[᭒᭖ 26B]
᭒᭖
ᬫᬓᬤᬶᬦᬾ ᬳᬶᬓ᭄ᬭᭀᬥᬳᭂᬤᬜᬮᬦᬂ᭞ᬭᬶᬂᬳ᭄ᬬᬂᬤᬾᬯᬯᬶᬥᬶ᭞ᬫ᭄ᬯᬄᬭᬶᬲᬂᬦᬭᬾᬦ᭄ᬤ᭄ᬭ᭞ᬫᬶᬯᬄᬳᬶᬤᬲᬂᬩ᭄ᬭᬵᬳ᭄ᬫᬡ᭞ᬫᬓᬤᬶᬭᬶᬂᬳᬦᬓ᭄ᬳᬮᬶᬢ᭄᭞ᬭᬶᬂᬳᬦᬓ᭄ᬳᬾᬤᬦ᭄᭞ᬭᬶᬂᬯᭀᬂᬢᬸᬳᬫ᭄ᬯᬄ
ᬯᭀᬂᬲᬓᬶᬢ᭄᭟ᬬᬦ᭄ᬭᬶᬂᬓ᭄ᬮᬦ᭄ᬧᬦᭂᬲ᭄ᬢᬶᬲᬾᬓᬢᬭᬶᬫ᭞ᬳᬃᬣᬓᬫᬢᬦ᭄ᬧ᭄ᬭᬶᬄ᭞ᬳᬮᬳᬬᬸᬳᬸᬚᬃ᭞ᬲᬶᬤ᭄ᬥᬢ᭄ᬯᬄᬫᬧᬸᬢᭂᬭᬦ᭄᭞ᬓ᭄ᬭᭀᬥᬳᬾᬮᬄᬧᬘᬂᬫᬢᬶ᭞ᬩᬵᬦ᭄ᬓᬧᬕᭂᬳᬦ᭄᭞ᬓᬾ
ᬯᬮᬲᬸᬓᬭᬶᬂᬕᬸᬫᬶ᭟ᬳᭂᬤᬧᭂᬲᬦ᭄ᬢ᭄ᬯᬭᬗᬸᬕᬸᬦᬾᬳᬤᬤᬶᬚᬮᬦ᭄᭞ᬫ᭄ᬯᬄᬨᬮᬦᬾ ᬓᬓᬮᬶᬄᬰᬸᬪᬰᬸᬩᬓᬃᬫ᭄ᬫ᭞ᬳᬮᬳᬬᬸᬫᬓᬤᬤ᭄ᬯ᭞ᬳ᭄ᬬᬂᬯᬾᬤ᭄ᬥᬳᭂᬤᬜᬳᬶᬮᬶᬦ᭄᭞
ᬫ᭄ᬯᬄᬭᬶᬂᬤᬾᬯᬢ᭞ᬳᭂᬤᬗᬚᬸᬫ᭄ᬳᬯᬓ᭄ᬱᬳᬶ᭟ᬳᬗ᭄ᬓᬭᬓ᭄ᬭᭀᬥᬳᭂᬤᬳᬸᬕᬶᬫᬜᬮᬦᬂ᭞ᬳᭂᬤᬫᬫᬦᭂᬲ᭄ᬫᬦᭂᬲᬶᬦ᭄᭞ᬫ᭄ᬯᬄᬭᬸᬗᬸᬭᬸᬗᬸᬯᬂ᭞ᬧᬢᬶᬤᬮᬶᬄᬳᭂᬤᬧᬶᬲᬦ᭄᭞ᬳᭂᬤᬤ᭄ᬭᭀ
[᭒᭗ 27A]
