[᭒᭓ 23B]
᭒᭓
ᬫᬗ᭄ᬕᬶᬄᬳᬾᬭᬂ᭞ᬭᬶᬂᬓᬯᬳᬾ ᬤᬤᬶᬳᭂᬦ᭄ᬢᬶᬧ᭄᭞ᬓᬾᬯᭂᬄᬓᬢᬶᬩᬦ᭄ᬧᬗᭂᬦ᭄ᬢᬲ᭄᭟ᬳᬲᬶᬂᬳᬤᬭᬹᬧᬫᬩᬬᬸᬤᬶᬕᬸᬫᬶ᭞ᬧᬯᬓᬦ᭄ᬬᬢ᭄ᬯᬄᬭᬶᬂᬳᬓ᭄ᬱᬫᬯᬦ᭄᭞ᬳᬋᬧᬂᬳᬸᬕᬶᬓᭂᬮᭀᬦ᭄ᬦᬾ᭞ᬳᬸᬧᬲᬵᬫᬳᬗ᭄ᬕᬾ
ᬦ᭄ᬧᬶᬓᬸᬓᬸᬄ᭞ᬬᬦ᭄ᬲᬶᬤ᭄ᬥᬩᬳᬦ᭄ᬜᬮᬦᬶᬦ᭄᭞ᬓ᭄ᬮᬦ᭄ᬫᬸᬯᬄᬫᬸᬧᬲᬵᬫ᭞ᬳᬓ᭄ᬱᬫᬯᬦᬾᬄᬢᬸᬳᬸ᭞ᬲᬶᬄᬫᬦᬶᬜ᭄ᬘᬧ᭄ᬲ᭄ᬯᬃᬕ᭄ᬕᬦ᭄᭞ᬫᬗ᭄ᬕᬶᬄᬲᬸᬓ᭞ᬤᬾᬦᬵᬳᬶᬂᬦᬸᬳᬸᬢ᭄ᬫᬃᬕ᭄ᬕᬩᭂᬘᬶᬓ᭄᭞ᬲᬶᬦᬄᬮᬦᬸᬲ᭄ᬭᬶᬂᬚᬮᬦ᭄ᬚᬮᬦ᭄᭟
ᬲᬂᬓ᭄ᬱᬫᬦᬾᬫᬤᬦ᭄ᬫᬵᬲ᭄ᬫᬡᬶᬓ᭄ᬍᬯᬶᬄ᭞ᬢ᭄ᬯᬄᬜᬶᬤ᭄ᬥᬬᬂᬫᬗ᭄ᬮᬯᬦ᭄ᬳᬶᬦ᭄ᬤ᭄ᬭᬶᬬᬦᬾ ᭞ᬬᬤᬶᬦ᭄ᬓᬳᬸᬘᬧ᭄᭞ᬰᬓ᭄ᬢᬶᬦᬾ ᬳᭂᬦ᭄ᬢᭀᬩᭂᬓᭂᬮ᭄ᬗᬮᬶᬄᬳᬗ᭄ᬓᬸᬄ᭞ᬢ᭄ᬯᬭᬳᬤᬫᬜᬫᬾᬦᬶᬦ᭄᭞ᬬᬥᬶᬍᬯᬶᬄᬓᬳᭀᬢ᭄ᬢᬫᬦ᭄
ᬬᬦ᭄ᬗᬕᬾᬦ᭄ᬥᭀᬂᬫᬲᬶᬄᬳᬬᬸ᭞ᬳᬲᬶᬂᬮᬓᬸᬫᬧᬧᬭᬦ᭄᭞ᬢ᭄ᬯᬭᬓᬾᬫᬦ᭄᭞ᬤᬾᬦᬶᬂᬗᬩᬰ᭄ᬭᬡᬩᭂᬘᬶᬓ᭄᭞ᬢᭀᬂᬫᬧᬶᬮᬶᬄᬧᬤᬾᬯᬲᬦ᭄᭟ᬲᬂᬓ᭄ᬱᬫᬯᬵᬦ᭄ᬭᬶᬲᬓ᭄ᬱᬢᬂᬧ᭄ᬭᬣᬶ᭞ᬫᬸᬮᬓ᭄ᬮᬦ᭄
[᭒᭔ 24A]
