[᭒᭘ 28B]
᭒᭘
ᬳᬚᬦᬶᬳᬦ᭄᭞ᬲ᭄ᬯᬃᬕ᭄ᬕᬳᭀᬓᬲ᭄ᬢᬦ᭄ᬧᬶᬦᭂᬳᬶᬦ᭄᭞ᬢᬦ᭄ᬓᬭᬸᬗᬸᬯᬂ᭞ᬳᬮᬳᬬᬸᬦᬾ ᬓᬯᬶᬗ᭄ᬓᬶᬂ᭟ᬢ᭄ᬯᬄᬤᬤ᭄ᬯᬓ᭄ᬭᬡᬓᬧᬸᬚᬶᬭᬶᬂᬚᬕᬢ᭄᭞ᬦᬾ ᬦᬾ ᬫᬫᬸᬜᬶᬳᬧᬶᬦ᭄᭞ᬫ᭄ᬯᬄᬲᭀᬮᬄᬫᭂᬮᬄ᭞ᬳᭂ
ᬦ᭄ᬢᭀᬦᬾ ᬤᬤ᭄ᬯᬩ᭄ᬯᬢᬂ᭞ᬓᬃᬤ᭄ᬥᬶᬦᬶᬦ᭄ᬲᬳᬵᬧᬶᬓᬶᬦ᭄᭞ᬳᬧᬂᬓᬲᬶᬤ᭄ᬥᬵᬦ᭄᭞ᬫᬫᬗ᭄ᬕᬶᬄᬲᬬᬂᬓᬧᬸᬚᬶ᭟ᬦᬾ ᬭᬳᬬᬸᬜᬦ᭄ᬤᬂᬭᬯᭀᬲᬂᬲᬢᬢ᭞ᬳᭂᬤᬗᬸᬘᬧ᭄ᬤᭂᬫᭂᬦ᭄ᬧᬸᬚᬶ᭞ᬩᬲ᭄ᬮᬶᬬᬸᬢᬦ᭄ᬧᬕᬸᬡ᭞ᬯᬶᬭᬾᬄᬳᬶᬭ
ᬯᭀᬲ᭄ᬚᬫ᭄ᬩᬢ᭄᭞ᬫᬗ᭄ᬭᬡᬬᬂᬳᬶᬭᬶᬳᬢᬶ᭞ᬤᬤᬶᬢᬦ᭄ᬫᭂᬮᬄ᭞ᬧᬶᬓᭂᬦᭀᬄᬫᬸᬜᬶᬦᬾᬧᬮᬶᬂ᭟ᬫᬸᬜᬶᬫᭂᬮᬄᬲᬚᬭᬳᬬᬸᬓᬳᬸᬘᬧ᭄᭞ᬳᬗ᭄ᬕᬶᬂᬫᭂᬮᬳᬾ ᬳᬩᭂᬲᬶᬓ᭄᭞ᬳᬬᬸᬦᬾ ᬢᬦ᭄ᬓᬢᬄ᭞ᬫᬾᬦ᭄ᬤ
ᬳᬦ᭄ᬦᬾ ᬓᬵᬳᬲᬸᬓᬬᬂ᭞ᬓ᭄ᬭᬡᬲᭂᬗ᭄ᬓᬫᬲᬸᬯᬂᬫᬸᬜᬶ᭞ᬫᬸᬜᬶᬦ ᬳᬾᬫᭂᬮᬄ᭞ᬮᬶᬬᬸᬳᬦᬓ᭄ᬫᬗᭂᬤᬾᬓᬵᬳᬶᬦ᭄᭟ᬫᬸᬜᬶᬳᬮᬭᬶᬲᬓ᭄ᬱᬢᬂᬧᬦᬄᬫᬗᬦ᭄᭞ᬳᬲᬶᬂᬓᭂᬦᬲᬶᬦᬄᬓᬦᬶᬦ᭄᭞ᬲᬓᬶᬢ᭄ᬜᬓᬧ᭄ᬭᬡ
[᭒᭙ 29A]
