[᭓᭔ 34B]
᭓᭔
ᬢᬶᬗ᭄ᬓᬳᬾ ᬩᬸᬯᬶᬦ᭄ᬗᬯᬾᬦᬶᬦ᭄᭞ᬫᬸᬜᬶᬲᭀᬮᬄᬫᬦᬄᬳᬶᬢᬸᬂ᭞ᬳᭂᬦ᭄ᬢᭀᬧᬕᬯᬾᬦᬶᬦ᭄ᬫᬮᬸ᭞ᬦᬾᬢᬢᭂᬮᬸᬫᬗ᭄ᬭᬦᬬᬂ᭞ᬨᬮᬳᬮᬢᭂᬓᬾᬦ᭄ᬳᬬᬸ᭞ᬳᬬᬸᬕᬯᬾᬳᬬᬸᬩᬓᬢ᭄᭞ᬗ᭄ᬕᬯᬾ ᬳᬮᬳᬮᬢᬫ᭟
ᬳᬶᬢ᭄ᬭᬶᬓᬬᬳᭂᬦ᭄ᬢᭀᬢ᭄ᬯᬄᬫᬓᬢᭂᬮᬸ᭞ᬧᬲ᭄ᬢᬶᬬᬂᬲᭀᬮᬳᬾ ᭞ᬳᭂᬤ᭄ᬳᬗᬸᬮᬳᬂᬫᬫᬃᬕ᭄ᬕᬶ᭞ᬳᬶᬢ᭄ᬭᬶᬓᬬᬢᬶᬫ᭄ᬩᬂᬫᬮᬸ᭞ᬳᬗ᭄ᬕᭀᬦ᭄ᬤᬦᬫᬓᬢᭂᬮᬸ᭞ᬢᭂᬓᬾᬦᬶᬂᬲᬃᬯ᭄ᬯᬫᬪᬯ᭞ᬦᬾ ᬢᬢᭂᬮᬸᬳᬗ᭄ᬕᭀ
ᬦᬸᬮᬸᬂ᭞ᬳᭂᬤᬗᬗ᭄ᬕᬾᬦ᭄ᬗᬫᬢᬶᬬᬂ᭞ᬓᬾᬢᭀᬳᬸᬘᬧ᭄ᬲᬂᬧᬡ᭄ᬥᬶᬢ᭟ᬓ᭄ᬭᬡᬳᬤᬥᬃᬫ᭄ᬫᬲᬢ᭄ᬬᬵᬧᬵᬢᬹᬢ᭄᭞ᬢ᭄ᬯᬄᬲᬓᬶᬂᬰᬶᬮᬦᬾ᭞ᬓ᭄ᬭᬡᬯᭂᬢᬸᬰᬓ᭄ᬢᬶᬰ᭄ᬭᬶ᭞ᬲᬓᬶᬂᬰᬶᬮᬯᭂᬢᬸᬦ᭄ᬳᬶᬧᬸᬦ᭄᭞ᬤᬤᬶᬓᬸᬫᬦ᭄ᬤᭂ
ᬮ᭄ᬫᬗᬸᬕᬸ᭞ᬰᬶᬮᬳᬬᬸᬦᬾ ᬫᬵᬳᬗᭂᬩᬕ᭄᭞ᬓ᭄ᬭᬡᬜᬦ᭄ᬤᬂᬳᭂᬢᬹᬢ᭄ᬭᬸᬭᬸᬄ᭞ᬰᬶᬮᬰᬶᬮᬦᬾ ᬭᬶᬂᬚᬕᬢ᭄᭞ᬳᭂᬤᬳᬶᬫᬵᬫᬜᬮᬦᬂ᭟ᬯᬶᬭᬾᬄᬦᬾ ᬕᬸᬫᬶᬫᬓᬢᭂᬮᬸ᭞ᬚᬢᬶᬢ᭄ᬯᬄᬓᬲᭀᬭᬾ᭞ᬩᬳᬦ᭄ᬳᬶᬬᬳᬶᬰᬶ
[᭓᭕ 35A]
ᬮᬬᬸᬓ᭄ᬢᬶ᭞ᬓᬢᬶᬢᬄᬲᬳᬦᬦ᭄ᬳᬶᬧᬸᬦ᭄᭞ᬲᬤᬕᬶᬂᬚᬕᬢᬾ ᬳᬕᬸᬂ᭞ᬲᬶᬦᬄᬲᬳᬦᬦᬾ ᬳᬶᬮᬂ᭞ᬬᬦ᭄ᬢᬦ᭄ᬲᬶᬤ᭄ᬥᬦᬾᬓᬢᬸᬮᬸᬂ᭞ᬩᬳᬦ᭄ᬧᬫᬕᭂᬄᬳᬶᬰᬶᬮ᭞ᬰᬶᬮᬦᬾ ᬳᬸᬕᬶᬳᬶᬗᭂᬢᬂ᭟ᬫᬓᬤᬲᬃᬢ᭄ᬯᬄᬳᬶᬰᬶᬮᬳ
