[᭑᭓ 13B]
᭑᭓
ᬦᬾᬚᬦᬶᬦ᭄᭞ᬢᭂᬗᬄᬢᬸᬓᬤᬾᬧᬸᬦᬶᬓᬵ᭞ᬤᬾᬦᬵᬳᬶᬂᬓᬢᭂᬓᭂᬧ᭄ᬩᬦ᭄ᬓᬬᬸ᭞ᬓᬾᬢᭀᬤᬾᬯᬬᬾᬦ᭄ᬳᬸᬧᬫ᭞ᬲᬂᬓᬯᬶᬃᬬ᭄ᬬᬦ᭄᭞ᬓᬳᬸᬩᬸᬗᬦ᭄ᬳᬶᬫᬵᬲ᭄ᬧᬶᬧᬶᬲ᭄᭞ᬥᬃᬫ᭄ᬫᬦᬾ ᬤᬤᬶᬫᬍᬘᬢ᭄᭟ᬲᬗ᭄ᬓᬜ᭄ᬚ
ᬦᬶᬢᬸᬦᬳᬶᬦ᭄ᬮᭀᬪᬘᭂᬦᬶᬂ᭞ᬗᬮᬶᬄᬪ᭄ᬭᬡᬳᭂᬤᬫᬦᬸᬗ᭄ᬕᬮᬂ᭞ᬤᬶᬲᬸᬕᬶᬄᬧᬘᬂᬳᬶᬥᭂᬧᬾ᭞ᬧᬂᬲᬸᬩᬬᬦ᭄ᬳᭂᬤᬮᬗ᭄ᬓᬸᬂ᭞ᬲᬶᬦᬄᬓᬲᬾᬧᬵᬳᬦ᭄ᬳᬶᬳᬸᬭᬶᬧ᭄᭞ᬢᬸᬯᬸᬄᬳᬶᬤᬸᬧᬾ ᬳᭀᬜ᭞ᬲᬗ᭄ᬳ᭄ᬬᬂᬳᬸᬭᬶᬧ᭄ᬕᭂᬮᬶ
ᬲ᭄ᬫᬦ᭄ᬢᬸᬓ᭄᭞ᬢᭀᬦ᭄ᬤᬾᬦ᭄ᬫᬳᬦ᭄ᬗᬯᬾ ᬥᬃᬫ᭄ᬫ᭞ᬲᬸᬩᬳᬶᬮᬂ᭞ᬢᭀᬓᬾᬦ᭄ᬓᬾᬦᬂᬓᬸᬤ᭄ᬬᬂᬚᬦᬶ᭞ᬮᬸᬯᬲᬾᬧᬬᬸᬫᬢᬮᬂ᭟ᬬᬦ᭄ᬓᬲᬶᬤ᭄ᬥᬦ᭄ᬢᬶᬗ᭄ᬓᬳᬾ ᬚᬦᬶᬫᬗᬮᬶᬄ᭞ᬦᬾᬦᬾ ᬤᬤ᭄ᬯᬳᬃᬣᬫᬶᬯᬄᬥᬃ
ᬫ᭄ᬫ᭞ᬫᬗ᭄ᬤᬳᬧᬶᬲᬦ᭄ᬩᬓᬢᬾ᭞ᬳᬸᬧᬫᬶᬓᬤᬶᬳᬶᬍᬫ᭄ᬩᬸ᭞ᬗᭂᬥᭂᬂᬢᭂᬗ᭄ᬕᬮᬭᬶᬂᬘᬭᬶᬓ᭄᭞ᬳᬗᬶᬍᬄᬫᬶᬭᬶᬕ᭄ᬧᬸᬦ᭄ᬤᬸᬓᬦ᭄᭞ᬧᬤᬂᬲᬫᬄᬦᬸᬚᬸᬢᭂᬧᬸᬓ᭄᭞ᬲᬶᬦᬫ᭄ᬩᬶᬫᬗᬫᬄᬧᬤᬂ᭞ᬫᬳᬶᬥᭂᬭᬦ᭄
[᭑᭔ 14A]
