[᭒᭙ 29B]
᭒᭙
ᬫᬶᬯᬄᬳᬦᬓ᭄ᬢᬦ᭄ᬧᬳᬚᬶ᭞ᬩᭂᬮᭀᬕ᭄ᬜᬦᬾ ᬮᬶᬯᬢ᭄᭞ᬳᬦᬓ᭄ᬕᭂᬢᬧ᭄ᬫᬶᬯᬄᬢᬶᬯᬲ᭄᭞ᬳᭂᬦ᭄ᬢᭀᬳᭂᬤᬫᬫᬶᬜ᭄ᬚᬸᬮᬶᬦ᭄᭞ᬬᬦᬶᬂᬳᬸᬘᬧᬂ᭞ᬯᬓ᭄ᬧᬭᬸᬲ᭄ᬬᬓᬳᬤᬦᬶᬦ᭄᭟ᬲᬂᬧᬡ᭄ᬥᬶᬢᬲᬂ
ᬫᬫᬕᭂᬳᬂᬩ᭄ᬭᬢᬲᬢ᭄ᬬ᭞ᬢ᭄ᬯᬭᬫᬢ᭄ᬩᬢ᭄ᬗᬮᬾᬫᬾᬓᬶᬦ᭄᭞ᬢ᭄ᬯᬭᬫᬫᬶᬲᬸᬦᬵ᭞ᬢ᭄ᬯᬭᬓᬬᬸᬦ᭄ᬫᬜᬘᬤ᭄ᬗᬸᬧᭂᬢ᭄ᬫᬲᬶᬄᬓᬢᬸᬦᬳᬶᬦ᭄᭞ᬫᬫᬶᬢᭂᬢ᭄ᬳᬸᬚᬃ᭞ᬳᬮᬦ᭄ᬳᬦᬓᬾ ᬓᬳᬩᬶᬄ᭞
ᬬᬦᬶᬂᬳᬤᬳᬦᬓ᭄ᬫᬫᬸᬚᬶᬤᬶᬳᬋᬧᬦ᭄᭞ᬫᬗᬸᬧᭂᬢ᭄ᬬᬦ᭄ᬤᬶᬤᬸᬭᬶ᭞ᬯ᭄ᬯᬂᬘ᭄ᬭᭀᬮ᭄ᬓᬳᬸᬘᬧᬂ᭞ᬳᬤᭀᬄᬫ᭄ᬩᬳᬦ᭄ᬓᬭᬳᬬ᭄ᬯᬦ᭄᭞ᬬᬤᬶᬦ᭄ᬳᬶᬤᬸᬧ᭄ᬢᭂᬓᬾᬂᬫᬢᬶ᭞ᬳᭂᬤᬫᬦᬸᬭᬄ᭞ᬲᭀᬮᬄᬘᭂᬭᭀᬮᬾ
ᬓᭂᬮᬶᬤᬶᬦ᭄᭟ᬳᭂᬦ᭄ᬢᭀᬓ᭄ᬭᬡᬳᭂᬤ᭄ᬳᬧᬶᬲᬦ᭄ᬗᬸᬧᭂᬢ᭄ᬳᬦᬓ᭄᭞ᬬᬦᬶᬂᬳᬤᬗᬸᬘᬧ᭄ᬤᬓᬶ᭞ᬫᬜᬘᬤᬶᬦ᭄ᬢᬶᬫ᭄ᬧᬮ᭄᭞ᬳᭂᬦ᭄ᬢᭀᬳᭂᬤᬫᬦᬶᬗᭂᬳᬂ᭞ᬢᭂᬓᭂᬧᬶᬦ᭄ᬳᬸᬕᬶᬳᬶᬓᬸᬧᬶᬂ᭞ᬧᬶᬲᬦ᭄ᬫᬢᬶᬗ᭄ᬕᬮ᭄᭞ᬳᭂᬦ᭄ᬢᭀ
[᭓᭐ 30A]
