[᭑᭐ 10B]
᭑᭐
ᬧᬵᬢᬹᬢ᭄᭞ᬫᬶᬯᬄᬳᬲᬶᬂᬓᬳᬸᬘᬧᬂ᭞ᬳᭀᬮᬶᬄᬳᬶᬤᬲᬗ᭄ᬳ᭄ᬬᬂᬲ᭄ᬭᬸᬢᬶᬤᬳᬣᬬᬸ᭞ᬳᭂᬤᬧᭂᬲᬦ᭄ᬩᬦᬶᬢᬸᬮᬄ᭞ᬭᬶᬂᬳᬶᬤᬲᬗ᭄ᬳ᭄ᬬᬂᬓᬓᬮᬶᬄ᭟ᬕᬕᭀᬤᬦ᭄ᬢᬸᬯᬶᬢᬢᬶᬕ᭞ᬲᬓᬶᬂᬫᬦᬄᬲ
ᬓᬶᬂᬲᭀᬮᬄᬫᬶᬯᬄᬫᬸᬜᬶ᭞ᬳᬸᬮᬶᬂᬤᬶᬢᬸᬓ᭄ᬭᬡᬳᬶᬗᬸᬄ᭞ᬳᭂᬦ᭄ᬢᭀᬫᭂᬮᬳᬂᬦᬩ᭄ᬤᬩᬂ᭞ᬫᬦᬶᬯᬓᬂᬢᭂᬓᬾᬦᬵᬳᬶᬤᬤᬦᬾ ᬳᬶᬧᬸᬦ᭄᭞ᬬᬦ᭄ᬢᭀᬦ᭄ᬤᬾᬦᬵᬫᭂᬮᬄᬤᬶᬳᬯᬓ᭄᭞ᬳᭂᬤᬦᬶᬯᬓᬂᬓᬲᬫ᭄ᬧᬶᬂ᭟
ᬳᬭᬶᬫ᭄ᬪᬯᬦᬾᬚᬮᬦᬂ᭞ᬳᬧᬂᬳᭂᬥᬓᬥᬃᬫ᭄ᬫᬦᬾ ᬤᬤᬶᬧᬮᬶᬂ᭞ᬢᬦ᭄ᬧᬕᬸᬡᬗ᭄ᬕᬯᬾᬳᬬᬸ᭞ᬯᬶᬭᬾᬄᬢᬢᬶᬯᬓᬾ ᬳᬶᬯᬂ᭞ᬢᭀᬂᬜᬶᬓᬸᬢᬂᬲᭀᬮᬄᬫᬸᬜᬶᬗᬸᬮᬄᬧᭂᬲᬸ᭞ᬳᬭᬶᬫ᭄ᬩᬯᬦᬾ ᬢᭂᬓᭂ
ᬓᬂ᭞ᬫᬗ᭄ᬤᬓᬥᬃᬫ᭄ᬫᬦᬾ ᬩᭂᬘᬶᬓ᭄᭟ᬳᬤᬩᬸᬯᬶᬦ᭄ᬓᬳᬸᬘᬧᬂ᭞ᬰᬶᬱ᭄ᬝᬘᬭᬢᬍᬃᬥᬃᬫ᭄ᬫᬓᬯᬵᬱ᭄ᬝᬦᬶᬦ᭄᭞ᬲᬢ᭄ᬬᬯᬤᬶᬩ᭄ᬯᬶᬦ᭄ᬓᬯᬸᬯᬸᬲ᭄᭞ᬳᭂᬦ᭄ᬢᭀᬥᬃᬫ᭄ᬫᬧᬯᬭᬄ᭞ᬬᬦ᭄ᬲᬗᬧ᭄ᬢᬵᬧᬣᬶᬃᬣᬬ
[᭑᭑ 11A]
ᬦ᭄ᬫᬓᬕᬸᬭᬸ᭞ᬧᬸᬦᬶᬓᬲᬦᬾᬢᬢᬶᬕᬵ᭞ᬳᬶᬤᬧᬩᭂᬃᬲᬶᬳᬦ᭄ᬲᬳᬶ᭟ᬲᬂᬲᬶᬱ᭄ᬝᬫᬗ᭄ᬲᬗᬧ᭄ᬢ᭞ᬲᬢ᭄ᬬᬯᬤᬶᬳᬶᬦ᭄ᬤ᭄ᬭᬶᬬᬫᬧᬸᬗ᭄ᬕᭂᬮ᭄ᬲᬫᬶ᭞ᬫᬭᬕᬲᬢ᭄ᬬᬫᬦᭂᬭᬸᬲ᭄᭞ᬳᭂᬦ᭄ᬢᭀᬲᬶᬦᬄᬫᬲᬦ᭄ᬤᬶᬗᬦ᭄᭞