ᬬᬸ᭞ᬫᬶᬯᬄᬧ᭄ᬭᬤᬵᬦᬦᬾ᭞ᬳᭂᬦ᭄ᬢᭀᬢᬸᬯᬄᬓᬯᬱ᭄ᬝᬦᬶᬦ᭄᭞ᬬᬦ᭄ᬢᬦ᭄ᬓᬗ᭄ᬕᬾᬰᬶᬮᬳᬬᬸ᭞ᬳᬧᬲᬶᬕᬸᬡᬦᬾ ᬳᬶᬤᬸᬧ᭄᭞ᬳᬸᬭᬶᬧᬾ ᬢ᭄ᬯᬭᬫᬕᬸᬡ᭞ᬬᬤᬶᬦ᭄ᬧ᭄ᬭᬚ᭄ᬜᬦ᭄ᬯᬶᬪᬸᬄᬳᬕᬸᬂ᭞ᬢᬦ᭄ᬧᬕᬯᬾᬢᭀᬫᬓᭂᬚᬂ᭞ᬬᬦ᭄ᬢᬦ᭄ᬓᬢᬸ
ᬮᬸᬂᬩᬵᬦ᭄ᬲᬶᬮ᭟ᬬᬤᬶᬦ᭄ᬩ᭄ᬭᬳ᭄ᬫᬡᬩᬰᬦᬾ ᬳᬵᬳᬮᬸᬲ᭄᭞ᬬᬦ᭄ᬢᬦ᭄ᬧᬰᬶᬮᬦᬾ ᭞ᬢ᭄ᬯᬭᬜᬦ᭄ᬤ᭄ᬦᬕ᭄ᬓᬪᬓ᭄ᬢᬶᬦᬶᬦ᭄᭞ᬬᬤᬶᬦ᭄ᬰᬸᬤ᭄ᬭᬩᬗ᭄ᬲᬦ᭄ᬳᬶᬧᬸᬦ᭄᭞ᬬᬦ᭄ᬥᬃᬫ᭄ᬫᬰᬶᬮᬲᬸᬰᬶᬮᬳᬬᬸ᭞ᬳᭂᬦ᭄ᬢᭀᬜᬦ᭄ᬤᬂᬓᬲᬬᬗᬂ᭞
ᬧᬵᬢᬹᬢ᭄ᬫᬳᬗ᭄ᬕᭀᬦ᭄ᬧᬗᬸᬮᬸ᭞ᬓᬾᬢᭀᬳᬸᬘᬧ᭄ᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭ᭞ᬳᭂᬤᬳᭂᬗ᭄ᬲᬧ᭄ᬢᭂᬓᬾᬦ᭄ᬰᬶᬮ᭟ᬳᬶᬥᬃᬫ᭄ᬫᬢ᭄ᬯᬄᬓᬓᭂᬫᬶᬢᬶᬦ᭄ᬧᬢᬹᬢ᭄᭞ᬩᬳᬦ᭄ᬧ᭄ᬭᬯᭂᬃᬢ᭄ᬢᬶᬦᬾ᭞ᬚ᭄ᬜᬡᬧᬕᭂᬄᬗᭂᬫᬶᬢ᭄ᬳᬚᬶ᭞ᬬᬦ᭄ᬤᬶᬭᬹᬧᬳᬧᬶᬓ᭄ᬦᬸᬗ᭄ᬕᬸ᭞
Kaca:Bali-lontar-gaguritan-paparikan-sarasamuscaya-300ppi.pdf/35
Kaca puniki sampun kauji-wacén
