[᭓᭕ 35B]
᭓᭕
ᬫᬶᬯᬄᬳᬶᬩᬂᬰᬓᬢᬸᬗ᭄ᬕᬸ᭞ᬳᬶᬲᬸᬰᬶᬮᬢ᭄ᬯᬭᬮᬾᬦᬦ᭄᭞ᬧᬓᭂᬫᬶᬢᬾ ᬧᬶᬦᬶᬄᬳᬬᬸ᭞ᬲᬮᬄᬢᬸᬗ᭄ᬕᬮ᭄ᬳᬤᬗᭂᬩᬕ᭄᭞ᬓᬾᬢᭀᬓᬳᬸᬘᬧ᭄ᬭᬶᬂᬰᬵᬲ᭄ᬢ᭄ᬭ᭟ᬲᬓᬶᬂᬲᭀᬮᬄᬫᬓ᭄ᬭᬡᬦᬾ ᬢᬳᬸ᭞ᬢᭂᬓᬾᬦ᭄ᬓᬯᬗ᭄ᬲᬦᬾ ᭞ᬳᬶᬤᬤ
ᬦᬾ ᬲᬋᬂᬲᬫᬶ᭞ᬬᬦ᭄ᬳᬶᬲᭀᬮᬄᬲᬃᬯ᭄ᬯᬳᬬᬸ᭞ᬳᭂᬦ᭄ᬢᭀᬫᬤᬦ᭄ᬯᬂᬰᬮᬸᬳᬸᬂ᭞ᬬᬦ᭄ᬲᭀᬮᬳᬾᬧᬥᬲᬲᬃ᭞ᬲᬲᬃᬫᬲᬶᬄᬯᬂᬰᬦ᭄ᬳᬶᬧᬸᬦ᭄᭞ᬯᬶᬭᬾᬄᬳᬶᬲᭀᬮᬄᬫᬓ᭄ᬭᬡ᭞ᬧᬫᬗ᭄ᬕᬶᬄᬲ᭄ᬯᬃᬕ᭄ᬕᬦᬵᬭᬓ᭟ᬲᬗ᭄ᬳ᭄ᬬᬂᬘᬢᬹᬃ
ᬯᬾᬥᬳᭂᬦᬶᬂᬫᬸᬮᬸᬲ᭄᭞ᬧᭂᬍᬓᬸᬢᬸᬲ᭄ᬧᬃᬯ᭄ᬯᬦᬾ ᭞ᬫ᭄ᬯᬄᬲᬗ᭄ᬳ᭄ᬬᬂᬧᬸᬭᬡᬳᬚᬶ᭞ᬯᬂᬰᬫᬾᬦᬓ᭄ᬧᬶᬢᬸᬳᬸ᭞ᬲᬃᬯ᭄ᬯᬳᬸᬢᬫᬦᬾ ᬳᬶᬢᬸᬂ᭞ᬳᭂᬦ᭄ᬢᭀᬧᬥᬢᬦ᭄ᬧᬕᬸᬡ᭞ᬤᬶᬚᬨᬮᬦ᭄ᬜᬦᬾᬢᭂᬧᬸᬓ᭄᭞ᬬᬦᬶᬂᬫᬲᭀᬮᬄ
ᬤᬹᬃᬰᬶᬮ᭞ᬢᬦᬸᬭᬸᬗᬦ᭄ᬧᬸᬧᬸᬢ᭄ᬧᬸᬦᬄ᭟ᬓᬤᬂᬫᬶᬢ᭄ᬭᬢᬦ᭄ᬯᭂᬦᬂᬫᬢᬸᬮᬸᬂ᭞ᬲᬓᬾᬦᬵᬕ᭄ᬧᬓᬾᬯᭂᬳᬾ ᭞ᬬᬪ᭄ᬭᬡᬳᭂᬫᬲ᭄ᬧᬶᬧᬶᬲ᭄᭞ᬬᬤᬶᬦ᭄ᬢᬾᬳᬶᬩᬂᬰᬳᬮᬸᬲ᭄᭞ᬲᬗ᭄ᬳ᭄ᬬᬂᬅᬚᬶᬫᬦ᭄ᬢ᭄ᬭᬧᬸᬢᬸᬲ᭄᭞ᬬᬤᬶᬦ᭄ᬫᬧᬗ᭄ᬓᬢ᭄ᬓ
[᭓᭖ 36A]
