[᭑᭙ 19B]
᭑᭙
ᬨᬮᬨᬮᬤᬶᬃᬕ᭄ᬕᬬᬸᬰ᭞ᬲᬶᬦᬄᬭᬳᬬᬸᬲᭀᬮᬳᬾ᭞ᬳᬲᬶᬂᬕᬯᬾ ᬧᬕᭂᬄᬧᬸᬕᬸᬄ᭞ᬬᭀᬕᬬᬰᬥᬃᬫ᭄ᬫᬰᬓ᭄ᬢᬶ᭞ᬳᬃᬣᬪ᭄ᬭᬡᬢ᭄ᬯᬭᬳᭀᬩᬄ᭞ᬓᬾᬢᭀᬧᬮᬦ ᬳᬾᬓᬵᬳᬢᭂᬧᬸᬓ᭄᭞ᬬᬾᬦᬶᬂᬳᬶᬦ᭄ᬤ᭄ᬭᬶᬬ
ᬦᬾ ᬫᬵᬳᬮᬸᬫ᭄ᬩᬃ᭞ᬗᬯᬾ ᬭᬸᬲᬓ᭄᭞ᬲᬶᬦᬄᬲᬓᬶᬢᬾᬓᬢᬫ᭄ᬧᬶ᭞ᬓᬯᬳᬾ ᬲᬸᬩᬫᬘᬤᬂ᭟ᬓᬃᬫ᭄ᬫᬨᬝᬵᬩ᭄ᬯᬶᬦ᭄ᬳᬤᬓᬳᬤᬦᬶᬦ᭄᭞ᬢ᭄ᬯᬄᬲᬜ᭄ᬚᬢᬧᬗ᭄ᬭᬸᬲᬓ᭄ᬳᬶᬦ᭄ᬤ᭄ᬭᬶᬬ᭞ᬤᬲᬃᬳᬗ᭄ᬕᭀᬦ᭄ᬫᬫᬸᬗ᭄ᬕᭂᬮᬾ᭞
ᬳᬤᬰᬦᬡ᭄ᬥᬦ᭄ᬜᬦᬾᬳᬶᬢᬸᬂ᭞ᬜᬦ᭄ᬤᬂᬦᬾ ᬚᬦᬶᬯᬶᬮᬗᬶᬦ᭄᭞ᬢᬢ᭄ᬮᬸᬢ᭄ᬯᬄᬳᬸᬮᬶᬂᬫᬦᬄ᭞ᬳᬸᬮᬶᬂᬫᬸᬜᬶᬧᬢ᭄ᬧᬢ᭄ᬧᭂᬲᬸ᭞ᬢᬢ᭄ᬮᬸᬩ᭄ᬯᬶᬦ᭄ᬳᬸᬮᬶᬂᬲᭀᬮᬄ᭞ᬲᬸᬩᬧ᭄ᬭᬕᬢ᭄᭞ᬫᬯᬶᬮᬂᬳᬤᬰᬩᭂᬲᬶᬓ᭄᭞
ᬲᬓᬶᬂᬫᬦᬄᬫᬸᬜᬶᬲᭀᬮᬄ᭟ᬲᬓᬶᬂᬫᬦᬄᬢᬢᬶᬕᬫᬮᬸᬯᬶᬮᬗᬶᬦ᭄᭞ᬳᭂᬤᬵᬮᭀᬪᬩᭂᬲᬗᭂᬢ᭄ᬫᭂᬭᬶᬳᬂ᭞ᬳᬶᬭᬶᬭᬶᬂᬕᭂᬮᬄᬳᬦᬓᬾ ᭞ᬳᭂᬤᬵᬓ᭄ᬭᭀᬥᬩᬲ᭄ᬓᬮᬯᬸᬢ᭄᭞ᬭᬶᬂᬩᬩᬸᬭᭀᬦ᭄ᬫᬶ
[᭒᭐ 20A]
