[᭒᭒ 22B]
᭒᭒
ᬲᬶᬦᬄᬪᬾᬤᬳᬧ᭄ᬢᬶᬦ᭄ᬳᬶᬧᬸᬦ᭄᭞ᬳᬶᬫᬦᬄᬢ᭄ᬯᬄᬫᬓ᭄ᬭᬡᬗᬾᬦᬵᬤᬄ᭞ᬳᬧᬂᬢᬢᬲ᭄᭞ᬧᬧᬶᬦᭂᬳᬾ ᬲᬋᬂᬲᬫᬶ᭞ᬓᬾᬯᭂᬄᬧᬶᬲᬦ᭄ᬫᬦᬸᬗ᭄ᬕᬮᬂ᭟ᬩ᭄ᬯᬶᬦ᭄ᬲᭂᬓᭂᬦᬂᬪᬾᬤᬦ᭄ᬫᬦᬳᬾ ᬚᬦᬶ᭞ᬧᬶᬢᭂᬍᬓᬂᬲ᭄ᬦᬕ᭄ᬯᬶᬓᬸᬪᬶ
ᬓ᭄ᬱᬸᬓ᭞ᬫ᭄ᬯᬄᬢ᭄ᬭᬸᬡᬓᬳᬶᬦ᭄ᬤ᭄ᬭᬶᬬᬦᬾ ᭞ᬩ᭄ᬯᬶᬦ᭄ᬳᬤᬩᬸᬭᭀᬦ᭄ᬳᬲᬸ᭞ᬲᬂᬢᬶᬕᬦᬸᬚᬸᬫᬭᬶᬭᬶᬕ᭄᭞ᬫᬫᬗ᭄ᬕᬸᬄᬳᬶᬲ᭄ᬢ᭄ᬭᬶᬉᬢ᭄ᬢᬫ᭞ᬤᭂᬳᬚᭂᬕᬾᬕ᭄ᬧᬸᬧᬸᬢ᭄ᬳᬬᬸ᭞ᬲᬂᬯᬶᬓᬸᬳᬶᬤᬜᭂᬗ᭄ᬕᬸᬳᬂ᭞ᬩᬗ᭄ᬓᬾ ᬭᬸᬲᬓ᭄᭞ᬩᬩᬓ᭄ᬱᬦ᭄ᬲᭂᬗ᭄ᬕᬸᬄᬳᬶ
ᬘᬶᬘᬶᬂ᭞ᬳᬶᬢ᭄ᬭᬸᬡᬜᭂᬗ᭄ᬕᬸᬄᬕᬕᬾᬮᬦ᭄᭟ᬓ᭄ᬭᬡᬳᬤᬫᬳᬶᬥᭂᬧ᭄ᬫᭂᬍᬤ᭄ᬫᬧ᭄ᬭᬶᬄ᭞ᬢᭂᬓᬾᬦᬵᬩᬭᬂᬩᬭᬂᬤ᭄ᬭᬸᬯᬾᬦᬵᬳᬦᬓ᭄᭞ᬩ᭄ᬯᬶᬦ᭄ᬗᭂᬮᬄᬳᬶᬥᭂᬧ᭄ᬤᭂᬗ᭄ᬓᬶᬦᬾ ᭞ᬢᭂᬓᬾᬦ᭄ᬓᬲᬸᬓᬦᬾ ᬳᬕᬸᬂ᭞ᬫᬓᭂᬦᭂᬄᬲᬢᬢᬳᬶᬭᬶ᭞ᬦ᭄ᬓᬾᬢᭀᬫ᭄ᬭᬶᬄ
ᬜ᭞ᬳᬤᭀᬄᬲ᭄ᬯᬃᬕ᭄ᬕᬦᬾ ᬓᬢᭂᬧᬸᬓ᭄᭞ᬢᬦᬸᬭᬸᬂᬓᬯᬳᬾ ᬩᬓᬢ᭄᭞ᬤᬤᬶᬤᬲᬃ᭞ᬳᭂᬦ᭄ᬢᭀᬳᭂᬤᬫᬗᬃᬤᬶᬦᬶᬦ᭄᭞ᬢᬶᬗ᭄ᬓᬳᬾᬫᬗᭂᬢᬸᬢ᭄ᬥᬃᬫ᭄ᬫ᭟ᬦᬄᬩᬮᬶᬓᬂᬳᬶᬥᭂᬧᬾ ᬯᬗᬸᬦᬂᬩ᭄ᬯᬶᬦ᭄᭞ᬳᭂᬤᬧᬶ
[᭒᭓ 23A]
