[᭙ 9B]
᭙
ᬲᭂᬓᭂᬦᬗ᭄ᬚᬵᬲᬳᬶᬦᬗ᭄ᬓᬶᬮ᭄᭟ᬯᬶᬭᬾᬄᬳᬶᬥᬃᬫ᭄ᬫᬧᬸᬦᬶᬓ᭞ᬬᬾᬦ᭄ᬲᬳᬶᬳᬂᬧᬥᬮᬯᬦ᭄ᬳᬶᬮᬮᬶᬧᬶ᭞ᬢᭀᬂᬲᬶᬤ᭄ᬥᬵᬩᬵᬦᭂᬗᭂᬃᬤᬶᬢᬸ᭞ᬲᬕᬾᬢᬵᬭᬯᬸᬄᬳᬸᬮᬶᬓᬚ᭞ᬳᬸᬮᬶᬂᬓᭂᬮᭀᬤ᭄ᬳᬸᬮᬶᬂᬓᬗᬶ
ᬦ᭄ᬳᬸᬮᬶᬂᬓᬯᬸᬄ᭞ᬲᬕᬾᬢ᭄ᬫᬭᬃᬬᬦ᭄ᬤᬶᬢᭂᬗᬄ᭞ᬓᬾᬯᭂᬄᬧᬘᬂᬫᬗᬶᬗᭂᬢᬶᬦ᭄᭟ᬢᬶᬦ᭄ᬤᬶᬳᬂᬳᬸᬕᬶᬦᬾ ᬤᬤ᭄ᬯ᭞ᬢ᭄ᬯᬄᬳᭂᬦ᭄ᬢᭀᬓᬳᬸᬘᬧ᭄ᬉᬢ᭄ᬢᬫᬦᬾᬤᬶᬦᬶ᭞ᬰ᭄ᬭᬸᬢᬶᬗᬭᬦ᭄ᬯᬾᬥᬘᬢᬸᬃ᭞ᬲᬫᬺᬢᬶ
ᬢᭀᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭ᭞ᬳ᭄ᬬᬂᬲᬫᬺᬢᬶᬫᬓᬫᬶᬯᬄᬯᬾᬥᬘᬢᬹᬃ᭞ᬳᭂᬦ᭄ᬢᭀᬢ᭄ᬯᬶᬚᬶᬯᬜ᭄ᬚᬕᬢ᭄᭞ᬜᬦ᭄ᬤᬂᬳᭂᬦ᭄ᬢᭀᬳᬶᬭᬶᬂᬲᬫᬶ᭟ᬯᬶᬭᬾᬄᬳᬶᬤᬫᬗ᭄ᬭᬡᬬᬂ᭞ᬳᬲᬶᬂᬕᬯᬾᬫᬲᬦ᭄ᬤᬗᬦ᭄ᬲᬗ᭄ᬳ᭄ᬬᬂᬓᬮᬶᬄ᭞
ᬲᬂᬓᬮᬶᬄᬫᬗᬶᬘ᭄ᬙᬾᬦ᭄ᬳᬬᬸ᭞ᬳᬬᬸᬧᬸᬧᬸᬢ᭄ᬓᬳᬸᬘᬧᬂ᭞ᬧᬗᬸᬘᬧᬾᬲ᭄ᬯᬃᬕ᭄ᬕᬉᬢ᭄ᬢᬫᬓᬚᬸᬚᬸᬃ᭞ᬜᬸᬚᬸᬃᬫᬸᬮᬶᬄᬲᬓᬶᬂᬲ᭄ᬯᬃᬕ᭄ᬕ᭞ᬫᬸᬮᬶᬳᬾᬫᬯᬦ᭄ᬢᬸᬦ᭄ᬫᬮᬶᬄ᭟ᬲᬗ᭄ᬳ᭄ᬬᬂᬯᬾᬥᬗᬯᬾᬦ᭄ᬢᭂᬦᬂ
[᭑᭐10A]
