[᭓᭑ 31B]
᭓᭑
ᬫᬓ᭄ᬭᬡᬦ᭄ᬩᭂᬘᬶᬓ᭄᭞ᬳᭂᬤᬢ᭄ᬯᬭᬢᬺᬱ᭄ᬦᬢᭂᬓᬾᬦᬵᬧ᭄ᬭᬡᬶᬲᬃᬯ᭄ᬯᬪᬯ᭞ᬤᬾᬦᬵᬳᬶᬂᬚᬶᬯᬳᬢ᭄ᬫᬵᬍᬯᬶᬄ᭞ᬫᬓ᭄ᬭᬡᬫᭂᬮᬄ᭞ᬳᬶᬚᬶᬯᬢ᭄ᬯᬄᬦᬲᬭᬶᬦ᭄᭟ᬢ᭄ᬯᬄᬳᬶᬚᬶᬯᬫᬫᬕᭂᬳᬂᬳᬶᬘᬢᬹᬃ
ᬯᬃᬕ᭄ᬕ᭞ᬥᬃᬫ᭄ᬫᬳᬃᬣᬓᬫᬵᬫᬮᬶᬄ᭞ᬫᭀᬓ᭄ᬱᬫᬉᬢ᭄ᬢᬫᬵ᭞ᬬᬦ᭄ᬲᬂᬫᬗᬶᬮᬗᬂᬚᬶᬯ᭞ᬲᬶᬦᬄᬳᬶᬮᬂᬫᬓᬲᬫᬶ᭞ᬳᬶᬩᬸᬝᬵᬳᬶᬢᬵ᭞ᬢᭀᬜᬦ᭄ᬤᬂᬧᬕᭂᬳᬂᬕᬶᬲᬶ᭟ᬬᬦ᭄ᬢᬺᬱ᭄ᬦᬳᬶᬤᬾᬯᬾᬓ᭄ᬢᭂ
ᬓᬾᬦᬶᬂᬚᬶᬯ᭞ᬳᭂᬤᬫᬗᬶᬮᬗᬂᬳᬸᬭᬶᬧ᭄᭞ᬳᬸᬭᬶᬧ᭄ᬳᬦᬓ᭄ᬮᬾᬦᬦ᭄᭞ᬳᬧᬗᬾᬮᬄᬅᬭᬶᬫ᭄ᬪᬯᬵ᭞ᬬᬦ᭄ᬳᬯᬓᬾ ᬲᬸᬓᬦᬫ᭄ᬧᬶ᭞ᬳᭂᬦ᭄ᬢᭀᬢᬶᬯᬓᬂ᭞ᬭᬶᬂᬲᬃᬯ᭄ᬯᬦᬶᬂᬫᬳᬸᬭᬶᬧ᭄᭟ᬦᬾ ᬳᬶᬳ
ᬯᬓ᭄ᬦᬾ ᬫᬵᬤᬦ᭄ᬳᬗ᭄ᬕᬰᬭᬶᬭ᭞ᬢ᭄ᬯᬭᬧᬕᭂᬄᬳᭂᬦᬸᬤᬶᬦᬶ᭞ᬢᬦ᭄ᬮᬦᬳᬶᬦᬸᬘᬧ᭄᭞ᬬᬦ᭄ᬓᬵᬮᬫᬢᬶᬦᬾ ᬢᭂᬓ᭞ᬩᬗ᭄ᬓᬾᬦᬾ ᬫᬓᬸᬢᬂᬤᬶᬦᬶ᭞ᬳᭂᬡ᭄ᬥᬲᬾ ᬧᬸᬦᬄ᭞ᬢᬦᬸᬭᬸᬂᬓᭂᬘᭀᬲᬶᬜ᭄ᬘᬶᬘᬶᬂ᭟
[᭓᭒ 32A]
sᬳᬭᬶᬭᬢᭀᬗᭀᬲ᭄ᬋᬕᭂᬤᬾᬫᬓᭂᬚᬂ᭞ᬩᬶᬮᬶᬄᬳᬸᬍᬤ᭄ᬫᬦᬤᬶ᭞ᬫᬦᬤᬶᬧᬸᬭᬶᬱ᭞ᬤᬤᬶᬳᬯᬸᬤᬤᬶᬢᬦᬄ᭞ᬦᬾᬓᬾᬢᭀᬩᬓᬢ᭄ᬳᬸᬩᬸᬳᬶᬦ᭄᭞ᬓᭂᬫᬶᬢ᭄ᬧᬶᬗᬶᬢᬂ᭞ᬲᬗ᭄ᬳ᭄ᬬᬂᬅᬢ᭄ᬫᬩᬓᬢ᭄ᬤᭂᬧᬶᬦ᭄᭞
ᬓ᭄ᬭᬡᬚᬦᬶᬪᬸᬝᬵᬳᬶᬢᬦᬾ ᬚᬮᬦᬂ᭞ᬬᬦᬶᬂᬫᬮᬸᬗ᭄ᬕᬸᬄᬫᬢᬗᬶ᭞ᬧᬶᬢᬸᬯᬶᬫᬚᬮᬦ᭄᭞ᬬᬤᬶᬦ᭄ᬭᬶᬂᬧᬲᬭᬾᬬᬦ᭄᭞ᬢᬦ᭄ᬧᬕᬸᬡᬫᬓᬲᬫᬶ᭞ᬬᬦ᭄ᬢᬦ᭄ᬚᬮᬦᬂ᭞ᬓᬤᬶᬲᭀᬮᬄᬧᬰᬸᬚᬢᬶ᭟
ᬓᬤᬶᬓᬶᬤᬂᬗᭂᬮᬄᬧ᭄ᬬᬦᬓ᭄ᬢ᭄ᬯᬄᬲᬦᬸᬗ᭄ᬕᬮ᭄᭞ᬳᬶᬓᬸᬮᬸᬓ᭄ᬢᬸᬢᬸᬭᬂᬫᬮᬶᬄ᭞ᬫᬧ᭄ᬬᬦᬓ᭄ᬫᬾᬦ᭄ᬥᬳᬦ᭄᭞ᬓᬦ᭄ᬢᬶᬧᬶᬢᬸᬦᭂᬫ᭄ᬧᬢ᭄ᬧᬢ᭄᭞ᬳᬗ᭄ᬳᬶᬂᬢ᭄ᬯᬭᬳᬶᬤᬸᬧ᭄ᬲᬫᬶ᭞ᬯᬶᬭᬾᬄᬫᬗᬫᬄ᭞
ᬲᬃᬯ᭄ᬯᬳᬮᬓᬓᬃᬤ᭄ᬥᬶᬦᬶᬦ᭄᭟ᬬᬤᬶᬦ᭄ᬳᬤᬳᬶᬫᬦᬸᬱᬗ᭄ᬕᬯᬾᬫᭂᬮᬄ᭞ᬢ᭄ᬯᬭᬗᬫᬢᬶᬬᬂᬧ᭄ᬭᬡᬶ᭞ᬢᬦ᭄ᬲᬄᬫᬜᬬᬗᬂ᭞ᬢ᭄ᬯᬭᬦᭂᬕᬸᬮ᭄ᬗᬾᬦ᭄ᬤᬳᬂ᭞ᬳᭂᬦ᭄ᬢᭀᬲᬶ
Kaca:Bali-lontar-gaguritan-paparikan-sarasamuscaya-300ppi.pdf/32
Kaca puniki sampun kauji-wacén