ᬜᬦ᭄ᬤᬂᬳᭂᬚᭀᬳᬶᬦ᭄᭟ᬳᬶᬦᬱ᭄ᬝᬶᬓᬫᬮᬶᬄᬢᬓᬸᬢ᭄ᬭᬶᬂᬯ᭄ᬯᬂᬩᭀᬩᬤ᭄᭞ᬳᬕᬸᬂᬓ᭄ᬭᭀᬥᬓᬢᬓᬸᬢᬶᬦ᭄᭞ᬬᬦ᭄ᬳᭂᬦ᭄ᬢᭀᬳᬸᬧᬫ᭞ᬲᬵᬓ᭄ᬱᬢ᭄ᬮᬮᬶᬧᬶᬯᬶᬱ᭄ᬬ᭞ᬲᬂᬥᬃᬫ᭄ᬫᬤᬳᬢ᭄ᬳᬚᭂᬭᬶᬄ᭞ᬭᬶᬂᬳᬶ
ᬦᬱ᭄ᬝᬶᬓ᭞ᬫ᭄ᬯᬄᬭᬶᬂᬲᬂᬲᬂᬩᬤᭀᬳᭀᬲ᭄ᬚᬢᬶ᭟ᬢ᭄ᬯᬭᬳᬤᭀᬄᬫᬺᬢᬯᬶᬱ᭄ᬬᬦᬾ ᬭᬶᬂᬭᬕ᭞ᬬᬦᬶᬂᬧᬸᬗ᭄ᬕᬸᬂᬭᬶᬂᬲᬂᬍᬯᬶᬄ᭞ᬚᭂᬦᭂᬓ᭄ᬭᬶᬂᬢᬦ᭄ᬥᬃᬫ᭄ᬫ᭞ᬳᭂᬦ᭄ᬢᭀᬦᬾ ᬫᬳᬤᬦ᭄ᬯᬶᬱ᭄ᬬ᭞ᬬᬦ᭄ᬧᬕᭂᬄᬭᬶᬂᬲᬢ᭄ᬬᬚᬵᬢᬶ
ᬧᬕᭂᬄᬭᬶᬂᬥᬃᬫ᭄ᬫ᭞ᬳᭂᬦ᭄ᬢᭀᬫᬺᬢᬲᬸᬩᬤᬫ᭄ᬧᬶᬂ᭟ᬓᬾᬦᬾ ᬚᬢᬶᬗᬕᭂᬫ᭄ᬉᬢ᭄ᬢᬫᬦ᭄ᬓᬲᬢ᭄ᬬᬦ᭄᭞ᬤᬦᬵᬩ᭄ᬭᬢᬲᬚᬮ᭄ᬯᬶᬄ᭞ᬜᬶᬤ᭄ᬥᬬᬂᬫᬗᭂᬦ᭄ᬢᬲ᭄᭞ᬦᬗ᭄ᬳᬶᬂᬳᭂᬦᬸᬓᬓᬲᭀᬭᬂ᭞ᬭᬶᬂᬳᬶᬲᬢ᭄ᬬ
ᬍᬯᬶᬄᬚᬵᬢᬶ᭞ᬚᬵᬢᬶᬧᬗᭂᬦ᭄ᬢᬲ᭄᭞ᬢᬦ᭄ᬜᬦ᭄ᬤᬂᬳᬶᬦᬸᬘᬧ᭄ᬫᬮᬶᬄ᭟ᬬᬦ᭄ᬫᬦᬸᬱᬲᬂᬩ᭄ᬭᬳ᭄ᬫᬡᬫᬉᬢ᭄ᬢᬫ᭞ᬬᬦ᭄ᬭᬶᬂᬭᬕᬳᬸᬘᬧ᭄ᬫᬮᬶᬄ᭞ᬲᬶᬭᬳᬾ ᬉᬢ᭄ᬢᬫ᭞ᬬᬦ᭄ᬭᬶᬂᬥᬃᬫ᭄ᬫᬦᬶᬂᬓᬥᬃᬫᬦ᭄᭞ᬳᬶᬲ
Kaca:Bali-lontar-gaguritan-paparikan-sarasamuscaya-300ppi.pdf/30
Kaca puniki sampun kauji-wacén
