Kaca:Bali-lontar-gaguritan-paparikan-sarasamuscaya-300ppi.pdf/21

[᭒᭐ 20B]
᭒᭐
ᬓᬃᬫ᭄ᬫᬧᬝᬵᬫᬓᬲᬫᬶ᭞ᬫᬤᬦ᭄ᬧᬫᭀᬢᭀᬂᬳᬶᬦ᭄ᬤ᭄ᬭᬶᬬ᭟ᬤᬾᬦᬵᬳᬶᬂᬲᬶᬦᬄᬲᬓᬶᬂᬲᭀᬮᬄᬳᬶᬤᭂᬧ᭄ᬫᬸᬜᬶ᭞ᬫᬗ᭄ᬭᬦᬬᬂᬳᬶᬤᬤᬦᬾ ᬦᬯᬂ᭞ᬳᬮᬳᬬᬸᬦ᭄ᬤᬾᬯᬾᬓᬾ ᭞ᬗᭂᬧᬸᬲ᭄ᬳᬦᬓ᭄ᬲᬓᬶᬂᬢ᭄ᬮᬸ᭞ᬳᭂᬦ᭄ᬢᭀ
ᬓ᭄ᬭᬡᬩᬸᬓᬚᬦᬶ᭞ᬦᬾ ᬳᬬᬸᬳᬸᬕᬶᬕᭂᬮᬭᬂ᭞ᬳᬶᬥᭂᬧ᭄ᬲᭀᬮᬄᬫᬸᬜᬶᬳᬤᬸᬂ᭞ᬕᬯᬾᬦᬶᬦ᭄ᬲᬭᬢᬂᬧᬶᬲᬦ᭄᭞ᬳᬧᬂᬲᬶᬤ᭄ᬥ᭞ᬦᬾᬦᬾ ᬢ᭄ᬮᬸᬫ᭄ᬭᬕᬳᬸᬭᬶᬧ᭄᭞ᬩᭂᬓᭂᬮ᭄ᬫᬗᬸᬗ᭄ᬲᬶᬓᬲ᭄ᬯᬃᬕ᭄ᬕᬦ᭄᭟ᬫ
ᬤᬸᬃᬕ᭄ᬕᬫᬦᬾᬢᬢ᭄ᬮᬸᬫᬗᬃᬤ᭄ᬥᬶᬦᬶᬦ᭄᭞ᬫᬗ᭄ᬥᬲᬶᬤ᭄ᬥᬍᬯᬶᬳᬶᬂᬕᬕᬸᬡᬦ᭄᭞ᬢᬶᬕᬰᬓ᭄ᬢᬶᬕᬕᬸᬡᬦ᭄ᬦᬾ᭞ᬳᭂᬤᬕᬫ᭄ᬧᬂᬳᬾᬮᬄᬗᬓᬸ᭞ᬗᬸᬮᬳᬂᬧᬬᬸᬫᬫᬸᬜᬶ᭞ᬧᬶᬢ᭄ᬯᬦᬾ ᬫᬜᬶᬤᬬᬂ᭞ᬫᬗᬕᭂᬫ᭄ᬦᬾᬢᬢ᭄ᬮᬸ᭞
ᬲᬶᬕᭂᬫᬂᬳᬸᬕᬶᬲᬶᬕᭂᬫᬂ᭞ᬯᬶᬭᬾᬄᬲᭂᬗ᭄ᬓ᭞ᬓᬾᬯᭂᬄᬧᭂᬲᬦ᭄ᬫᬦᬢᬓᬶᬦ᭄᭞ᬯᬶᬭᬾᬄᬳᭀᬩᬄᬓᬤᬶᬓᬶᬮᬧ᭄᭟ᬲᬓᬶᬂᬫᬦᬄᬧᬗᬸᬕᬸᬦᬾᬮᬶᬦ᭄ᬢᬂᬧᬲ᭄ᬢᬶ᭞ᬫᬫᬕᭂᬳᬂᬲᬶᬦᬄᬲᬓᬶᬂᬫᬦᬄ᭞ᬧᬦᬤᬶᬮᬗ᭄ᬕᭂᬂᬳᬚ᭄ᬜᬡ
