[᭒ 2B]
᭒
ᬦ᭄ᬲᭀᬮᬄᬳᬬᬸ᭞ᬓᬾᬢᭀᬧᬵᬢᬹᬢ᭄ᬳᬶᬫᬦᬸᬰ᭞ᬬᬦ᭄ᬲᬚᬧᬘᬗᬃᬤᬶᬦᬶᬦ᭄᭞ᬦᬾᬦᬾ ᬳᬬᬸ᭞ᬳᭂᬦ᭄ᬢᭀᬩᬸᬢᬶᬢᬶᬂᬢᭂᬓᭂᬓᬂ᭟ᬩ᭄ᬯᬶᬦ᭄ᬳᬤᬳᬶᬫᬦᬸᬰ᭞ᬢ᭄ᬯᬭᬫᬗᬃᬤ᭄ᬥᬶᬦᬶᬦ᭄ᬩᭂᬘᬶᬓ᭄᭞ᬳᭂᬦ᭄ᬢᭀ
ᬚᬦ᭄ᬫᬚᬦ᭄ᬫᬤᬤᬶᬢᬫ᭄ᬩ᭞ᬢᬫ᭄ᬩᬵᬦ᭄ᬓᬯᬳᬾ ᬓᬯᬶᬗ᭄ᬓᬶᬂ᭞ᬓ᭄ᬭᬡᬮᬭᬦᬾ ᬓᬧᬗ᭄ᬕᬶᬄ᭞ᬭᬶᬓᬮᬫᬢᬶᬓᬢ᭄ᬧᬸᬓ᭄᭞ᬧᬶᬢ᭄ᬯᬶᬫᬜ᭄ᬚᬦ᭄ᬫᬫ᭄ᬯᬄ᭞ᬲᬢᬢᬫᬩᭂᬓᭂᬮ᭄ᬲᬓᬶᬢ᭄᭞ᬳᬲᬶᬂᬮᬓᬸ᭞ᬢ᭄ᬯᬭᬫᬦ᭄ᬧᬸᬓᬶᬦ᭄ᬲᬸ
ᬓ᭟ᬚᬢᬶᬧᬶᬓᬦ᭄ᬢᭂᬦᬦ᭄ᬤᬾᬯ᭞ᬫᬸᬂᬧᬸᬂᬳᬶᬤᬸᬧ᭄ᬩᬸᬓᬚᬦᬶ᭞ᬲᬥ᭄ᬬᬫᭂᬡ᭄ᬝᬶᬓᬫᬦᬸᬰ᭞ᬧᬶᬢ᭄ᬯᬶᬓᬾᬯᭂᬄᬚᬮᬦᬶᬦ᭄᭞ᬯᬶᬭᬾᬄᬫᬃᬕ᭄ᬕᬤᬳᬢ᭄ᬲ᭄ᬭᬶᬧᬶᬢ᭄᭞ᬦᬾᬗᬸᬗ᭄ᬲᬶᬓᬲ᭄ᬯᬃᬕ᭄ᬕᬦᬕᬸᬂ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫ
ᬢᬗᬭᬦ᭄᭞ᬫᬗ᭄ᬤᬾᬦᬾ ᬢᬦ᭄ᬳᬸᬮᬸᬂᬫᬮᬶᬄ᭞ᬳᬸᬮᬶᬂᬤᬶᬢᬸ᭞ᬤᬶᬓᬯᬳᬾ ᬫᬍᬩᬼᬩᬦ᭄᭟ᬧᬵᬢᬹᬢᬾᬤᬤᬶᬫᬦᬸᬰ᭞ᬳᬮᬳᬬᬸᬓᬓᬃᬤ᭄ᬥᬶᬦᬶᬦ᭄᭞ᬕᬯᬾ ᬳᬮᬳᬬᬸᬳᭂᬦ᭄ᬢᭀ᭞ᬧᬘᬂᬓᬤᬸᬤᬸ
[᭓ 3A]