ᬯᬶᬃᬬ᭄ᬬᬦ᭄᭞ᬳᭂᬦ᭄ᬢᭀᬢ᭄ᬯᬭᬲᬶᬤ᭄ᬥᬦᬸᬮᬸᬂ᭞ᬓᬾᬯᬮᬳᬶᬓᬲᬸᬰᬶᬮᬦ᭄᭞ᬧ᭄ᬭᬬᬦᬦ᭄ᬤᬦᬂᬓᬲ᭄ᬯᬃᬕᬦ᭄᭟ᬬᬦᬶᬂᬳᬤᬳᬦᬓ᭄ᬍᬕᬫᬦᭂᬭᬸᬲ᭄᭞ᬜᬮᬦᬂᬓᬩᬭᬾᬲᬾ᭞ᬫᬚᬮᬭᬦ᭄ᬩᬸᬤ᭄ᬥᬶᬳᭂᬦᬶᬂ᭞ᬲᬶᬦᬄᬫᬨᬮᬓ
ᬧᬸᬗ᭄ᬓᬸᬃ᭞ᬲᬸᬕᬶᬄᬋᬦ᭄ᬤᬄᬮᬸᬦᬲ᭄ᬮᬦᬸᬲ᭄᭞ᬲᭂᬦ᭄ᬢᬦᬫᬓᬸᬭᬫ᭄ᬩᬾᬬᬦ᭄᭞ᬮᬶᬬᬸᬗᭂᬮᬄᬧ᭄ᬬᬦᬓ᭄ᬘᬸᬘᬸ᭞ᬲᬶᬤ᭄ᬥᬶᬯᬵᬓ᭄ᬬᬲᬦ᭄ᬤᬶᬗᬸᬘᬧ᭄᭞ᬳᭂᬦ᭄ᬢᭀᬫᬤᬦ᭄ᬢᬧᭀᬤᬦ᭟ᬩᬸᬯᬶᬦ᭄ᬳᬤᬳᭀᬮᬲ᭄ᬲᬸᬓᬫᬦᬸᬮᬸᬲ᭄᭞ᬲᬂ
ᬫᬗ᭄ᬕᬶᬄᬮᬭᬦᬾ ᭞ᬳᬲᬶᬂᬢᭂᬓᬗᬶᬤᬶᬄᬓᬦ᭄ᬢᬶ᭞ᬧᬶᬢᬸᬯᬶᬧᭂᬘᬓ᭄ᬫᬫᬸᬲᬸᬄ᭞ᬫᬲᬶᬄᬳᭀᬮᬲ᭄ᬲᬸᬓᬫᬦᬸᬮᬸᬂ᭞ᬫᬳᬤᬦ᭄ᬧᬸᬭᬸᬱᭀᬢᬫ᭞ᬲᬚ᭄ᬚᬦᬯᬶᬰᬾᬱᬓᬲᬸᬩ᭄᭞ᬲᬶᬦᬄᬫᬨᬮᬓᬯᭂᬓᬲ᭄᭞ᬫᬦᬤᬶ
ᬘᬢ᭄ᬭᬦᬶᬂᬭᬵᬢ᭄᭟ᬭᬶᬜ᭄ᬘᬶᬦ᭄ᬓᬦ᭄ᬢᬶᬦ᭄ᬧᬕᬯᬾᬦᬾ ᬧᬵᬢᬹᬢ᭄᭟ᬬᬦᬶᬂᬧᬗᬮᬸᬦᬾ᭞ᬧᬵᬢᬹᬢᬾᬯᬦ᭄ᬢᬄᬫᬕᭂᬤᬶ᭞ᬫᬕᬤᬂᬕᬯᬾ ᬓᬧᬘᬸᬮ᭄᭞ᬫᬦᬤᬶᬩᬡ᭄ᬥᬾᬕᬧᬵᬢᬹᬢ᭄᭞ᬬᬦᬶᬂᬳᬶᬲᬂᬕᬺᬳᬱ᭄ᬝ᭞ᬯᭂᬦᬂᬫᬭᬩᬶ
Kaca:Bali-lontar-gaguritan-paparikan-sarasamuscaya-300ppi.pdf/36
Kaca puniki sampun kauji-wacén
