[᭑᭒ 12B]
᭑᭒
ᬦ᭄᭞ᬳᬤᭀᬄᬧᬭᬧᬘᬂᬲᬸᬓᬦᬾᬓᬧᬗ᭄ᬕᬶᬄ᭞ᬤᬾᬦᬵᬳᬶᬂᬩᭂᬓᭂᬮ᭄ᬢᬸᬦᬬᬰ᭟ᬓ᭄ᬭᬡᬜᬦ᭄ᬤᬂᬩᭂᬓᭂᬮᬾᬚᬦᬶᬓᬃᬤ᭄ᬥᬶᬦᬶᬦ᭄᭞ᬦᬾᬦᬾ ᬫᭂᬮᬄᬳᭂᬫᭀᬲᬾᬉᬢ᭄ᬢᬫ᭞ᬓᬾᬯᭂᬄᬗᭂᬭᬫ᭄ᬧᬲ᭄ᬫᬮᬶᬗᬾ ᭞ᬳᭂᬦ᭄ᬢᭀ
ᬳᭂᬫᬲ᭄ᬧᬘᬂᬦᬸᬢᬸᬕ᭄᭞ᬫᬳᬶᬍᬳᬦ᭄ᬢᭂᬓᬾᬦᬵᬫᬢᬶ᭞ᬳᭂᬦ᭄ᬢᭀᬦᬾ ᬜᬦ᭄ᬤᬂᬧ᭄ᬭᬶᬳᬂ᭞ᬳᬗ᭄ᬕᭀᬦ᭄ᬲᬗᬸᬫᬢᬶᬳᬶᬤᬸᬧ᭄᭞ᬳᬸᬮᬶᬂᬚᬦᬶᬩᬦᬫ᭄ᬩᬸᬦᬂ᭞ᬕᬮᬶᬢᬶᬓᬂᬧᬓᬃᬤ᭄ᬥᬶᬦᬶᬦ᭄ᬲᬳᬶᬲᬳᬶ᭞ᬤᬶᬮᬸᬯᬲᬾᬳ
ᬧᬂᬳᬾᬮᬄ᭟ᬬᬤᬶᬦ᭄ᬢᬶᬯᬲ᭄ᬩᬦ᭄ᬪ᭄ᬭᬡᬫᬵᬲ᭄ᬧᬶᬧᬶᬲ᭄᭞ᬤᬵᬗᬶᬢᬸᬗᬂᬫᬜᭂᬗ᭄ᬕᬸᬄᬫᬓᭂᬦ᭄ᬢ᭞ᬲᬶᬦᬄᬭᬳᬬᬸᬳᬸᬭᬶᬧᬾ᭞ᬗᬶᬤᬶᬄᬦᬸᬦᬲ᭄ᬫᬲᬶᬄᬳᬬᬸ᭞ᬓᬾᬯᬮᬫᬕᭂᬄᬤᬶᬳᬢᬶ᭞ᬥᬃᬫ᭄ᬫᬧ᭄ᬭᬯᭂᬃᬢ᭄ᬢᬶ
ᬧ᭄ᬭᬫᬸᬓᬵ᭞ᬫᬓᬤᬲᬃᬗᭂᬢᬸᬢ᭄ᬳᬬᬸ᭞ᬲᬓ᭄ᬱᬢ᭄ᬲᬸᬕᬶᬳᬾᬫᬳᬯᬓ᭄᭞ᬲᬶᬦᬄᬧᬶᬲᬦ᭄᭞ᬥᬃᬫ᭄ᬫᬧ᭄ᬭᬯᭂᬃᬢ᭄ᬢᬶᬳᭂᬫᬵᬲ᭄ᬫᬦᬶᬓ᭄᭞ᬪ᭄ᬭᬡᬢᬦ᭄ᬓᭂᬦᬾᬂᬯᬶᬦᬶᬮᬂ᭟ᬓᬲᬥᬸᬦᬾᬳᭂᬦ᭄ᬢᭀᬧ᭄ᬭᬶᬳᬂᬦᬾ ᬚᬦᬶ
[᭑᭓ 13A]
