[ ᭓᭓ 33B]
᭓᭓
ᬢᭂᬓᬾᬦ᭄ᬕᭂᬮᬄᬳᬦᬓ᭄᭞ᬓᬶᬚᬮᬸᬯᬲᬶᬦᬄᬲᬸᬓᬵ᭞ᬢ᭄ᬯᬭᬳᬤᬓᬢᬓᬸᬢᬶᬦ᭄᭞ᬦᭀᬭᬲᬂᬰᬬ᭞ᬤᬾᬦᬶᬂᬳᬶᬧᬵᬢᬹᬢ᭄ᬫᬗᬶᬲᬶ᭟ᬬᬾᬦᬶᬂᬲᬲᬃᬳᬶᬥᭂᬧ᭄ᬘᭀᬭᬄᬧᬫᬮᬶᬗᬦ᭄᭞ᬲᬶᬦᬄᬲᬂᬰ
ᬬᬤᬶᬳᬢᬶ᭞ᬓᬾᬯᭂᬄᬳᬲᬶᬂᬧᬭᬦ᭄᭞ᬳᬸᬧᬫᬳᬶᬩᬸᬭᭀᬦ᭄ᬳᬮᬲ᭄᭞ᬫᬜ᭄ᬚᬗᬦ᭄ᬲᭂᬗ᭄ᬕᬄᬪᬯᬶ᭞ᬫᬜ᭄ᬚᬶᬗᬶᬂᬓᬸᬝᬵ᭞ᬲᬶᬦᬄᬲᬂᬰᬬᬧᬮᬶᬂ᭟ᬢ᭄ᬯᬄᬢᬢᭂᬮᬸᬳᬶᬫᬵᬲ᭄ᬫᬡᬶᬓ᭄᭞ᬢ᭄ᬯᬄᬳᬸᬢ᭄ᬢᬫ᭞ᬦᬾ
ᬢ᭄ᬯᬭᬗᬫᬢᬶᬫᬢᬶ᭞ᬲᬶᬢᬦ᭄ᬤ᭄ᬭᭀᬳᬶᬫᬦᬄ᭞ᬫᬶᬯᬄᬫᬸᬚᬭᬂᬓᬲᬢ᭄ᬬᬦ᭄᭞ᬳᭂᬦ᭄ᬢᭀᬓᬲᬸᬕᬶᬳᬦ᭄ᬍᬯᬶᬄᬮᬶᬂᬲᬂᬧᬡ᭄ᬥᬶᬢ᭞ᬲᬂᬲᬶᬤ᭄ᬥᬵᬧᬸᬭᬸᬱᬚᬢᬶ᭟ᬬᬦ᭄ᬜᬶᬤ᭄ᬥᬬᬂᬫᬦᬸᬮᬸᬂᬳᬶᬓᬤᬂᬫᬶᬢ᭄ᬭ᭞ᬭᬶᬓᬵ
ᬮᬮᬭᬧ᭄ᬭᬶᬬᬢᬶ᭞ᬫᬗᬶᬤᬶᬄᬢᬸᬮᬸᬗᬦ᭄᭞ᬬᬳᭂᬦ᭄ᬢᭀᬫᬳᬤᬦ᭄ᬓᬺᬧ᭞ᬳᬸᬢ᭄ᬢᬫᬓᭀᬘᬧᬶᬂᬳᬚᬶ᭞ᬳᬶᬲᭀᬮᬄᬓᬺᬧ᭞ᬳᭂᬦ᭄ᬢᭀᬜᬦ᭄ᬤᬂᬧᬶᬢᬶᬦ᭄ᬤᬶᬳᬶᬦ᭄᭟ᬦᬾ ᬫᬳᬤᬦ᭄ᬰᬸᬃᬳᬤᬶᬭᬫ᭄ᬯᬄᬧᬸᬭᬸ
[᭓᭔ 34A]