ᬢᬦᬾᬂᬓᭂᬦᬢᬸᬭᬸᬫ᭄ᬯᬂᬧᬗᬦ᭄᭞ᬦᬳᬦᬂᬭᬳᬶᬦᬯᭂᬗᬶ᭞ᬢᭀᬂᬤᬤᬶᬳᭂᬗ᭄ᬲᬧ᭄᭞ᬤᬳᬄᬤᬸᬯᬸᬄᬫᬗ᭄ᬭᬱᬦᬶᬦ᭄᭟ᬓ᭄ᬭᬡᬳᬶᬤᬲᬂᬧᬸᬭᬸᬱᬓᬯᬶᬤᬕ᭄ᬥᬦ᭄᭞ᬢ᭄ᬯᬭᬗᬸᬘᬧ᭄ᬳᬮᬤᬺᬗ᭄ᬕᬶ᭞ᬫᬤᬲᬃᬦᬶᬃᬫ᭄ᬫᬮ᭞
ᬓᬬᬸᬦ᭄ᬳᭂᬦᬶᬂᬲᬢᬢ᭞ᬫᬫᬶᬬᭂᬃᬭᬯᭀᬲᬾ ᬧᭂᬮᬶᬄ᭞ᬳᬶᬩᬸᬤ᭄ᬥᬶᬲᬢ᭄ᬯ᭞ᬓ᭄ᬭᬡᬭᬚᬄᬢᬫᬄᬫᬢᬶ᭟ᬲᬓᬶᬢ᭄ᬧ᭄ᬭᬡᬢ᭄ᬯᬢᬸᬮᬂᬓᬲᬸᬲᬸᬧᬦ᭄᭞ᬤᬾᬦᬵᬳᬶᬂᬫᬜᬸᬲᬸᬧ᭄ᬭᬶᬂᬳᬢᬶ᭞ᬓ᭄ᬭᬡ
ᬫᬫᬸᬮᬶᬲᬄ᭞ᬳᬸᬬᬂᬧᬮᬶᬂᬤᬤᬶᬜᬧ᭄ᬜᬧ᭄᭞ᬓᬾᬯᭂᬄᬧᬘᬂᬫᬦᬫ᭄ᬩᬦᬶᬦ᭄᭞ᬓ᭄ᬭᬡᬜᬭᬢᬂ᭞ᬲᬂᬥᬃᬫ᭄ᬫᬶᬓᬵᬫᬫᬶᬢᭂᬢᬶᬦ᭄᭟ᬬᬦ᭄ᬳᬶᬳᬮᬲ᭄ᬳᬩᬲ᭄ᬓᬬᬸᬦ᭄ᬜᬦᬾᬳᭀᬜᬂ᭞ᬭᬶᬯᭂᬓᬲᬦ᭄ᬢᬸᬫ᭄ᬩᬸᬄᬩᬸ
ᬯᬶᬦ᭄᭞ᬦᬗ᭄ᬳᬶᬂᬬᬦ᭄ᬳᬶᬫᬦᬄ᭞ᬓᬢᬶᬩᬦᬦ᭄ᬳᬸᬚᬃᬳᬮ᭞ᬓᬾᬯᭂᬄᬧᬶᬲᬦ᭄ᬧᬘᬂᬫᭂᬦ᭄ᬢᬶᬓ᭄᭞ᬢᬦ᭄ᬳᬸᬭᬸᬂᬭᬸᬲᬓ᭄ᬮ᭄᭞ᬳᬸᬚᬃᬳᬮᬗ᭄ᬭᬸᬲᬓ᭄ᬩᬸᬤ᭄ᬥᬶ᭟ᬲᬂᬧᭂᬝᬵᬓᬦᬾ ᬤᬾᬯᬾᬓ᭄ᬜᬦᬾ ᬓᬸᬭᬂᬫᭂᬮᬄ
Kaca:Bali-lontar-gaguritan-paparikan-sarasamuscaya-300ppi.pdf/29
Kaca puniki sampun kauji-wacén