ᬓᬯᬶᬗ᭄ᬓᬶᬂ᭞ᬬᬦ᭄ᬓᬮᬳ᭄ᬦᬲᬸᬩᬫᬢᬶ᭞ᬤᬶᬢᬸᬚᬢᬶᬧᬘᬂᬧᬸᬧᬸ᭞ᬳᭂᬦ᭄ᬢᭀᬫᬤᬦ᭄ᬨᬮᬓᬃᬫ᭄ᬫ᭞ᬧᬕᬯᬾᬦᬾ ᬦᬾᬦᬾ ᬗᬸᬦᬶ᭞ᬲᬶᬦᬄᬢᭂᬧᬸᬓ᭄᭞ᬢ᭄ᬯᬭᬩᬶᬱᬧᬘᬂᬩᭂᬮᬲ᭄᭟ᬬᬦ᭄ᬢᬸᬢᬸᬕ᭄ᬲᭂᬗ᭄ᬓᭂᬭᬾᬤᬾᬯ᭞ᬤᬶᬦᬶ
ᬲ᭄ᬓᬮᬫᬫᬸᬧᭀᬦᬶᬦ᭄᭞ᬓᬢᬸᬤᬸᬄᬫᬮᬶᬄᬫᬜ᭄ᬚᬦ᭄ᬫ᭞ᬳᬶᬯᬱᬡᬦᬸᬢᬸᬕ᭄ᬫᬮᬶᬄ᭞ᬳᬶᬨᬮᬓᬃᬫ᭄ᬫᬢᬦ᭄ᬫᬭᬶ᭞ᬳ᭄ᬦᬸᬫᬦᭂᬓᭂᬢ᭄ᬫᬗ᭄ᬮᬶᬧᬸᬢ᭄᭞ᬯᬱᬡᬦᬾ ᬩ᭄ᬯᬶᬦ᭄ᬢᬸᬢᬸᬭᬂ᭞ᬳᭂᬦ᭄ᬢᭀᬩᬩᬓ᭄ᬢᬬᬦ᭄ᬧᬲ᭄ᬢᬶ᭞ᬲᬓ᭄
ᬱᬢ᭄ᬢᬭᬸ᭞ᬳᬮᬳᬬᬸᬫᬩᬋᬗᬦ᭄᭟ᬧᬶᬢ᭄ᬯᬶᬦᬾ ᬧᬥᬩᬯᬓ᭄᭞ᬲ᭄ᬯᬃᬕ᭄ᬕᬓᬦ᭄ᬭᬓᬦᬾ ᬢᬫ᭄ᬧᬶ᭞ᬫᬢᬶᬳᬶᬤᬸᬧ᭄ᬫᬲᬶᬄᬩᬯᬓ᭄᭞ᬬᬦ᭄ᬲᬸᬩᬧᬥᬓᬃᬤ᭄ᬥᬶᬦᬶᬦ᭄᭞ᬧᬕᬯᬾᬦᬾ ᬢ᭄ᬯᬄᬰᬓ᭄ᬢᬶ᭞ᬲ
ᬳ᭄ᬦᬸᬦ᭄ᬳᬯᬓᬾ ᬳᬶᬤᬸᬧ᭄᭞ᬬᬦᬶᬂᬤᬶᬢᬸᬤᬶᬦᬶᬲ᭄ᬓᬮ᭞ᬢ᭄ᬯᬭᬩᬶᬱᬫᬧᬓᬃᬤᬶ᭞ᬓ᭄ᬭᬡᬚᬸᬚᬸᬭ᭄᭞ᬤᬶᬳᬶᬤᬸᬧᬾ ᬫᬮᬓ᭄ᬱᬡ᭟ᬢᬶᬗ᭄ᬓᬳᬾ ᬫᬦᬤᬶᬚᬦ᭄ᬫᬵ᭞ᬲᬗ᭄ᬳ᭄ᬬᬂᬳᬸᬭᬶᬧ᭄ᬮ᭄ᬯᬶᬃᬢᬝᬶᬢ᭄᭞ᬧᬶᬓᬦ᭄ᬢᭂ
Kaca:Bali-lontar-gaguritan-paparikan-sarasamuscaya-300ppi.pdf/3
Kaca puniki sampun kauji-wacén