ᬥᬃᬫ᭄ᬫᬧᬸᬢᬸᬲ᭄ᬭᬶᬂᬳᬶᬤᬜᬦ᭄ᬤᬂᬲᬢᬶᬦᬸᬢ᭄᭞ᬧ᭄ᬭᬯᬺᬢ᭄ᬢᬶᬥᬃᬫ᭄ᬫᬳᬶᬦᬸᬘᬧ᭄᭞ᬧᬫᬃᬕ᭄ᬕᬦ᭄ᬲᬂᬯᬶᬓᬸᬮ᭄ᬯᬶᬄ᭟ᬲᬗ᭄ᬳ᭄ᬬᬂᬥᬃᬫ᭄ᬫᬫᬳᬶᬍᬳᬦ᭄᭞ᬧᬢᬶᬮᬸᬧ᭄ᬮᬸᬧ᭄ᬲᬶᬂᬚᬮᬜ᭄ᬚᬮᬦ᭄ᬫᬮᬶᬗ᭄ᬕᬶᬄ᭞ᬢ᭄ᬯᬭᬳᬤᬳᬦᬓ᭄ᬭᬸᬗᬸ᭞
ᬓᬮᬶᬂᬳᬓᬸᬫᬗ᭄ᬮᬳᬂ᭞ᬳᬶᬤᬫᬲᬶᬄᬢᭀᬂᬓᬬᬸᬦ᭄ᬳᬶᬤᬫᬗᬓᬸ᭞ᬓ᭄ᬭᬡᬧᬸᬯᬶᬓ᭄ᬧᬥᬧᭂᬕᬢ᭄᭞ᬩᬲ᭄ᬮᬶᬯᬢ᭄ᬲᬮᬶᬂᬪᬮᬶᬳᬶᬦ᭄᭟ᬲᬗ᭄ᬳ᭄ᬬᬂᬥᬃᬫ᭄ᬫᬮ᭄ᬯᬶᬃᬩᬩᬶᬜ᭄ᬚᬢ᭄᭞ᬢ᭄ᬯᬭᬓᬃᬯ᭄ᬯᬦ᭄ᬳᬶᬬᬬᬄᬫ᭄ᬯᬂᬳᬶᬩᬶᬩᬶ᭞
ᬢ᭄ᬯᬭᬩᬦᬶᬳᬦᬓ᭄ᬗᬓᬸ᭞ᬗᬓᬸᬗ᭄ᬮᬄᬲᬗ᭄ᬳ᭄ᬬᬂᬥᬃᬫ᭄ᬫ᭞ᬦᬄᬲᬸᬩᬬᬂᬯᬶᬭᬾᬄᬲᭂᬗ᭄ᬓᬵᬗᬸᬮᬄᬧᬵᬢᬹᬢ᭄᭞ᬫᬾᬯᭂᬄᬫᬳᬸᬮᬄᬓᬥᬃᬫ᭄ᬫᬦ᭄᭞ᬮᬶᬦ᭄ᬢᬂᬲᭂᬗ᭄ᬓᬵᬫᬗ᭄ᬮᬓᭀᬦᬶᬦ᭄᭟ᬓ᭄ᬭᬡᬚᬦᬶᬧᬶᬲᭂᬓᭂᬦᬂ᭞ᬫᬫᬶ
Kaca:Bali-lontar-gaguritan-paparikan-sarasamuscaya-300ppi.pdf/11
Kaca puniki sampun kauji-wacén
