[᭑ 1B]
᭑
ᬲᬶᬦᭀᬫ᭄᭟ᬲᬶᬦᭀᬫ᭄ᬧᬸᬦᬶᬓᬶᬗᬸᬘᬧᬂ᭞ᬓᬳᬸᬢᬸᬲ᭄ᬧᬘᬂᬫᬫᬭᬶᬓ᭄᭞ᬫᬫᬭᬶᬓ᭄ᬱᬫ᭄ᬩᬶᬮᬂᬩᭂᬗᭀᬂ᭞ᬩᭂᬗᭀᬂᬳᬶᬲᭂᬂᬫᬗᬸᬫᬶᬓ᭄ᬫᬶᬓ᭄᭞ᬓᬤᬯᬸᬢ᭄ᬫᬦᬳᬾᬧᬮᬶᬂ᭞ᬓᬋᬩᬸᬳ᭄ᬩᬳᬦ᭄ᬫᬦᬄᬳᬶᬩᬸ
ᬓ᭄᭞ᬳᬶᬩᬸᬓ᭄ᬢᬶᬢ᭄ᬬᬂᬫᬓ᭄ᬦᭂᬳᬦ᭄᭞ᬗᭂᬦᭂᬳᬂᬧᬘᬂᬓᬩᬸᬓ᭄ᬢᬶ᭞ᬧᬘᬂᬲᬗᬸ᭞ᬤᬶᬲᭂᬓᬮᬫ᭄ᬯᬄᬦᬶᬲ᭄ᬓᬮ᭟ᬳᬶᬗᭂᬢ᭄ᬓᬾᬦ᭄ᬗᭂᬮᬄᬧ᭄ᬬᬦᬓ᭄᭞ᬳᬧᬳᬗ᭄ᬕᭀᬦ᭄ᬫᬧᬢᬫᬳᬶᬦ᭄᭞ᬩᬲ᭄ᬓᬾᬦᬾᬢᬶᬯᬲ᭄ᬢᬸᬃ
ᬩᭂᬮᭀᬕ᭄᭞ᬢᬶᬯᬲ᭄ᬫᬦᬄᬢᬦ᭄ᬧᬓᬾᬃᬢ᭄ᬢᬶ᭞ᬢᭀᬓᬸᬤ᭄ᬬᬂᬓᬾᬦ᭄ᬓᬾᬦᬂᬚᬦᬶ᭞ᬳᬫ᭄ᬧᬸᬭᬬᬂᬘᭂᬦᬶᬂᬫᬮᬸ᭞ᬳᬸᬤᬸᬄᬘᭂᬦᬶᬂᬧ᭄ᬬᬦᬓ᭄ᬩᬧ᭞ᬳᬦᬯᬶᬓᬸᬲᬦᬾ ᬗᬸᬦᬶ᭞ᬮᬶᬦ᭄ᬢᬂᬧᬸᬢᬸᬲ᭄᭞ᬗᬸᬜ᭄ᬘᬭᬂᬢ
ᬢ᭄ᬯᬤ᭄ᬬᬢ᭄ᬫᬶᬓ᭟ᬉᬢ᭄ᬢᬫᬧᭂᬲᬾᬗᬦ᭄ᬳᬶᬤ᭞ᬰ᭄ᬭᬶᬪᬕᬯᬦ᭄ᬯᬭᬭᬸᬘᬶ᭞ᬫᬗᭂᬮᬶᬓ᭄ᬱᬭᬶᬦᬶᬂᬧᬃᬯ᭄ᬯ᭞ᬓᬭᬶᬗ᭄ᬓᭂᬲ᭄ᬤᬤᭀᬲ᭄ᬳᬲᬶᬓᬶ᭞ᬓᬳᬸᬘᬧ᭄ᬭᬶᬂᬲᭀᬃᬧᬸᬦᬶᬓᬶ᭞ᬭᬶᬂᬫᬦᬸᬱᬢᭂᬕᭂᬲ᭄ᬳᬶᬧᬸᬦ᭄᭞ᬫᬜ᭄ᬚ
[᭒ 2A]