ᬲᬦ᭄ᬫᬳᬶᬥᭂᬧ᭄ᬤ᭄ᬭᭀᬯᬓ᭞ᬤᭂᬗ᭄ᬓᬶᬭᬶᬂᬲᬸᬓᬦ᭄ᬳᬦᬓᬾ᭞ᬳᭂᬤᬧᬢᬶᬫᭂᬍᬤ᭄ᬗᬫᬸᬦ᭄᭞ᬫᬶᬯᬄᬳᭂᬤᬗᬢᬶᬳᬢᬶ᭞ᬢᭂᬓᬾᬦ᭄ᬩᬭᬂᬢ᭄ᬯᬭᬳᬤ᭞ᬳᭂᬤᬗᬸᬕᬸᬳᭀᬃᬣᬲᬸᬳᬸᬂ᭞ᬳᬸᬭᬶᬧ᭄ᬧ᭄ᬭᬡᬶᬦᬾ ᬲᬬᬗᬂ᭞ᬦᬄᬧᬕᭂᬳᬂ᭞ᬳᭂᬦ᭄ᬢᭀ
ᬫᬤᬦ᭄ᬬᬰᬓᬶᬃᬢ᭄ᬢᬶ᭞ᬲᬶᬦᬄᬲ᭄ᬯᬃᬕ᭄ᬕᬦᬾᬫᬘᬤᬂ᭟ᬫᬓ᭄ᬭᬡᬦ᭄ᬜᬢᭂᬕᬸᬮ᭄ᬢᭂᬓᭂᬓᬂᬢᬮᬶᬦᬶᬦ᭄᭞ᬧᬶᬲᬚᬬᬂᬳᬶᬥᭂᬧᬾ ᬩᬭᭀᬜ᭄ᬘᬄ᭞ᬫ᭄ᬯᬄᬳᬶᬧᬜ᭄ᬘᬳᬶᬦ᭄ᬤ᭄ᬭᬶᬬᬦᬾ ᭞ᬳᭂᬤᬫᬗ᭄ᬮᬸᬫ᭄ᬩᬃᬫᬫᬸᬭᬸᬕ᭄᭞ᬳᬶᬮᬳᬶᬮᬳᬯᬱ᭄ᬝᬦᬶ
ᬦ᭄᭞ᬢᬦ᭄ᬳᬸᬭᬸᬗᬦ᭄ᬓᭂᬦᬳᬸᬘᬧ᭄᭞ᬤᬤᬶᬓᬾᬯᭂᬳᬾ ᬓᬢᭂᬧᬸᬓ᭄᭞ᬤᬶᬚᬓᬲᬸᬓᬦᬾ ᬚᭂᬫᬓ᭄᭞ᬳᬤᭀᬄᬧᬭ᭞ᬭᬶᬂᬯᬰᬡᬫᬗ᭄ᬕᬶᬄᬩᭂᬘᬶᬓ᭄᭞ᬩᬸᬮᬓ᭄ᬩᬮᬶᬓ᭄ᬫᬲᬶᬄᬳᬮ᭟ᬬᬦᬶᬂᬳᬦᬚᬦ᭄ᬫᬲᬢᬢᬳᬶᬭᬶ᭞ᬢᭂᬓᬾᬦ᭄ᬳ
ᬦᬓ᭄ᬕᬶᬮᬫᬗᬦ᭄ᬢᭂᬦᬂ᭞ᬳᬦᬓ᭄ᬲᬸᬕᬶᬄᬫ᭄ᬯᬄᬯᬶᬃᬬ᭄ᬬᬦᬾ ᭞ᬳᬦᬓ᭄ᬩᬕ᭄ᬬᬭᬹᬧᬩᬕᬸᬲ᭄᭞ᬲᬤ᭄ᬬᬲᬬᬂᬫ᭄ᬯᬄᬓᬧᬸᬚᬶ᭞ᬳᬲᬶᬂᬲᭀᬮᬄᬓᬳᬶᬃᬬᬂ᭞ᬯᭀᬂᬲᬂᬰᬭᬯᬱ᭄ᬝᬦ᭄ᬳᬶᬧᬸᬦ᭄᭞ᬲᬓᬶᬢ᭄ᬜᬦᬾ ᬢᬦ᭄ᬢᬶᬦᬫ᭄ᬩᬦ᭄
Kaca:Bali-lontar-gaguritan-paparikan-sarasamuscaya-300ppi.pdf/23
Kaca puniki sampun kauji-wacén