ᬢ᭄ᬯᬭᬩᬶᬲᬧᬶᬯᬮ᭄᭞ᬢᭂᬓᬮᬱ᭄ᬬᬧᬦᬫ᭄ᬧᬾᬦᬾ ᭞ᬬᬤᬶᬦ᭄ᬳᬮᬢᬸᬯᬶᬳᬬᬸ᭞ᬧᬦᬲ᭄ᬢᬶᬲ᭄ᬢ᭄ᬯᬄᬓᬢᬫ᭄ᬧᬶ᭞ᬬᬦ᭄ᬢᬦ᭄ᬗᬫᭀᬂᬓ᭄ᬱᬫᬯᬵᬦ᭄᭞ᬲᬶᬦᬄᬢᬸᬗ᭄ᬓᬲᬾ ᬓᬢᭂᬧᬸᬓ᭄᭞ᬤᬶᬚᬗᬮᬶᬄᬧᬲ᭄ᬯᬶᬢ᭄ᬭᬬᬦ᭄
ᬬᬦᬶᬂᬢᬸᬗ᭄ᬓᬲᬶᬦ᭄᭞ᬭᬶᬂᬲᬃᬯ᭄ᬯᬯᬾᬦ᭄ᬢᭂᬦᬾᬲᬫᬶ᭞ᬢᬦ᭄ᬳᬸᬭᬸᬂᬢᬸᬓᬃᬲᬢᬢ᭟ᬬᬦᬶᬂᬳᬤᬫᬗᬶᬮᬗᬂᬓ᭄ᬭᭀᬥᬦ᭄ᬩᬸᬤ᭄ᬥᬶ᭞ᬢ᭄ᬯᬄᬫᬰ᭄ᬭᬡᬩᬦ᭄ᬲᬂᬓ᭄ᬱᬫᬯᬵᬦ᭄᭞ᬳᬸᬧᬫᬶᬓᬤᬶᬩᬸᬮᬦᬾ ᭞ᬫᬗᬸᬢᬂᬳᬶᬲᬬᭀᬂ
ᬮᬶᬫᬸᬢ᭄᭞ᬳᬤᭀᬄᬳᬶᬩᬸᬮᬦ᭄ᬫᬮᬶᬓᬶᬦ᭄᭞ᬫᬳᬵᬩᬸᬤ᭄ᬥᬶᬓᬳᬤᬦᬦ᭄᭞ᬳᭂᬦ᭄ᬢᭀᬉᬢᬫᬦᬶᬂᬳᬬᬸ᭞ᬫᬗ᭄ᬕᭂᬄᬉᬢᬫᬦᬶᬂᬯ᭄ᬯᬂ᭞ᬫᬗ᭄ᬕᭂᬄᬲᬥ᭄ᬬ᭞ᬲᬤ᭄ᬬᬦᬾ ᬫᬩᬸᬮᬓ᭄ᬩᬮᬶᬓ᭄᭞ᬓᬶᬚᬮ᭄ᬯᬲ᭄ᬢᬸᬢᬸᬕ᭄ᬲ
ᬲᬤ᭄ᬬ᭟ᬬᬤᬶᬦ᭄ᬲᬚᬗᬸᬘᬶᬯᬬᬂᬫᬸᬲᬸᬄᬰᬓ᭄ᬢᬶ᭞ᬧᬥᬳᬦ᭄ᬤᬧ᭄ᬳᭂᬤᬗᬸᬫᬡ᭄ᬥᭂᬮᬂ᭞ᬧᬘᬂᬫᬗ᭄ᬕᬶᬄᬲᬤ᭄ᬬᬦᬾ᭞ᬬᬦ᭄ᬓ᭄ᬭᭀᬥᬦᬾ ᬦᭂᬓᭂᬢ᭄ᬳᭂᬦᬸ᭞ᬳᬃᬣᬶᬦ᭄ᬰᬢ᭄ᬭᬸᬓᭀᬦ᭄ᬤᬾᬦᬵᬮᬶᬮᬶᬄ᭞ᬳᬸᬭᬶᬧᬾᬢ᭄ᬯᬄᬢᬸᬢᬸᬕ᭄ᬫᬮ᭞
Kaca:Bali-lontar-gaguritan-paparikan-sarasamuscaya-300ppi.pdf/24
Kaca puniki sampun kauji-wacén
