭄ᬕᭀᬢ᭄ᬢᬫᬶ᭟᭐᭟ᬯᬦ᭄ᬢᬄᬤᬶᬢᬸᬤᬶᬚᬕᬢ᭄ᬲᬶᬤ᭄ᬥᬫᭀᬢ᭄ᬲᬳ᭞ᬤᬶᬦᬶᬢ᭄ᬯᬄᬫᬗᬮᬧᬶᬦ᭄
᭞ᬨᬮᬦᬶᬂᬲ᭄ᬯᬃᬓᬃᬫ᭄ᬫ᭞ᬤᬶᬦᬶᬢᬦ᭄ᬲᬶᬤ᭄ᬥᬫᭀᬢ᭄ᬲᬳ᭞ᬧᬘᬂᬳᬮᬧᬶ᭠ᬦ᭄ᬤᬶᬕᬸᬫᬶ᭞ᬳᬧᬂᬘᭂᬦᬶᬂᬢᬢᬲ᭄᭞ᬫᬪᬷᬦᬬᬦ᭄ᬳᬮᬩᭂᬘᬶᬓ᭄᭟᭐᭟ᬬᬾᬦᬶᬂᬲᬵ
ᬫ᭄ᬧᬸᬦ᭄ᬘᭂᬦᬶᬂᬦᭂᬍᬩᬂᬆᬕᬫ᭞ᬧᬘᬂᬬᬲᬶᬤ᭄ᬥᬫᬦᬸᬗ᭄ᬕᬮᬦ᭄ᬕᭂᬦᬄ᭞ᬲᬋᬂᬩᬶᬩᬶᬫᬶᬯᬄᬩᬧ᭞ᬫᬶᬯᬄᬭᬶᬂᬮᬮᬸᬳᬸᬃᬲᬫᬶ᭞ᬭᬶᬂᬲ᭄ᬯᬃᬕ᭄ᬕ᭞ᬫᬸᬧᭀ
ᬦᬶᬦ᭄ᬲᬦ᭄ᬢᭀᬱᬢᬺᬧ᭄ᬢᬶ᭟᭐᭟ᬫᬗ᭄ᬤᬯ᭄ᬭᬸᬄᬧᬶᬤᬩ᭄ᬤᬩᬾᬭᬶᬂᬲ᭄ᬯᬃᬕ᭄ᬕᬦ᭄᭞ᬤᬶᬢᬸᬲᬦ᭄ᬢᭀᬱᬢᬦ᭄ᬫᬭᬶ᭞ᬢᬦ᭄ᬫᬯᬮᬶᬤᬸᬄᬓ᭞ᬦᬗ᭄ᬳᬶᬂᬭᬶᬂᬦᬵᬭᬓᬮᭀ
Kaca:Bali-lontar-gaguritan-papaka-350ppi.pdf/40
Kaca puniki sampun kauji-wacén
