[᭓᭐ 30B]
᭓᭐
ᬳ᭄ᬬᬢ᭄ᬯᬄᬧᬶᬦᬶᬄᬍᬯᬶᬄ᭞ᬢᭀᬂᬳᬤᬫᬥ᭞ᬲᬢ᭄ᬬᬦᬾ ᬢ᭄ᬯᬄᬜᬦ᭄ᬤᬂᬳᬮᬶᬄ᭟ᬳᬤᬚᬦ᭄ᬫᬧ᭄ᬭᬓᬧᬓ᭄ᬫᬳᬸᬚᬃᬳᬸᬚᬃ᭞ᬫᬗ᭄ᬕᬯᬾᬦᬶᬦ᭄ᬲᬓᬶᬢ᭄ᬕᬸᬫᬶ᭞ᬢᬸᬭᬶᬂᬫᬓᬸᬲᬵᬭ᭞ᬫᬗᬓᬸᬫᬜᬶᬤ᭄ᬥᬬᬂ᭞
ᬗᬃᬬ᭄ᬬᬦᬶᬦ᭄ᬓᬃᬬ᭄ᬬᬦ᭄ᬳᬶᬕᬸᬫᬶ᭞ᬫᬯᭂᬢᬸᬫᬶᬢ᭄ᬬ᭞ᬫᬸᬜᬶᬦᬾᬢ᭄ᬯᬭᬫᬳᬶᬲᬶ᭟ᬚᬦ᭄ᬫᬩᭀᬩᬤ᭄ᬢᬦᬸᬭᬸᬂᬫᬗ᭄ᬕᬶᬄᬦᬭᬓ᭞ᬤᬾᬯᬾᬓ᭄ᬜᬦᬾ ᬓᬓᬃᬤ᭄ᬥᬶᬦᬶᬦ᭄᭞ᬫᬗ᭄ᬤᬾᬦᬾ ᬓᬓᬯᬄ᭞ᬳᬮᬦ᭄ᬕᬸᬫᬶᬦᬾᬫᬓ
ᬚᬂ᭞ᬢᬦ᭄ᬯᬗ᭄ᬤᬾᬧᬘᬂᬓᬪᬸᬓ᭄ᬢᬶ᭞ᬢᬗᬭᬶᬦ᭄ᬧᬶᬲᬦ᭄᭞ᬳᬸᬘᬧ᭄ᬩᭀᬕ᭄ᬩᭀᬕᬾᬳᬶᬫ᭄ᬧᬲᬶᬦ᭄᭟ᬫᬸᬜᬶᬲᬢ᭄ᬬᬳᭂᬦ᭄ᬢᭀᬦᬾᬜᬦ᭄ᬤᬂᬧᭂᬲᬸᬯᬂ᭞ᬳᭂᬤᬫᬗᬸᬘᬧ᭄ᬫᬢᬶ᭞ᬳᭂᬤᬗᬸᬧᭂᬢ᭄ᬜᬘᬤ᭄᭞ᬦᬾᬭᬳ
ᬬᬸᬳᬸᬕᬶᬧ᭄ᬭᬶᬳᬂ᭞ᬳᭂᬤᬗᬸᬘᬧ᭄ᬢᬦ᭄ᬧᬰ᭄ᬭᬸᬢ᭄ᬢᬶ᭞ᬳᭂᬤᬦᬺᬱ᭄ᬳᬗ᭄ᬰ᭞ᬳᭂᬤᬧᬢᬶᬓ᭄ᬭᭀᬥᬓ᭄ᬭᭀᬥᬳᬶᬦ᭄᭞ᬳᭂᬤᬧᬶᬲᬦ᭄ᬫᬶᬰᬸᬡᬫᬗᬤᬸᬳᬤ᭄ᬳ᭞ᬫᬗ᭄ᬭᬡᬬᬂᬳᬦᬓ᭄ᬧᬮᬶᬂ᭞ᬗ᭄ᬕᬯᬾ ᬭᬸᬲᬓ᭄ᬚᬕᬢ᭄᭞
[᭓᭑ 31A]