ᬘᬢᬸᬃᬯᬃᬡ᭄ᬦᬘᬢᬸᬃᬳᬰ᭄ᬭᬫᬫᬓᬤᬶ᭞ᬘᬘᬓᬦ᭄ᬳᬰ᭄ᬭᬫᬳᬶᬢᬸᬂ᭞ᬩ᭄ᬭᬵᬳ᭄ᬫᬵᬘᬭᬶᬕᬺᬳᬰ᭄ᬝ᭄᭞ᬯᬦᬧ᭄ᬭᬰ᭄ᬝᬪᬶᬓ᭄ᬱ᭄ᬳᬸᬓᬵᬫᬮᬶᬄᬓᬯᬸᬯᬸᬲ᭄᭞ᬲᬫᬶᬧᬸᬧᬸᬢ᭄ᬓᬧᬸᬢᬸᬲᬦ᭄᭞ᬲᬗ᭄ᬳ᭄ᬬᬂᬯᬾᬥᬗᬫᬶᬫᬶᬢᬶᬦ᭄᭟
ᬓ᭄ᬭᬡᬉᬢ᭄ᬢᬫᬳ᭄ᬬᬂᬯᬾᬥ᭞ᬓᬤᬲᬭᬶᬦ᭄ᬳᬦ᭄ᬢᬸᬓ᭄ᬳᬶᬣᬶᬬᬲᬵᬯᬶᬥᬶ᭞ᬲᬗ᭄ᬬᬂᬧᬸᬭᬡᬵᬫᬦᬸᬮᬸᬃ᭞ᬫᬦᬸᬮᬸᬭᬶᬦ᭄ᬲᬗ᭄ᬳ᭄ᬬᬂᬯᬾᬥ᭞ᬓ᭄ᬭᬡᬓᬸᬓᬸᬄᬧᬗᬸᬜ᭄ᬘᬃᬳ᭄ᬬᬂᬯᬾᬥᬧᬢᬹᬢ᭄᭞ᬳᬲᬶᬤ᭄ᬥᬵ ᬲᬶᬤ᭄ᬥᬶᬳᬲᬶᬂ
ᬗᬸᬘᬧ᭄᭞ᬓ᭄ᬭᬡᬳᬬᬸᬫᬓᬲᬫᬶ᭟ᬬᬦᬶᬂᬓᬶᬭᬂᬲᬗ᭄ᬳ᭄ᬬᬂᬯᬾᬥ᭞ᬢᬢ᭄ᬯᬳᬚᬶᬢᬦ᭄ᬧᬤᬲᬃᬢᬦ᭄ᬧᬓᬡ᭄ᬝᬶ᭞ᬲᬗ᭄ᬳ᭄ᬬᬂᬯᬾᬥᬕᭂᬢᬧ᭄ᬳᭂᬓᬸᬢ᭄᭞ᬯᬘᬡᬦᬾ ᬫᬓᬯᬸᬓᬦ᭄᭞ᬳᬶᬗ᭄ᬕᬶᬄᬭᬢᬸ
ᬧᬸᬓᬸᬮᬸᬦ᭄ᬪᬝᬵᬭᬧᬸᬢᬸᬲ᭄᭞ᬲᬵᬫ᭄ᬧᬸᬦᬂᬳᬸᬕᬶᬲᬵᬫ᭄ᬧᬸᬦᬂ᭞ᬪᬝᬵᬭᬦᬾᬫᬗ᭄ᬭᬯᬸᬳᬶᬦ᭄᭟ᬳᬶᬮᬶᬗᬂᬳᬸᬕᬶᬳᬶᬮᬶᬗᬂ᭞ᬳᬲᬶᬂᬓᬸᬘᬧ᭄ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬲᬫᬺᬢᬶ᭞ᬳᭂᬦ᭄ᬢᭀᬫᬵᬤᬦ᭄ᬥᬃᬫ᭄ᬫ
Kaca:Bali-lontar-gaguritan-paparikan-sarasamuscaya-300ppi.pdf/10
Kaca puniki sampun kauji-wacén