ᬳᬶᬦᬃᬚ᭄ᬚᬦᬦ᭄᭞ᬳᬧᬂᬲᬶᬤ᭄ᬥᬩᬓᬢ᭄᭞ᬲᬂᬯᬶᬓᬸᬓᬾᬦᬾᬳᬸᬘᬧᬾ᭞ᬳᭂᬦ᭄ᬢᭀᬳᭂᬫᬵᬲ᭄ᬫᬡᬶᬓ᭄ᬢᬸᬳᬸ᭞ᬢᭀᬂᬲᬶᬤ᭄ᬥᬵᬩᬳᬦ᭄ᬜᭀᬭᬳᬶᬦ᭄᭞ᬳᭂᬦ᭄ᬢᭀᬩᬸᬯᬶᬦ᭄ᬗ᭄ᬭᬓ᭄ᬱᬳᬯᬓ᭄᭞ᬩ᭄ᬯᬶᬦ᭄ᬓᭂᬫᬶᬢ᭄ᬳᬧᬂᬢᬸᬳᬸ᭞
ᬳᭂᬤᬧᬶᬲᬦᬸᬮᬾᬫᬦᬂ᭞ᬯᬶᬭᬾᬄᬫᬸᬮ᭞ᬳᬸᬮᬶᬂᬳᬯᬓ᭄ᬢᭂᬓᬫᬮᬶᬂ᭞ᬫᬮᬶᬂᬕᬮᬓ᭄ᬢᬦ᭄ᬧᬳᬶᬗᬦ᭄᭟ᬳᭂᬤᬫᬾᬕᬮ᭄ᬫᬗ᭄ᬭᬫ᭄ᬧᬲ᭄ᬫᬫᬮᬶᬂ᭞ᬗᬮᬶᬄᬤᬳᬃᬳᭂᬤᬗᬸᬢᬂᬥᬃᬫ᭄ᬫ᭞ᬓᬩᬢᭂᬓ᭄ᬩᬳᬦ᭄ᬲᭂᬤᬸ
ᬓᬾ ᭞ᬲᬶᬦᬄᬢ᭄ᬯᬭᬓᬶᬭᬂᬲᬗᬸ᭞ᬬᬦ᭄ᬲᬸᬩᬳᭂᬜᬓ᭄ᬫᬗᬮᬶᬄ᭞ᬕᬸᬦᬸᬂᬳᬮᬲ᭄ᬢᬸᬓᬤ᭄ᬮᬶᬗ᭄ᬕᬄ᭞ᬤᬶᬢᬸᬢᭀᬗᭀᬲᬗᬸᬮ᭄ᬬᬸ᭞ᬧᬗᬮᬶᬳᬾ ᬧᬥᬳᬶᬗᬦ᭄᭞ᬦᬾ ᬤᬶᬚᬕᬢ᭄ᬳᬓᬱᬮᬯᬦ᭄ᬧᬺᬣᬶᬯᬶ᭞
ᬳᭂᬦ᭄ᬢᭀᬫᬾᬫᬾᬫ᭄ᬯᬄᬳᬶᬩᬧ᭟ᬚ᭄ᬭᭀᬦᬶᬂᬳᬮᬲ᭄ᬳᬤᬢᬸᬓᬤ᭄ᬤᬳᬢ᭄ᬳᭂᬦᬶᬂ᭞ᬤᬍᬫ᭄ᬮᬶᬗ᭄ᬕᬄᬓᬭᭀᬩ᭄ᬭᭀᬩᬦ᭄ᬳᬮᬲ᭄᭞ᬮᬶᬬᬸᬳᬸᬮᬸᬂᬤᭀᬦ᭄ᬓᬬᬸᬦᬾ ᭞ᬩᬸᬮᬦ᭄ᬧᬹᬃᬡ᭄ᬦᬫᬦᬸᬚᬸ᭞ᬳᭂᬤᭀᬄᬧᬭᬫ
Kaca:Bali-lontar-gaguritan-paparikan-sarasamuscaya-300ppi.pdf/13
Kaca puniki sampun kauji-wacén
