[᭓᭒ 32B]
᭓᭒
ᬦᬄᬲᬸᬓᬵᬧᬗ᭄ᬕᬶᬄᬳᬶᬩᬸᬤ᭄ᬥᬶᬲᬬᬂ᭞ᬲᬸᬓᬲᬬᬂᬫᬗ᭄ᬭᬯᬸᬳᬶᬦ᭄᭟ᬅᬤᬨᬮᬲᬂᬢᬦ᭄ᬫᬫᬢᬶᬭᬶᬂᬚᬕᬢ᭄᭞ᬳᬲᬶᬂᬩ᭄ᬯᬢᬂᬓᬧᬗ᭄ᬕᬶᬄ᭞ᬫ᭄ᬯᬄᬳᬲᬶᬂᬳᬸᬗ᭄ᬲᬶᬬᬂ᭞ᬳᬲᬶᬂᬓᬩ᭄ᬯᬢᬂᬭᬶᬂᬫᬦᬄ᭞
ᬲᬸᬮᬪᬧᬘᬂᬓᬧᬗ᭄ᬕᬶᬄ᭞ᬲᬫᬶᬓᬲᬶᬤ᭄ᬥᬦ᭄᭞ᬢ᭄ᬯᬭᬫᬢᬳᭂᬦᬦ᭄ᬲᬓᬶᬢ᭄᭟ᬓᬧᭂᬓᬶᬓᬦᬾ ᬦᬾ ᬲᬢ᭄ᬬᬢ᭄ᬯᬶᬓᬩ᭄ᬯᬢᬂ᭞ᬫᬗ᭄ᬤ᭄ᬳᬭᬳᬬᬸᬢᬦ᭄ᬲᬓᬶᬢ᭄᭞ᬫᬶᬯᬄᬤᬶᬃᬕ᭄ᬕᬬᬸᬱ᭞ᬓᬰᬹ
ᬭᬵᬦ᭄ᬫᬶᬯᬄᬓᬧ᭄ᬭᬚ᭄ᬜᬡᬦ᭄᭞ᬢᬸᬢᬸᬃᬮᬗ᭄ᬕᭂᬂᬫ᭄ᬯᬂᬓᬰᬓ᭄ᬢᬶᬦ᭄᭞ᬫᬕᭂᬳᬂᬩ᭄ᬭᬢ᭞ᬳᭂᬤᬗᬫᬢᬶᬫᬢᬶ᭟ᬢ᭄ᬯᬭᬤᬬᬢ᭄ᬯᬶᬕᭂᬢᬧᬾ ᬭᬶᬂᬚᬕᬢ᭄᭞ᬯᬶᬭᬾᬄᬓᬢ᭄ᬭᬶᬫᬬᬂᬲᬫᬶ᭞ᬭᬶᬂᬲᬃᬯ᭄ᬯᬫᬤᬯᬵ᭞
ᬯᬶᬭᬾᬄᬢᬺᬱ᭄ᬦᬦᬾ ᬮᬶᬯᬢ᭄᭞ᬳᬢ᭄ᬫᬦᬾ ᬮᬶᬬᬸᬗᬸᬓᬸᬳᬶᬦ᭄᭞ᬢ᭄ᬯᬭᬲᬂᬰᬬ᭞ᬳᬸᬮᬶᬂᬳᬶᬤᬸᬧ᭄ᬢᭂᬓᬾᬦᬵᬕ᭄ᬫᬢᬶ᭟ᬧᬸᬡ᭄ᬬᬪ᭄ᬭᬡᬲᬦᬾ ᬢᬦ᭄ᬓᭂᬦᬾᬂᬯᬶᬮᬶᬦᬶᬮᬂ᭞ᬳᬸᬭᬶᬧ᭄ᬧ᭄ᬭᬡᬶᬦᬾᬳᬲᬶᬓᬶᬳᭂᬦ᭄ᬢᭀᬗᬸᬘᬶ
[᭓᭓ 33A]