ᬱ᭞ᬲᬃᬯ᭄ᬯᬤᬬᬦᬾ ᬫᬫᬃᬕ᭄ᬕᬶ᭞ᬢᬸᬃᬲᬸᬩᬗᭂᬜ᭄ᬘᬦᬂ᭞ᬘᬢᬸᬃᬦᬬᬳᬸᬧᬬ᭞ᬱᬤ᭄ᬕᬸᬡᬲᬧ᭄ᬢᬧᬺᬓᬺᬃᬢ᭄ᬢᬶ᭞ᬳᭂᬦ᭄ᬢᭀᬲᬜ᭄ᬚᬢ᭞ᬤ᭄ᬭᬸᬯᬾᬦ᭄ᬲᬂᬧᬸᬭᬸᬱᬚᬢᬶ᭟ᬳᭂᬦ᭄ᬢᭀᬓ᭄ᬭᬡᬳᬶᬤ᭄ᬳᬲᬂᬯ᭄ᬭᬸᬄᬭᬶᬂᬧᬭᬶᬚ᭄ᬜᬦ᭞
ᬤᬶᬃᬕ᭄ᬖᬬᬸᬱᬦᬾ ᬓᬧᬗ᭄ᬕᬶᬄ᭞ᬢ᭄ᬯᬭᬳᬮᬫ᭄ᬳᬮᬫ᭄᭞ᬫᬶᬦᭂᬳᬂᬓᬧ᭄ᬭᬯᬶᬭᬦ᭄᭞ᬮᬲ᭄ᬬᬳᬶᬂᬗᬦ᭄ᬗᬫᬃᬕ᭄ᬕᬶᬦᬶᬦ᭄᭞ᬢ᭄ᬯᬭᬚᬗ᭄ᬓᬬᬦ᭄᭞ᬧᬕᭂᬄᬗᬫᭀᬂᬭᬕᬲᬳᬶ᭟ᬫᬶᬯᬄᬳᬤᬫᬫ᭄ᬯᬢᬂᬲᭀᬫᬄᬳ
ᬦᬓ᭄᭞ᬭᬸᬲᬓᬾ ᬓᬢᬫ᭞ᬲᬸᬓᬦᬾ ᬢ᭄ᬯᬄᬳᬚᬳᬦ᭄᭞ᬤᬸᬳ᭄ᬓᬶᬢᬦᬾ ᬤᬳᬢ᭄ᬮᬫᬶ᭞ᬓᬕᭂᬮᬕᭂᬮᬵ᭞ᬲᬓᬶᬢ᭄ᬲᬓᬾᬂᬳᬦᬓ᭄ᬳᬶᬲ᭄ᬢ᭄ᬭᬶ᭟ᬓ᭄ᬭᬡᬳᭂᬤᬲᬗᭂᬢ᭄ᬩᬳᬦ᭄ᬫᬫᬸᬯᬢᬂ᭞ᬢᭂᬍᬩ᭄ᬢᭂᬓᬾᬦᬵᬳᬦᬓ᭄ᬳᬶᬲ᭄ᬢ᭄ᬭᬶ᭞
ᬢᭀᬫᬯᬓ᭄ᬩᭂᬜ᭄ᬘᬦ᭞ᬓᬩᭂᬜ᭄ᬘᬦᬩᬳᬦ᭄ᬢᬺᬱ᭄ᬦ᭞ᬓ᭄ᬭᬡᬲᬂᬧᬵᬡ᭄ᬥᬶᬢᬍᬯᬶᬄ᭞ᬦᬶᬗ᭄ᬕᬮ᭄ᬦᭂᬕᬭ᭞ᬗᬸᬗ᭄ᬲᬶᬳᬮᬲ᭄ᬫᬶᬯᬄᬳᬤ᭄ᬭᬶ᭟᭐᭟ᬧᬸᬄᬅᬤ᭄ᬭᬶᬳᬗ᭄ᬕᬾᬦᬵ ᬫᬜᬫ᭄ᬩᬸᬂᬓᬶᬤᬸᬂ᭞ᬦᬄᬓᬾᬦᬾᬤᬬᬦᬾ᭞
Kaca:Bali-lontar-gaguritan-paparikan-sarasamuscaya-300ppi.pdf/34
Kaca puniki sampun kauji-wacén