ᬦ᭄ᬫᬤᬤᬶᬫᬦᬸᬱ᭞ᬓᭀᬢ᭄ᬢᬫᬦ᭄ᬲᬃᬯ᭄ᬯᬢᬸᬫᬶᬢᬶᬲ᭄᭞ᬧᬮᬶᬂᬳᬬᬸ᭞ᬧ᭄ᬭᬤ᭄ᬜᬦ᭄ᬫᬗᬯᬾᬯᬶᬯᬾᬓ᭟ᬫᬗᬯᬾᬦᬶᬦ᭄ᬲᭀᬮᬄᬤᬤ᭄ᬯ᭞ᬳᬮᬳᬬᬸᬫᬶᬦᬓᬤᬶ᭞ᬲᭀᬮᬄᬳᬬᬸᬦᬾ ᬧᬗᭂᬦ᭄ᬢᬲ᭄᭞ᬗᭂᬦ᭄ᬢᬲᬦ᭄ᬳᬶ
ᬳᬮᬲᬫᬶ᭞ᬬᬦ᭄ᬲᬶᬥᬦᬶᬂᬗᭂᬦ᭄ᬢᬲ᭄ᬤᬤᬶ᭞ᬫᬧᬮᬢᬶᬗ᭄ᬓᬳᬶᬂᬳᬶᬤᬸᬧ᭄᭞ᬳᬶᬤᬸᬧᬾ ᬤᬤᬶᬫᬦᬸᬱ᭞ᬉᬢ᭄ᬢᬫᬦᬾ ᬩᬸᬓᬚᬦᬶ᭞ᬗᭂᬢᬸᬢ᭄ᬳᬬᬸ᭞ᬳᬬᬸᬦᬾ ᬳᬸᬕᬶᬧᭂᬭᬶᬳᬂ᭟ᬓ᭄ᬭᬡᬳ᭄ᬤᬫᬜᭂᬩᭂᬢᬂ
ᬭᬶᬓᬵᬮᬮᬘᬸᬃᬓᬧᬗ᭄ᬕᬶᬄ᭞ᬤᬾᬦᬶᬂᬳᬶᬫᬦᬸᬰᬓᭀᬘᬧ᭄᭞ᬩᬸᬤ᭄ᬥᬶᬳᬗ᭄ᬓᬭᬢᬦ᭄ᬲᬶᬧᬶ᭞ᬫᭀᬫᭀᬫᬸᬃᬓ᭄ᬓᬫᬦᬶᬡ᭄ᬤᬶᬄ᭞ᬮᬶᬯᬢ᭄ᬲᭂᬗ᭄ᬓᬚᬦ᭄ᬫᬳᬶᬤᬸᬧ᭄᭞ᬳᬶᬤᬸᬧᬾ ᬫᬦᬸᬢᬸᬕ᭄ᬳᬮ᭞ᬬᭀᬦᬶᬦᬾ ᬫᬦᬸᬢᬸᬕ᭄ᬲᬳᬶ᭞ᬢ᭄ᬯᬭ
ᬩᬸᬳᬸᬂ᭞ᬤᬲᬾᬦᬵᬤᭂᬭᬶᬬᬦᬾ ᬫᬗᭂᬭᬸᬲᬓ᭄᭟ᬓ᭄ᬭᬡᬉᬢ᭄ᬢᬫᬓᬳᬸᬘᬧ᭄᭞ᬫᭂᬦ᭄ᬢᬶᬓᬫᬵᬦᬸᬰᬚᬦᬶ᭞ᬯᬶᬭᬾᬄᬳᬶᬫᬦᬸᬰᬲᬶᬤ᭄ᬥ᭞ᬦᬸᬮᬸᬂᬲᬗ᭄ᬲᬭᬦᬾ ᬲᬫᬶ᭞ᬭᬶᬂᬭᬕᬤᬾᬯᬾᬓᬾ ᬚᬢᬶ᭞ᬫᬰ᭄ᬭᬡᬩᬵ
Kaca:Bali-lontar-gaguritan-paparikan-sarasamuscaya-300ppi.pdf/2
Kaca puniki sampun kauji-wacén
