[᭑᭖ 16B]
᭑᭖
ᬣ᭄ᬬᬢᬦ᭄ᬳᬸᬲᬳᬦ᭄ᬦᬾ᭞ᬢᬦᬶᬦᬸᬢᬶᬦ᭄ᬓᬃᬬ᭄ᬬᬢᬸᬳᬸ,ᬰᬸᬤ᭄ᬭᬍᬫᬄᬢᬦ᭄ᬳᬲ᭄ᬣᬶᬢᬶ᭞ᬢ᭄ᬯᬭᬲᬸᬤᬶᬫᬜᭀᬯᬓ᭞ᬤᬸᬃᬰᬶᬮᬳᬶᬤᬲᬂᬯᬶᬓᬸ᭞ᬢ᭄ᬯᬭᬧᬕᭂᬄᬲᬂᬫᬯᬂᬰ᭞ᬳᬶᬲ᭄ᬢ᭄ᬭᬶᬘᭀᬭᬄ᭞ᬢᬦ᭄ᬲᬢ᭄ᬬᬭᬶᬂ
ᬕᬸᬭᬸᬮᬓᬶ᭞ᬲᬂᬩ᭄ᬭᬳ᭄ᬫᬡᬦᭀᬭᬲᬢ᭄ᬬ᭟ᬯᬦᬧ᭄ᬭᬱ᭄ᬝᬢ᭄ᬯᬭᬫᬤᬩ᭄ᬤᬩ᭄ᬫᬢᬓᬶ᭞ᬭᬶᬂᬓᬫᭀᬓ᭄ᬱᬦ᭄ᬳᬶᬦ᭄ᬤ᭄ᬭᬶᬬᬢᬦ᭄ᬳᬶᬮᬂ᭞ᬳᬕᬸᬂᬧᭂᬜᬓᬶᬢ᭄ᬭᬕᬦᬾ ᭞ᬢᭀᬂᬗᬃᬤ᭄ᬥᬶᬦᬶᬦ᭄ᬢᬶᬃᬣᬳᬬᬸ᭞ᬲᬸᬓ
ᬯᬰᬡᬵᬢᬦ᭄ᬢᭀᬮᬶᬄ᭞ᬕᬺᬳᬱ᭄ᬝᬢᬦ᭄ᬢᬺᬧ᭄ᬦᬾᬂᬧᬸᬢ᭄ᬭ᭞ᬧᬸᬭᬶᬳᬕᬸᬂᬢᬦ᭄ᬧᬭᬢᬸ᭞ᬬᬦᬶᬂᬓᬾᬢᭀᬮᬓ᭄ᬱᬡᬬᬂ᭞ᬢᬦ᭄ᬧᬕᬸᬡᬵ᭞ᬳᬗ᭄ᬕᬦᬶᬂᬳᬶᬩᬸᬗᬫᬶᬬᬶᬓ᭄᭞ᬫᭂᬦ᭄ᬢᬶᬓ᭄ᬭᬶᬂᬢᭂᬗᬳᬶᬂᬲᭂᬫ᭞
ᬳᭂᬦᬾ ᬳᬤ᭄ᬳᬫᬓᬰ᭄ᬭᬡᬦ᭄ᬳᬶᬯᬂᬰᬲᬫᬶ᭞ᬫᬓᬧᬢ᭄ᬧᬢ᭄ᬧᬵᬢᬹᬢᬾᬧ᭄ᬭᬡᬫ᭄ᬬ᭞ᬭᬶᬂᬓᬤᬂᬩ᭄ᬭᬬᬯᬃᬕ᭄ᬕᬶᬦᬾ᭞ᬳᬢᬶᬲᬥᬸᬩᭂᬦᭂᬃᬦᭂᬭᬸᬲ᭄᭞ᬢᬦᬺᬱᬂᬲᬥᬸᬩᬸᬤ᭄ᬥᬶ᭞ᬦᬺᬱᬂᬰᬦᬾ
[᭑᭗ 17A]