ᬳᬫᭀᬦ᭄ᬢᭀᬳᬶᬗᭂᬢᬂᬧᬶᬲᬦ᭄᭞ᬫᬸᬜᬶᬦᬾ ᬜᬦ᭄ᬤᬂᬧᬶᬢᭂᬢᬶᬢ᭄᭞ᬳᭂᬤᬗᬸᬘᬧᬂ᭞ᬭᬶᬂᬳᬶᬤᬤᬦᬾᬳᬶᬧᬸᬦ᭄ᬲᬫᬶ᭟ᬦᬄᬓᬓᬾᬦᬾ ᬧᬫᬃᬕ᭄ᬕᬦ᭄ᬳᬶᬤᬲᬂᬲᬢ᭄ᬬ᭞ᬫᬢᬓᬾᬦ᭄ᬮᬯᬸᬢ᭄ᬦᬸᬢᬸᬭᬶᬦ᭄᭞ᬗᬸᬤ᭄ᬬᬂᬫᬕᭂᬚᭂᬕ
ᬦ᭄᭞ᬳᬚᬓ᭄ᬮᬶᬬᬸᬫᬯᬶᬭᬣ᭞ᬦᬄᬦᬶᬃᬳᬫᬢᬓᭀᬜ᭄ᬚᬦᬶ᭞ᬓᭂᬦᬦᬢᬲᬂ᭞ᬲᬳᬸᬢᬶᬜ᭄ᬚᬩᭂᬲᬶᬓ᭄ᬩᭂᬲᬶᬓ᭄᭟ᬘᬳᬶᬦᬯᬂᬰ᭄ᬰ᭄ᬢ᭄ᬭᬦᬾ ᬫᬳᬤᬦ᭄ᬳᬸᬢ᭄ᬢᬫ᭞ᬳᭂᬗ᭄ᬓᬾᬦ᭄ᬳᭂᬰᬲ᭄ᬜᬦᬾ ᬚᬵᬢᬶ᭞ᬧᬲᬯᬸᬭᬾᬫᬗᬯᬕ᭄᭞
ᬲᬧᬲᬶᬭᬳᬸᬦᬶᬂᬭᬶᬂᬰᬲ᭄᭞ᬳᬶᬦ᭄ᬤᬬᬂᬦ᭄ᬤᬓᬬᬂᬫᬗ᭄ᬓᬶᬦ᭄᭞ᬲᬂᬲᬢ᭄ᬬᬗᬸᬘᬧ᭄᭞ᬭᬭᬶᬲ᭄ᬗᬸᬭᬸᬓ᭄ᬫᬦᬸᬢᬸᬭᬶᬦ᭄᭞ᬚᬢᬶᬦ᭄ᬜᬦᬾ ᬲᬢ᭄ᬬᬳᬤ᭄ᬯᬦᬾ ᬢᭂᬕᭂᬲᬂ᭞ᬩᭀᬕ᭄ᬩᭀᬕ᭄ᬢᬦ᭄ᬮᬶᬜᭀᬓ᭄ᬓᬤᬦᬶᬦ᭄᭞ᬢᬸ
ᬳᬸᬦᬾᬢᬦ᭄ᬲᬢ᭄ᬬ᭞ᬬᬦ᭄ᬲᬸᬩᬫᬨᬮᬫᭂᬮᬄ᭞ᬳᭂᬦ᭄ᬢᭀᬫᬤᬦ᭄ᬲᬢ᭄ᬬᬚᬵᬢᬶ᭞ᬫᬸᬜᬶᬮᬶᬜᭀᬓᬦ᭄᭞ᬨᬮᬫᭂᬮᬳᬾᬧᬢᬶᬢᬶᬲ᭄᭟ᬦᬄᬩᬸᬯᬢᬂᬦᬾ ᬫᬳᬤᬦ᭄ᬳᬶᬩᬸᬣᬳᬶᬓᬵ᭞ᬩᭀᬕ᭄ᬩᭀᬕᬾ
Kaca:Bali-lontar-gaguritan-paparikan-sarasamuscaya-300ppi.pdf/31
Kaca puniki sampun kauji-wacén
