[᭒᭕ 25B]
᭒᭕
ᬚᬢᬶᬓᬫᬵᬦᬸᬱᬦ᭄᭞ᬲᬶᬦᬄᬫ᭄ᬩᬳᬦ᭄ᬧᬦᬸᬕ᭄ᬭᬳᬦ᭄᭞ᬲᬂᬓᭂᬮᬦ᭄ᬳᬸᬘᬧᬂᬫᬮᬶᬄ᭞ᬮᬶᬯᬣᬸᬢ᭄ᬢᬫ᭞ᬫᭀᬮᬶᬄᬧᬦᬸᬕ᭄ᬭᬳᬦ᭄ᬰᬓ᭄ᬢᬶ᭟ᬬᬦ᭄ᬳᬶᬚᬦ᭄ᬫᬲᬂᬲᬶᬤ᭄ᬥᬦᬶᬢᬄᬳᬶᬓ᭄ᬭᭀᬥ᭞ᬳᬲᬶᬂᬕᬯᬾᬦᬾ ᬓᬧᬸᬚᬶ᭞ᬫᬯᬓ᭄ᬥᬵᬦ
ᬧᬹᬦ᭄ᬬ᭞ᬬᬤᬶᬦ᭄ᬢᬧᬳᭀᬫᬬᬚ᭄ᬜ᭞ᬳᬲᬶᬂᬋᬕᭂᬤ᭄ᬳᬶᬯᬂᬲᬫᬶ᭞ᬢ᭄ᬯᬭᬫᬨᬮ᭞ᬲᬗ᭄ᬬᬂᬬᬫᬗᬫ᭄ᬩᬶᬮ᭄ᬲᬫᬶ᭟ᬓ᭄ᬭᬡᬦᬾᬚᬦᬶᬳᬶᬓ᭄ᬭᭀᬥᬜᬦ᭄ᬤᬂᬓᬸᬢᬂ᭞ᬦᬾ ᬓᬾᬦᬾ ᬳᬤᬩᬸᬯᬶᬦ᭄᭞ᬜᬦ᭄ᬤᬂᬫᬢᬗᬭᬦ᭄᭞ᬢᭂᬓᭂᬓᬂᬳᬸ
ᬕᬶᬫᬗ᭄ᬭᬓ᭄ᬱ᭞ᬧᬫᬥᭂᬫ᭄ᬳᬶᬓ᭄ᬭᭀᬥᬖ᭄ᬦᬶ᭞ᬫᬗ᭄ᬤᬜᬶᬤ᭄ᬥᬬᬂ᭞ᬳᬶᬓ᭄ᬭᭀᬥᬬᬕᭂᬲᭂᬂᬤᬕ᭄ᬥᬶ᭟ᬲᬗ᭄ᬳ᭄ᬬᬂᬰ᭄ᬭᬶᬗᬫᬢ᭄ᬬᬂᬳᬶᬃᬱ᭄ᬬᬲᬚᬕᬢ᭄᭞ᬫᬮᬶᬄᬳᬶᬤᬲᬗ᭄ᬳ᭄ᬬᬂᬳᬚᬶ᭞ᬧᬫᬥᭂᬫ᭄ᬳᬗ᭄ᬓᬭ᭞ᬫ᭄ᬯᬄᬳᬮ᭄ᬧᬓᬓᬭᬵᬓ᭄ᬱ᭞ᬭᬕᬤᬾ
ᬯᬾᬓ᭄ᬳᬤᬗᬶᬲᬶ᭞ᬲᬂᬢᬦ᭄ᬧ᭄ᬭᬫᬥ᭞ᬢ᭄ᬯᬭᬳᬫ᭄ᬧᬄᬲᬵᬳᬶᬲᬵᬳᬶ᭟ᬢ᭄ᬯᬄᬳᬶᬓ᭄ᬭᭀᬥᬓᬲᭂᬗ᭄ᬕᬸᬄᬳ᭄ᬬᬂᬓᬮᬵᬦ᭄ᬢᬓ᭞ᬫᬶᬯᬄᬳᬶᬢᬺᬱ᭄ᬡᬩᬸᬤ᭄ᬥᬶ᭞ᬯᬾᬢᬭᬶᬳᬶᬓᬵ᭞ᬳᬸᬮᬧ᭄ᬓᬢᬄᬢᬸᬃᬮᬶᬓᬤ᭄᭞ᬢᭀᬬᬦ᭄ᬜᬦᬾ ᬳᭂᬢᬶᬲ᭄
[᭒᭖ 26A]
