[᭑᭘ 18B]
᭑᭘
ᬗᬂᬤᬳᬢ᭄ᬍᬯᬶᬄ᭞ᬭᬶᬂᬳᬶᬤᬵᬦᬧᬹᬦ᭄ᬬᬧᬹᬦ᭄ᬬ᭞ᬧᬶᬢ᭄ᬯᬶᬭᬶᬂᬓᬶᬃᬣᬶᬢᬸᬳᬸ᭞ᬳᭂᬦᬸᬍᬯᬶᬳᬦ᭄ᬳᬶᬤᬵᬦ᭞ᬨᬮᬲ᭄ᬯᬃᬕ᭄ᬕ᭞ᬲ᭄ᬯᬃᬕ᭄ᬕᬦᬾ ᬳᬸᬘ᭄ᬙᬵᬧᬥᬓᬳᬸᬗ᭄ᬲᬶ᭞ᬧᬤᬓᬲᭀᬭᬦ᭄ᬭᬶᬂᬳᬶᬥᬫ᭟ᬭᬾᬄᬲᬂᬤᬢᬬᬦ᭄ᬢᬦ᭄ᬢ
ᬫᬦᬸᬮᬸᬭᬶᬦ᭄᭞ᬲᬶᬦᬄᬓ᭄ᬭᭀᬥᬳᭂᬗ᭄ᬓᬾᬦ᭄ᬫᬤᬦ᭄ᬤᬢ᭞ᬧ᭄ᬭᬪᬸᬯᬶᬃᬬ᭄ᬬᬓᬯᬱ᭄ᬝᬦᬾᬦ᭄᭞ᬓ᭄ᬭᬡᬤᬫᬦᬾ ᬓᬯᬸᬯᬸᬲ᭄᭞ᬫᬗᬮᬳᬂᬤᬵᬦᬲᬸᬕᬶᬄ᭞ᬯᬶᬭᬾᬄᬢᬦ᭄ᬓᬢᬫᬦ᭄ᬓ᭄ᬭᭀᬥ᭞ᬬᬦ᭄ᬲᬂ
ᬗᬕᭂᬫ᭄ᬤᬫᬲᬥᬸ᭞ᬫᬜᭂᬗ᭄ᬕᬸᬄᬳᬵᬢ᭄ᬫᬦᬾ ᬢᬸᬗ᭄ᬕᬮ᭄᭞ᬦᬾ ᬤᬶᬚᬕᬢ᭄᭞ᬓᬢᭂᬓᬾᬦᬵᬕ᭄ᬩᬩᬸᬭᭀᬦ᭄ᬧ᭄ᬭᬡᬶ᭞ᬢ᭄ᬯᬭᬳᬤᬫᬪᬶᬦᬬᬦ᭄᭟ᬧᬩᬺᬱᬶᬳᬦ᭄ᬲᬹᬓ᭄ᬱ᭄ᬫᬬᬂᬦᬾ ᬚᬦᬶ᭞ᬩᭀ
ᬬᬧᬶᬲᬦ᭄ᬦᬾᬫᬦ᭄ᬤᬸᬲ᭄ᬤᬶᬳᬯᬓ᭄᭞ᬫᬓ᭄ᬭᬡᬩᬺᬱᬶᬄᬳᬯᬓᬾ᭞ᬧᬶᬢ᭄ᬯᬶᬫᬲᬩᬸᬦ᭄ᬫᬲᬸᬢ᭄ᬲᬸᬢ᭄᭞ᬳᭂᬍᬄᬜᬗ᭄ᬮᬶᬂᬢᬦ᭄ᬧᬤᬓᬶ᭞ᬬᬦᬾᬤᬶᬢᭂᬗᬄᬳ᭄ᬦᬸᬭᬸᬲᬓ᭄᭞ᬩᭀᬬᬫᬦ᭄ᬤᬸᬲ᭄ᬯᬱ᭄ᬝᬦ᭄ᬳᬶᬧᬸᬦ᭄᭞
[᭑᭙ 19A]
