[᭑᭗ 17B]
᭑᭗
ᬡ᭄ᬥᬗᬶᬦ᭄᭞ᬫᬳᬤᬦ᭄ᬲᬂᬲᬶᬥ᭄ᬥᬵᬲᬸᬓᬵ᭟ᬬᬦ᭄ᬢᬦ᭄ᬢᬶᬫ᭄ᬩᬂᬦᬾ ᬓᭀᬘᬧ᭄ᬧᬺᬯᬺᬢ᭄ᬢ᭄ᬢᬶᬚᬢᬶ,ᬳᭂᬦ᭄ᬢᭀᬓᬵᬮᬧᬺᬯᭂᬃᬢ᭄ᬢᬶᬢᭂᬕᭂᬲᬂ᭞ᬳᬶᬥᭂᬧ᭄ᬲᭀᬮᬄᬫᬶᬯᬄᬫᬸᬜᬶᬦᬾ᭞ᬧᬦᬶᬫ᭄ᬩᬦ᭄ᬫᬵᬤᬦᬺᬚᬹ᭞ᬬᬦ᭄ᬢ
ᬦᬺᬚᬹᬫᬓᬲᬫᬶ᭞ᬳᭂᬤᭀᬄᬫᬗᬸᬗ᭄ᬲᬶᬓᬫᭀᬓ᭄ᬱᬦ᭄᭞ᬦᬗᬶᬂᬬᬦᬶᬂᬧᬕᭂᬄᬧᬸᬕᬸᬄ᭞ᬳᬶᬧᬺᬯᭂᬃᬢ᭄ᬢᬶᬓᬧᬕᭂᬳᬂ᭞ᬲᬶᬦᬄᬦᬸᬗ᭄ᬓᬄ᭞ᬲ᭄ᬯᬃᬕ᭄ᬕᬩ᭄ᬭᬳ᭄ᬫᬵᬦᬾᬓᬳᬸᬗ᭄ᬲᬶ᭞ᬓᬾᬢᭀᬨᬮᬦᬾ ᬓᬢ᭄ᬭᬶᬫ᭟
ᬦᬄᬕᬯᬾᬦᬶᬦ᭄ᬳᬲ᭄ᬣᬶᬢᬶᬬᬂᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬳᬧᬂᬲᬶᬥᬵᬫᬫᬗ᭄ᬕᬸᬄᬭᬳᬬᬸ᭞ᬦᬶᬲ᭄ᬓᬮᬫᬸᬯᬄᬲᭂᬓᬮᬦᬾ ᭞ᬭᬯᭀᬲ᭄ᬮ᭄ᬬᬸᬢᬦ᭄ᬧᬳᬸᬦ᭄ᬤᬸᬓ᭄᭞ᬢᬦ᭄ᬧᬕᬸᬡᬮᬶᬬᬸᬫᬸᬜᬶ᭞ᬧᬮᬶᬂᬫᭂᬮᬄᬬᬩᬯ
ᬓᬦ᭄᭞ᬦᬾᬲᬓᬶᬂᬳᬶᬥᭂᬧᭂᬲᬸ᭞ᬫᬸᬜᬶᬲᭀᬮᬳᬾ ᬫᬓᭂᬚᬂ᭞ᬳᬧᬂᬳᭂᬤ᭞ᬳᬶᬥᭂᬧᬾ ᬫᬓ᭄ᬭᬡᬧᬮᬶᬂ᭞ᬬᬦ᭄ᬮᬶᬬᬸᬩᬳᬦ᭄ᬫᭂᬲᬸᬯᬂ᭟ᬢᬦᬺᬱᬍᬳᭂᬦ᭄ᬢᭀᬫᬤᬦ᭄ᬥᬃᬫ᭄ᬫᬚᬵᬢᬶ᭞ᬬᬦᬶᬂᬓᭂᬮᬦ᭄
[᭑᭘ 18A]