ᬯᬓᬵᬫ᭄ᬯᬄᬤᬺᬗ᭄ᬕᬶ᭞ᬳᭂᬦ᭄ᬢᭀᬲᬭᬢᬂ᭞ᬧᬸᬗ᭄ᬕᭂᬮ᭄ᬧᬸᬗ᭄ᬕᭂᬮᬶᬦ᭄ᬤᬶᬳᬢᬶ᭟ᬧᬶᬢ᭄ᬯᬶᬦᬾ ᬲᬗ᭄ᬰᬬᬢᭂᬓᬾᬦ᭄ᬦᬾᬤᬶᬦᬶᬲ᭄ᬓᬮ᭞ᬲᭂᬗ᭄ᬕᬸᬄᬢ᭄ᬯᬭᬢᭂᬧᬸᬓᬶᬦ᭄᭞ᬕᬯᬾᬦᬾ ᬲᭂᬓᬮ᭞ᬳᬮᬳᬬᬸᬦᬾ ᬫᬵᬳᬓᭂᬚᬂ᭞ᬳᬶᬥᭂᬧᬾ ᬓᬾ
ᬢᭀᬓᬸᬢᬗᬶᬦ᭄᭞ᬧᬦᬃᬓ᭄ᬓᬵᬗᬯᬕ᭄᭞ᬢ᭄ᬯᬭᬜᬦ᭄ᬤᬂᬧᬶᬓᬸᬓᬸᬳᬶᬦ᭄᭟ᬳ᭄ᬬᬂᬳᬕᬫᬫᬯᬘᬡᬜᭂᬓᭂᬦᬂ᭞ᬳᭂᬤᬳᬸᬕᬶᬫᬦᬸᬮᬓᬶᬦ᭄᭞ᬳᬸᬚᬃᬲᬂᬧᬵᬡ᭄ᬥᬶᬢ᭞ᬲᬶᬗ᭄ᬕᬳᬂᬳᬸᬕᬶᬤᬶᬫᬦᬄ᭞ᬬᬦ᭄ᬮᬶᬜᭀᬓ᭄ᬳᬶ
ᬤᬲᬂᬋᬱ᭄ᬳᬶ᭞ᬲᬗ᭄ᬳ᭄ᬬᬂᬳᬕᬫ᭞ᬲᬶᬦᬄᬮᬶᬜᭀᬓ᭄ᬫᬓᬲᬫᬶ᭟ᬳᬶᬤᬢ᭄ᬯᬶᬗᬸᬘᬧᬂᬲ᭄ᬯᬃᬕ᭄ᬕᬮᬦ᭄ᬦᭂᬭᬓ᭞ᬳᬮᬓᬢᭂᬓᬦᬶᬂᬩᭂᬘᬶᬓ᭄᭞ᬳᭂᬤᬧᬶᬲᬦ᭄ᬢᬸᬮᬓ᭄᭞ᬭᬶᬂᬳᬶᬤᬲᬂᬧᬡ᭄ᬥᬶᬢ᭞ᬫᬶᬯᬄᬭᬶᬂᬳᬕᬫᬚᬵᬢᬶ
ᬮᬶᬯᬢ᭄ᬧᬲᬚ᭞ᬧᬗᬸᬘᬧᬾ ᬫᬓᬲᬫᬶ᭟ᬨᬮᬫᭂᬮᬄᬬᬦᬸᬳᬸᬢ᭄ᬳᬸᬚᬃᬉᬢ᭄ᬢᬫ᭞ᬬᬦᬶᬂᬳᭂᬦ᭄ᬢᭀᬓᬢᬶᬤᭀᬗᬶᬦ᭄᭞ᬳᬸᬘᬧ᭄ᬳ᭄ᬬᬂᬳᬕᬫ᭞ᬫᬶᬯᬄᬳᬶᬤᬲᬂᬧᬡ᭄ᬥᬶᬢ᭞ᬓᬧᬶᬦᭂᬳᬂᬮᬶ
Kaca:Bali-lontar-gaguritan-paparikan-sarasamuscaya-300ppi.pdf/27
Kaca puniki sampun kauji-wacén