ᬯᬄᬧ᭄ᬭᬡᬶ᭞ᬩ᭄ᬯᬶᬦ᭄ᬳᭂᬤᬧᭂᬲᬦ᭄ᬘᬫ᭄ᬧᬄ᭞ᬢ᭄ᬯᬭᬳᭂᬜᬓ᭄ᬧᬢᬶᬗᬸᬕᬸ᭞ᬭᬶᬂᬥᬃᬫ᭄ᬫᬦᬶᬂᬓᬃᬫ᭄ᬫᬨᬮ᭞ᬓᬾᬢᭀᬤᬾᬯ᭞ᬕᭂᬦᭂᬧᬯᬶᬮᬗᬦ᭄ᬲᬫᬶ᭞ᬦᬾ ᬦᬾ ᬧᭂᬲᬸᬳᬸᬮᬶᬂᬫᬦᬄ᭟ᬳᬸᬮᬶᬂᬫᬸᬜᬶᬦᬾ ᬚᬦᬶᬩ᭄ᬯᬶᬦ᭄ᬯᬶᬮ
ᬗᬶᬦ᭄᭞ᬓᭀᬘᬧ᭄ᬧᬢ᭄ᬧᬢ᭄ᬳᭂᬤᬫᬸᬚᬃᬳᬮ᭞ᬫᬶᬯᬄᬕᬗ᭄ᬲᬸᬮ᭄ᬧᬫᬸᬜᬶᬦᬾ᭞ᬫᬫᬶᬲᬸᬦᬳᭂᬤᬮᬚᬸ᭞ᬳᭂᬤᬩᭀᬩᬩ᭄ᬢᭂᬓᬾᬦᬵᬫᬸᬜᬶ᭞ᬧᬶᬢᭂᬢ᭄ᬳᬸᬕᬶᬦᬾ ᬦᬾ ᬧᬢ᭄ᬧᬢ᭄᭞ᬳᭂᬤᬫ᭄ᬩᬳᬂᬓᬦ᭄ᬢᬶ
ᬧᭂᬲᬸ᭞ᬲᬶᬤ᭄ᬥᬬᬂᬳᬸᬕᬶᬫᬢᬶᬬᬂ᭞ᬳᬧᬂᬳᬶᬮᬂ᭞ᬳᬶᬗᭂᬢᬂᬳᬸᬕᬶᬲᬲᬵᬳᬶ᭞ᬕᬶᬲᬶᬩᬸᬢᬶᬢᬶᬂᬢᭂᬓᭂᬓᬂ᭟ᬬᬦ᭄ᬤᬶᬲᭀᬮᬄᬦᬾ ᬦᬾ ᬜᬦ᭄ᬤᬂᬧᬶᬢᭂᬢᬶᬦ᭄᭞ᬳᭂᬤᬧᬶᬲᬦ᭄ᬗᬫᬢᬶᬫᬢᬶᬬᬂ᭞ᬦᬾᬦᬾ ᬢᭀᬂᬳ
ᬤᬕᬸᬡᬦ᭄ᬦᬾ᭞ᬳᭂᬤᬵᬫᬫᬾᬕᬮ᭄ᬫᬫᭂᬗ᭄ᬓᬸᬭ᭄᭞ᬳᭂᬤᬯᬦᬾᬦᬵᬢᬦ᭄ᬧᬳᬶᬦ᭄ᬤᬶᬓ᭄᭞ᬓᭀᬱᬾᬦᬵᬢᬓ᭄ᬱᬄᬫᬫᬭᬶᬓᭀᬱ᭞ᬳᭂᬦ᭄ᬢᭀᬫᬤᬦ᭄ᬲᭀᬮᬄᬲᬶᬕᬸᬕ᭄᭞ᬕᭂᬦᭂᬧ᭄ᬫᬯᬶᬮᬂᬳᬤᬰ᭞ᬓᬳᬤᬦᬦ᭄
Kaca:Bali-lontar-gaguritan-paparikan-sarasamuscaya-300ppi.pdf/20
Kaca puniki sampun kauji-wacén