ᬬᬦᬶᬂᬲᬸᬩᬗᭂᬮᬄᬤᬫ᭞ᬫᬭᬫᬵᬤᬦ᭄᭞ᬥᬦ᭄ᬢᬫᬲᬶᬭᬫᬩᬺᬱᬶᬄ᭞ᬰᬸᬘᬶᬲᭂᬓᬮᬦᬶᬲ᭄ᬓᬮ᭟ᬬᬦ᭄ᬲᬂᬥᬦ᭄ᬢᬓᬾᬦᬾ ᬢ᭄ᬯᬄᬫᬓᬚᬵᬢᬶ᭞ᬢ᭄ᬯᬭᬩᬶᬲᬮᬶᬜᭀᬓ᭄ᬢᭂᬓᬾᬦ᭄ᬳᬯᬓ᭄᭞ᬢ᭄ᬯᬶᬭᬶᬂᬭᬕ
ᬤᬾᬯᬾᬓᬾ᭞ᬢ᭄ᬯᬭᬲᬸᬓᬬᬦ᭄ᬓᬳᬚᬸᬫ᭄᭞ᬬᬤᬶᬦ᭄ᬲᬥ᭄ᬬᬲᬸᬓᬲᬸᬕᬶᬄ᭞ᬮᬭᬤᬸᬄᬓᬢᬦ᭄ᬜᭂᬩᭂᬢᬂ᭞ᬮᬾᬤᬗᬾ ᬭᬶᬂᬢᬢ᭄ᬯᬢᬸᬢᬸᬃ᭞ᬩᬶᬲ᭄ᬳᬫᬶᬢᬸᬢᬸᬭᬶᬦ᭄ᬳᬗ᭄ᬕᬵ᭞ᬯᬶᬭᬾᬄᬤᬫ᭞ᬫᬗᬸᬫ᭄ᬩᬄᬳᬶᬳ
ᬢᬶᬤᬓᬶ᭞ᬫᬺᬮᬶᬡᬳᬶᬭᬚᬄᬢᬫᬄ᭟ᬳᬶᬦ᭄ᬤ᭄ᬭᬶᬬᬦᬾ ᬢ᭄ᬯᬄᬲᬚᬫᬓᬫᬃᬕ᭄ᬕᬶ᭞ᬲ᭄ᬯᬃᬕ᭄ᬕᬦ᭄ᬭᬓᬬᬦᬶᬂᬫᬜᬶᬤ᭄ᬥᬬᬂ᭞ᬫᬗᬺᬢ᭄ᬯᬢᭂᬓ᭄ᬳᬶᬦ᭄ᬤ᭄ᬭᬶᬬᬦᬾ ᭞ᬳᭂᬦ᭄ᬢᭀᬲ᭄ᬯᬃᬕ᭄ᬕᬲᬸᬩᬢᭂᬧᬸᬓ᭄ᬬᬦ᭄ᬢᬦ᭄ᬲᬶᬤ᭄ᬥᬩᬦ᭄ᬗᭂᬋᬢᬶᬦ᭄᭞
ᬳᭂᬦ᭄ᬢᭀᬫᬤᬦ᭄ᬓᬯᬄ᭞ᬤᬶᬓᬯᬳᬾ ᬧᬬᬸᬳᬸᬮᬸᬂ᭞ᬓᬾᬢᭀᬯᬗ᭄ᬲᬶᬢ᭄ᬩᬩᭂᬦᭂᬳᬦ᭄᭞ᬦᬾᬤᬶᬳᬯᬓ᭄᭞ᬫᬃᬕ᭄ᬕᬤᬤ᭄ᬯᬢᬸᬳᬸᬢ᭄ᬚᬦᬶ᭞ᬫᬃᬕ᭄ᬕᬳᬬᬸᬮᬯᬦ᭄ᬳᬮ᭟ᬬᬦᬶᬂᬲᬶᬤ᭄ᬥᬳᬶᬦ᭄ᬤ᭄ᬭᬶᬬᬩᬦ᭄ᬗᭂᬋᬢᬶᬦ᭄᭞ᬳᬤ
Kaca:Bali-lontar-gaguritan-paparikan-sarasamuscaya-300ppi.pdf/19
Kaca puniki sampun kauji-wacén