[᭒᭑ 21A]
ᬦᬾ᭞ᬬᬦᬶᬂᬲᬸᬩᬧᬕᭂᬄᬦᭂᬭᬸᬲ᭄ᬲᬚᬬᬂᬮᬯᬸᬢ᭄ᬕᬯᬾᬦᬶᬦ᭄᭞ᬲᬶᬦᬄᬧᬶᬲᬦ᭄ᬫᬜᬶᬤ᭄ᬥᬬᬂ᭞ᬳᬶᬮᬶᬂᬫᬦᬳᬾ ᬓᬢᭂᬧᬸᬓ᭄᭞ᬳᬶᬫᬦᬄᬢ᭄ᬯᬄᬓᬯᬵᬱᬦᬦ᭄᭞ᬳᬶᬧ᭄ᬭᬤᬦ᭞ᬧ᭄ᬭᬤᬦᬦᬲᬭᬶᬦ᭄ᬲᬫᬶ᭞ᬳᬲᬶᬂᬕᬯᬾ
ᬢ᭄ᬯᬭᬮᬾᬫ᭄ᬧᬲ᭄᭟ᬬᬦ᭄ᬳᬶᬦ᭄ᬤ᭄ᬭᬶᬬᬦᬾ ᬳᬶᬫᬦᬄᬢ᭄ᬯᬄᬫᭀᬗ᭄ᬓᭀᬮᬶᬦ᭄᭞ᬓ᭄ᬭᬡᬳᬤᬧᬕᬯᬾᬦᬾ ᬤᬤ᭄ᬯ᭞ᬳᬮᬳᬬᬸᬤᬶᬕᬸᬫᬶᬦᬾ ᭞ᬳᬶᬫᬦᬄᬢ᭄ᬯᬄᬫᬓᬧ᭄ᬭᬪᬸ᭞ᬓ᭄ᬭᬡᬜᬦ᭄ᬤᬂᬩᬸᬓᬚᬦᬶ᭞ᬤᬶᬫᬦᬄᬜ
ᬦ᭄ᬤᬂᬩ᭄ᬯᬢᬂ᭞ᬧᬶᬦᭂᬄᬧᬶᬦᭂᬄᬧᬶᬬᭂᬃᬫᬮᬸ᭞ᬳᭂᬤᬧᬶᬲᬦ᭄ᬳᬫ᭄ᬧᬄᬳᬫ᭄ᬧᬄ᭞ᬢᭂᬓᬾᬦᬵᬫᬦᬄ᭞ᬬᬦ᭄ᬤᬶᬫᬦᬄᬭᬸᬲᬓ᭄ᬤᬤᬶ᭞ᬲᬭᬡ᭄ᬥᬸᬳᬯᬓᬾ ᬭᬸᬲᬓ᭄᭟ᬬᬓᬓᬾᬦᬾ ᬳᬶᬦ᭄ᬤᬶᬓ᭄ᬫᬦᬳᬾ ᬧᬶᬢ᭄ᬯᬶ᭞ᬧᬮᬶᬄ
ᬧᭀᬗᬄᬢ᭄ᬯᬶᬢᭂᬓᬮᬸᬯᬲ᭄᭞ᬳᬓ᭄ᬯᬾᬳᬵᬧᬶᬲᬦ᭄ᬧᬗᬚᬧᬾ᭞ᬫᬲᬲᬗᬶᬤᬤᬶᬲᬳᬸᬤ᭄᭞ᬤᬤᬶᬲᬗ᭄ᬰᬬᬤᬶᬳᬢᬶ᭞ᬢ᭄ᬯᬄᬫᬦᬄᬲᬚᬩᭀᬜ᭄ᬘᭀᬄ᭞ᬬᬦᬶᬂᬲᬶᬤ᭄ᬥᬫᬦᬄᬓᬸᬫ᭄ᬧᬸᬮ᭄᭞ᬲᬶᬭᬳᬸᬕᬶ