ᬯᬬᬂ᭞ᬬᬦ᭄ᬢᬶᬫ᭄ᬩᬂᬲᬶᬦᬮᬶᬄᬢᬸᬗ᭄ᬕᬶᬮ᭄᭞ᬳᬸᬭᬶᬧᬾᬍᬩᬶᬄᬫᬳᬚᬶ᭞ᬓ᭄ᬭᬡᬲᬬᬗᬂ᭞ᬳᬸᬭᬶᬧ᭄ᬜᬦᬾ ᬳᬶᬧ᭄ᬭᬡᬶ᭟ᬭᬶᬂᬢ᭄ᬭᬶᬮᭀᬓᬲᬗ᭄ᬳ᭄ᬬᬂᬉᬭᬶᬧ᭄ᬢ᭄ᬯᬄᬳᬸᬢ᭄ᬢᬫ᭞ᬢ᭄ᬯᬭᬳᬤᬫᬫᬥᬦᬶᬦ᭄᭞ᬫᬓ᭄ᬭᬡᬲᬗᬂ᭞
ᬳᬲᬶᬂᬫᬳᬸᬭᬶᬧ᭄ᬭᬶᬂᬚᬕᬢ᭄᭞ᬳᬧᬂᬧᬢᬸᬄᬜᬦ᭄ᬜᬬᬗᬶᬦ᭄᭞ᬢᭂᬓᬾᬦᬵᬳᬶᬳᬯᬓ᭄᭞ᬓᬾᬢᭀᬢᭂᬓᬾᬦᬵᬳᬶᬧ᭄ᬭᬡᬶ᭟ᬬᬦ᭄ᬓᬲᬶᬤ᭄ᬥᬦ᭄ᬢ᭄ᬯᬭᬫᬗ᭄ᬮᬶᬧᬸᬢ᭄ᬳᬶᬓ᭄ᬭᭀᬥ᭞ᬧᬕᭂᬄᬢᭂᬓᬾᬦᬵ ᬲᬢ᭄ᬬᬚᬢᬶ᭞ᬢ᭄ᬯᬭᬗ᭄ᬕ
ᬯᬾᬤᭂᬡ᭄ᬥ᭞ᬲᭀᬮᬄᬫᭂᬮᬄᬦᬶᬃᬫ᭄ᬫᬮ᭞ᬢᭀᬂᬢᬳᬾᬦ᭄ᬗᬫᬢᬶᬫᬢᬶ᭞ᬢ᭄ᬯᬄᬤᬶᬃᬕ᭄ᬖᬬᬸᬱ᭞ᬓᬧᬗ᭄ᬕᬸᬄᬯᭂᬓᬲ᭄ᬫ᭄ᬯᬄᬚᬦᬶ᭟ᬲᬗ᭄ᬓᬦ᭄ᬳᬤᬳᬦᬓ᭄ᬳᬮᬓᬲᬂᬰᬭᬦ᭄᭞ᬢ᭄ᬯᬭᬧᭂᬕᬢ᭄ᬧᭂᬕᬢ᭄ᬲᬓᬶᬢ᭄
ᬲᭀᬮᬄᬥᬹᬭᬘᬭ᭞ᬳᬮ᭄ᬧᬬᬸᬱᬢᬦ᭄ᬧᬪᬵᬯ᭞ᬲᬓᬶᬂᬧᬓᬃᬤ᭄ᬥᬶᬦᬾ ᬗᬹᬦᬶ᭞ᬲᬃᬯ᭄ᬯᬫᬳᬮ᭞ᬫᬗ᭄ᬭᬸᬲᬓ᭄ᬗᬫᬢᬶᬫᬢᬶ᭟ᬢᬦ᭄ᬲᬂᬰᬬᬬᬦ᭄ᬲᬚᬫᬩᭂᬓᭂᬮ᭄ᬥᬃᬫ᭄ᬫ᭞ᬢ᭄ᬯᬭᬧᬢᬶᬚᬸᬯᬂᬚᬸᬯᬗᬶᬦ᭄᭞
Kaca:Bali-lontar-gaguritan-paparikan-sarasamuscaya-300ppi.pdf/33
Kaca puniki sampun kauji-wacén