ᬤᬤᬶᬲᬸᬓᬧᬥᬧᬗ᭄ᬕᬶᬄ᭞ᬦᬄᬓᬾᬢᭀᬧᬶᬲᬜ᭄ᬚᬮᬦᬂ᭟ᬮᬶᬯᬢ᭄ᬲᭂᬗ᭄ᬓᬵᬲᬗ᭄ᬳ᭄ᬬᬂᬥᬃᬫ᭄ᬫᬜᬶᬗᬶᬤ᭄᭞ᬫᬜᬸᬓ᭄ᬱ᭄ᬫᬢᬸᬯᬶᬢ᭄ᬯᬭᬪᬶᬦ᭞ᬫᬓᬤᬶᬢᬫ᭄ᬧᬓ᭄ᬳᬸᬮᬫᬾ᭞ᬭᬶᬂᬢᭂᬗᬄᬢᭀᬬᬦᬾ
ᬧᭂᬗᬸᬂ᭞ᬢᭀᬓᬾᬦ᭄ᬓᬾᬦᬂᬫᬗᬶᬗᭂᬢᬶᬦ᭄᭞ᬲᬧᬵᬦ᭄ᬥᬶᬢᬫᬜᬭᬢᬂ᭞ᬢᬦ᭄ᬲᬄᬳᬶᬤᬧᬘᬂᬗᭂᬢᬸᬢ᭄᭞ᬧᬕᭂᬄᬳᬶᬤᬫᬗᬸᬢ᭄ᬲᬳ᭞ᬢᬸᬭᬶᬂᬓ᭄ᬮᬵᬦ᭄᭞ᬫᬦᬦ᭄ᬤᬗᬶᬦ᭄ᬧᬦᭂᬲ᭄ᬳᭂᬢᬶᬲ᭄᭞ᬢᭀᬂᬫᬗᬾᬫᬦ᭄ᬢᬸ
ᬬᬸᬄᬭᬕ᭟ᬘᬢᬸᬃᬚᬦ᭄ᬫᬦᬾ ᬚᬦᬶᬢᬸᬢᬸᬭᬂᬩᬸᬯᬶᬦ᭄ᬫᬓᬤᬶᬦ᭄ᬜᬳᬶᬤᬲᬂᬩ᭄ᬭᬳ᭄ᬫ᭄ᬡ᭞ᬧᬶᬂᬓᬮᬶᬄᬲᬂᬓ᭄ᬱᬢ᭄ᬭᬶᬬᬦᬾ᭞ᬲᬂᬯᬾᬱ᭄ᬬᬦᬾ ᬓᬧᬶᬂᬢ᭄ᬮᬸ᭞ᬢᬶᬕᬯᬗ᭄ᬲᬤ᭄ᬯᬶᬚᬢᬶ᭞ᬲᬂᬤ᭄ᬯᬶᬚᬢᬶᬓᬳᬸᬘᬧ᭄᭞
ᬯᭂᬦᬂᬫᬩ᭄ᬭᬢᬫᬯᬶᬓᬸ᭞ᬓᬳᬶᬘ᭄ᬙᬾᬦ᭄ᬩ᭄ᬭᬢ᭄ᬤᬶᬓ᭄ᬱᬶᬢ᭞ᬓᬧᬶᬦ᭄ᬤᭀᬯᬦ᭄᭞ᬧᬜ᭄ᬚᬦ᭄ᬫᬦᬾ ᬓᬕᭂᬦ᭄ᬢᭀᬲᬶᬦ᭄᭞ᬫᬧᭀᬤ᭄ᬕᬮᬓᬳᬸᬘᬧᬂ᭟ᬬᬳᬶᬰᬸᬤ᭄ᬭᬓᬯᬱ᭄ᬝᬦᬶᬦ᭄ᬳᬾᬓᬚᬢᬶ᭞ᬢ᭄ᬯᬄᬳᬃ
Kaca:Bali-lontar-gaguritan-paparikan-sarasamuscaya-300ppi.pdf/14
Kaca puniki sampun kauji-wacén