ᬲᬓ᭄ᬢᬶᬓᬳᬸᬘᬧᬂ᭞ᬬᬦ᭄ᬩᬶᬲᬗᬩᬳᬯᬓᬾ ᭞ᬫᬸᬯᬄᬳᬶᬗᭂᬢᭂᬓᬾᬦ᭄ᬢᬸᬢᬸᬃ᭞ᬲᬤ᭄ᬬᬦᬯᬂᬳᬵᬢ᭄ᬫᬚᬵᬢᬶ᭞ᬲᬹᬓ᭄ᬱ᭄ᬫᬦᬶᬳᬵᬢ᭄ᬫᬢᬢ᭄ᬯ᭞ᬭᬳᬱ᭄ᬬᬚ᭄ᬜᬡᬓᬯᬸᬯᬸᬲ᭄᭞ᬬᬦᬶᬂᬲᬶᬤ᭄ᬥᬗᬗ᭄ᬕᭀᬦ᭄ᬲᬢ᭄ᬬ᭞
ᬳᭂᬦ᭄ᬢᭀᬩ᭄ᬭᬢ᭞ᬧᬮᬶᬂᬳᬸᬢ᭄ᬢᬫᬤᬶᬕᬸᬫᬶ᭞ᬓ᭄ᬭᬡᬲᬢ᭄ᬬᬦᬾ ᬚᬮᬦᬂ᭟ᬳᬶᬓᬺᬱᬗ᭄ᬰ᭞ᬳᬮᬦ᭄ᬜᬦᬾ ᬲᬧᬸᬦᬶᬓᬶ᭞ᬢᬦ᭄ᬓᬲᬸᬓᬦ᭄ᬭᬶᬂᬚᬕᬢᬾᬓᭀᬘᬧ᭄᭞ᬭᬶᬂᬲᬂᬗᬕᭂᬫᬂᬥᬃᬫ᭄ᬫᬦᬾ ᭞ᬳᬶᬤ
ᬲᬶᬫ᭄ᬧᬂᬢ᭄ᬯᬭᬓᬳ᭄ᬬᬸᬦ᭄᭞ᬭᬶᬲᬓ᭄ᬱᬢ᭄ᬜᬶᬫ᭄ᬧᬗᬶᬦ᭄ᬤᬸᬯᬶ᭞ᬗᬸᬗ᭄ᬲᬶᬲᬸᬫᬸᬃᬢᬦ᭄ᬧᬢᭀᬬ᭞ᬳᭂᬦ᭄ᬢᭀᬓᬸᬤ᭄ᬬᬂᬢ᭄ᬯᬭᬮᬘᬸᬃ᭞ᬲᬂᬦᬺᬱᬂᬰᬤᬳᬢ᭄ᬓᬮ᭞ᬦᬾ ᬭᬶᬂᬚᬕᬢ᭄᭞ᬢ᭄ᬯᬭᬳᬤᬫᬦᭂᬫᭂᬦᬶᬦ᭄
ᬤᬾᬦᬶᬂᬤᬳᬢ᭄ᬫᭀᬫᭀᬫᬹᬃᬓ᭄ᬓ᭟ᬬᬦ᭄ᬲᬂᬥᬃᬫ᭄ᬫᬤᬳᬢ᭄ᬉᬢ᭄ᬢᬫᬦᬾ ᬯ᭄ᬬᬓ᭄ᬢᬶ᭞ᬓᬯᬵᬱ᭄ᬝᬦᬦ᭄ᬍᬯᬶᬄᬓᭀᬧᬲᬵᬫᬦ᭄᭞ᬓ᭄ᬭᬡᬳᬾᬮᬶᬂᬭᬶᬂᬭᬕᬦᬾ ᭞ᬳᬸᬦᬶᬂᬭᬶᬂᬫᬧᬶᬢᬸᬢᬸᬃ᭞ᬬᬦ᭄ᬢᬦ᭄ᬤᬶ
Kaca:Bali-lontar-gaguritan-paparikan-sarasamuscaya-300ppi.pdf/18
Kaca puniki sampun kauji-wacén