ᬳᬃᬣ᭄ᬬᬂ᭞ᬲᬂᬳᬵᬢ᭄ᬫᬲᬸᬓᬮᬸᬫᬮᬸ᭞ᬲᬸᬓᬦᬾ ᬫᬧᬭᬦ᭄ᬧᬭᬦ᭄᭞ᬮᬸᬯᬲ᭄ᬗᬯᬕ᭄᭞ᬳᬭᬶᬫ᭄ᬪᬯᬳᬶᬮᬂᬧᬮᬶᬂ᭞ᬢ᭄ᬯᬭᬗᬶᬢᬸᬂᬮᬭᬦ᭄ᬳᬦᬓ᭄᭟ᬳᭂᬤᬧᬶᬲᬦ᭄ᬢ᭄ᬯᬭᬳᬭᬶᬫ᭄ᬪᬯᬤᬶᬕᬸᬫᬶ᭞
ᬢᭂᬓᬾᬦ᭄ᬳᬦᬓ᭄ᬬᬦᬶᬂᬢ᭄ᬯᬭᬫᭂᬮᬄ᭞ᬦᬾ ᬳᬗ᭄ᬕᬾᬦ᭄ᬤᬶᬤᬾᬯᬾᬓᬾ᭞ᬳᭂᬤᬦ᭄ᬤᬦ᭄ᬫᬧᬸᬮᬂᬳᬬᬸ᭞ᬭᬶᬂᬳᬶᬓᬤᬂᬩ᭄ᬭᬬᬯᬃᬕ᭄ᬕᬶ᭞ᬩ᭄ᬯᬶᬦ᭄ᬳᬤᬓᭀᬘᬧ᭄ᬥᬫ᭞ᬤᬶᬭᬕᬩᬶᬲᬫᬶᬢᬸᬢᬸᬃ᭞ᬧᬦᬸᬗ᭄ᬕᬮ
ᬦᬶᬂᬳᬶᬦ᭄ᬤ᭄ᬭᬶᬬ᭞ᬬᬓᬳᬺᬢᬦ᭄᭞ᬳᭂᬦ᭄ᬢᭀᬦᬾᬧᬢ᭄ᬧᬢ᭄ᬓᭂᬮᬶᬤᬶᬦ᭄᭞ᬧᬦᬸᬤᬸᬄᬳ᭄ᬬᬂᬫᬦᬸᬓᬸᬦᬵ᭞ᬳᭂᬦᬾ ᬜᬦ᭄ᬤᬂᬩ᭄ᬯᬢᬂᬳᬸᬕᬶᬓᬃᬤ᭄ᬥᬶᬦᬶᬦ᭄᭞ᬳᭂᬤᬧᬶᬲᬦ᭄ᬗᬫᬢᬶᬢᬦ᭄ᬬᭀᬕ᭄ᬬ᭞ᬭᬶᬂᬲᬵᬃᬯ᭄ᬯ
ᬫᬳᬸᬭᬶᬧᬾ᭞ᬫᬶᬯᬄᬲᬢ᭄ᬬᬦᬾ ᬧᬶᬓᬸᬓᬸᬄ᭞ᬳᭂᬤᬧᬶᬲᬦ᭄ᬗᬸᬲᬓᬲᬶᬓ᭄᭞ᬫᬭᬶᬂᬧ᭄ᬭᬡᬶᬧ᭄ᬭᬡᬶᬧᬥ᭞ᬓ᭄ᬮᬦ᭄ᬢᭂᬓᬾᬦᬵᬳᬮᬳᬬᬸ᭞ᬳᭂᬤᬜᬗ᭄ᬓᬫᬶᬯᬄᬳᬬᬄ᭞ᬬᬦᬶᬂᬲᬶᬥ᭞ᬩᬸᬓᬓᬾᬢᭀᬓᬢ
Kaca:Bali-lontar-gaguritan-paparikan-sarasamuscaya-300ppi.pdf/17
Kaca puniki sampun kauji-wacén