ᬳᭂᬦᬶᬂ᭞ᬦᬗ᭄ᬳᬶᬂᬫᬫᬦᭂᬲ᭄᭞ᬢᬺᬱ᭄ᬡᬦᬾ ᬢᬸᬓᬤ᭄ᬳᬭᬶᬡ᭄ᬦᬶ᭟ᬲᬗ᭄ᬳ᭄ᬬᬂᬳᬚᬶᬫ᭄ᬯᬂᬲᬗ᭄ᬳ᭄ᬬᬂᬭᬳᬱ᭄ᬬᬚ᭄ᬜᬦ᭞ᬳᭂᬦ᭄ᬢᭀᬍᬫ᭄ᬩᬸᬦ᭄ᬤᬦ᭄ᬤᬶᬦᬶ᭞ᬮ᭄ᬯᬶᬃᬫᬦᬶᬓ᭄ᬲᬓᭂᬘᬧ᭄᭞ᬫᬶᬯᬄᬲᬂᬓᬰᬦ᭄ᬢᭀᬲᬦ᭄᭞ᬦᬦ᭄ᬤᬦᬯᬦᬓᬵᬤᬦᬶᬦ᭄᭞ᬢᬫᬦ᭄ᬳ᭄ᬬᬂᬳᬶᬦ᭄ᬤ᭄ᬭ
ᬮ᭄ᬯᬶᬄᬤᬳᬢ᭄ᬗᬸᬮᬗᬸᬦᬶᬦ᭄᭟ᬬᬦᬶᬂᬳᭂᬦᬸᬓᬢᬶᬢᬄᬩᬳᬦ᭄ᬳᬶᬓ᭄ᬭᭀᬥ᭞ᬳᬲᬶᬂᬲᭀᬮᬄᬧᬥᬤᬤᬶ᭞ᬤᭂᬕᬕ᭄ᬭᬶᬂᬧᬕᬸᬭᬸᬯᬦ᭄᭞ᬤᬶᬓᬾᬦ᭄ᬓᬾᬦᬾ ᬗᬫᬢᬶᬬᬂ᭞ᬭᬶᬂᬲᬂᬲᬤᬸᬢᬸᬗ᭄ᬓᬲ᭄ᬩᬦᬶ᭞ᬯᬓ᭄ᬧᬭᬸᬱᬶᬬ᭞ᬧᬫᬸᬜᬶᬦᬾ ᬲᬶᬕᬸᬕ᭄ᬲᬳᬶ᭞
ᬓᬾᬦᬾᬩᬸᬯᬶᬦ᭄ᬲ᭄ᬦᬕ᭄ᬓᬢᬶᬢᬄᬩᬳᬦ᭄ᬓ᭄ᬭᭀᬥ᭞ᬢ᭄ᬯᬄᬢᭀᬂᬦᬯᬂᬩᭂᬦᭂᬄᬧᭂᬮᬶᬄ᭞ᬫᬶᬯᬄᬦᬾ ᬮᬭᬗᬦ᭄᭞ᬢᬦ᭄ᬲᬄᬫᬫᬸᬭᬸᬕ᭄ᬮᬭᬗᬦ᭄᭞ᬢ᭄ᬯᬭᬦᬯᬂᬥᬃᬫ᭄ᬫᬚᬵᬢᬶ᭞ᬢᬦ᭄ᬲᬄᬗᬸᬘᬧᬂ᭞ᬳᬲᬶᬂᬧᬶᬗᬶᬢ᭄ᬧᭂᬲᬸᬤᬤᬶ᭟
ᬢ᭄ᬯᬄᬳᬶᬓ᭄ᬭᭀᬥᬫᬓᬰᬢ᭄ᬭᬸᬦᬾᬤᬶᬳᬯᬓ᭄᭞ᬬᬦᬶᬂᬲᬤ᭄ᬬᬦᬾ ᬦᬸᬫᬶᬢᬶᬲ᭄᭞ᬓ᭄ᬭᭀᬥᬦᬾ ᬳᬶᬮᬗᬂ᭞ᬲᬓᬶᬂᬤᬾᬯᬾᬓᬾ ᬫᬍᬲᬢ᭄᭞ᬲᬶᬦᬄᬓᬳᬍᬫ᭄ᬓᬧᬸᬚᬶ᭞ᬩᬳᬦ᭄ᬳᬶᬚᬕᬢ᭄᭞ᬓᬢᬓᬸᬢᬶᬦ᭄ᬲᬋᬂᬲᬫᬶ᭟
Kaca:Bali-lontar-gaguritan-paparikan-sarasamuscaya-300ppi.pdf/26
Kaca puniki sampun kauji-wacén
