[᭓᭖ 36B]
᭓᭖
ᬫᬧᬸᬢᬸ᭞ᬬᭀᬕ᭄ᬬᬮᭀᬓᬨᬮᬰ᭄ᬭᬬ᭞ᬭᬶᬂᬤᬾᬰᬳᬶᬤᬫᬮᬶᬗ᭄ᬕ᭟ᬬᬦ᭄ᬲᬂᬲᬓᬶᬢ᭄ᬯᭂᬦᬂᬫᬓᬦ᭄ᬢᬶᬧᬶᬢᬸᬮᬸᬂ᭞ᬲᬓᬶᬂᬲᬂᬩᬮ᭄ᬬᬦᬾ᭞ᬫᬶᬯᬄᬧᬗᬬᬄᬗᬬᬳᬶᬦ᭄᭞ᬬᬦᬶᬂᬳᬦᬓ᭄ᬧᬘᬂᬫᬦ᭄ᬢᬸᬓ᭄᭞ᬫᬦ᭄ᬢᬸᬓᬾ ᬓᬓᬭᬂ
ᬲᬸᬯᬸᬂ᭞ᬬᭀᬕ᭄ᬬᬫᬶᬢ᭄ᬭᬤᬦᬧᬹᬡ᭄ᬬ᭞ᬫᬤᬲᬃᬳᭂᬦᬶᬗᬶᬂᬓᬬᬸᬦ᭄᭞ᬧᬦᭂᬩᬸᬲ᭄ᬫᬕᬢᬶᬢᬺᬱ᭄ᬦ᭞ᬢ᭄ᬯᬭᬤᬤᬶᬳᬮᬫ᭄ᬳᬮᬫ᭄᭟ᬬᬦ᭄ᬜᬮᬦᬂᬤᬵᬦᬧᬸᬦ᭄ᬬᬳᬬᬸ᭞ᬳᭂᬦ᭄ᬢᭀᬬᬦ᭄ᬨᬮᬦᬾ ᭞ᬭᬕᬤᬾᬯᬾᬓᬾ
ᬫᬦᬫ᭄ᬧᬶ᭞ᬢ᭄ᬯᬶᬢ᭄ᬯᬭᬤᬤᬶᬳᭂᬤᬸᬫ᭄᭞ᬬᬤᬶᬦ᭄ᬭᬶᬂᬲᬂᬬᬬᬄ᭞ᬳᬶᬩᬸ᭞ᬳᭂᬜᬾᬦ᭄ᬳᬸᬕᬶᬫᬜᬮᬦᬂ᭞ᬳᭂᬦ᭄ᬢᭀᬳᬸᬕᬶᬦᬾᬦᬾᬧᬸᬧᬸ᭞ᬢ᭄ᬯᬭᬤᬤᬶᬧᬢᭂᬫ᭄ᬧᬶᬮᬂ᭞ᬓᬾᬢᭀᬳᬶᬦᬸᬘᬧ᭄ᬭᬶᬂᬰᬵᬲ᭄ᬢ᭄ᬭ᭟ᬳᬸᬚᬃᬲᬂᬧᬵᬡ᭄ᬥᬶ
ᬢᬮᬶᬦ᭄ᬢᬂᬧᬸᬢᬸᬲ᭄᭞ᬦᬾ ᬤᬵᬦᬧᬸᬡ᭄ᬬᬦᬾ᭞ᬦᬾᬦᬾᬢ᭄ᬯᬭᬳᬶᬭᬶᬬᬢᬶ᭞ᬫᬗᬯᬾᬦᬶᬦ᭄ᬥᬃᬫ᭄ᬫᬲᬥᬸ᭞ᬳᭂᬦ᭄ᬢᭀᬤᬵᬦᬮᬶᬯᬢ᭄ᬧᬸᬢᬸᬲ᭄᭞ᬫᬗᬲᭀᬭᬂᬭᬵᬚᬪ᭄ᬭᬡ᭞ᬬᬦᬶᬂᬲᬸᬩᬧᬕᭂᬄᬤᬶᬢᬸ᭞ᬳᬬᬸ
[᭓᭗ 37A]
ᬭᬯᬸᬄᬲᬢᬢ᭞ᬨᬮᬦ᭄ᬜᬦᬾ ᬢ᭄ᬯᬭᬳᭀᬩᬄ᭟ᬲᬂᬧᬕᭂᬄᬫᬤᬵᬦᬧᬹᬡ᭄ᬬ᭞ᬳᬬᬸ᭞ᬓᬾᬦᬾᬚ᭄ᬯᬨᬮᬦᬾ ᭞ᬪᭀᬕᬳᬸᬧᬪᭀᬕᬫᬗ᭄ᬕᬶᬄ᭞ᬭᬶᬯᭂᬓᬲᬦ᭄ᬧᬘᬂᬧᬸᬧᬸ᭞ᬬᬦ᭄ᬜᬯᬓᬧᬘᬂᬚᬸᬚᬸᬃ᭞ᬜᭀ
ᬯᬓᬢᭂᬓᬾᬦ᭄ᬓᬩᬬᬦ᭄᭞ᬫᬾᬥᬕᬸᬡᬧᬘᬂᬢᭂᬧᬸᬓ᭄᭞ᬤᬤᬶᬫᬯᭂᬢᬸᬳᬶᬗᭂᬢᬦ᭄᭞ᬢᬦ᭄ᬧᬫᬢᬶᬤᬶᬃᬕ᭄ᬖᬬᬸᬰ᭟ᬬᬦᬶᬂᬤᬶᬦᬶᬤᬶᬕᬸᬫᬶᬦᬾᬢᬢᭂᬮᬸ᭞ᬮᬶᬯᬢ᭄ᬧᬶᬓᬾᬯᭂᬳᬾ᭟ᬜᬮᬦᬂᬳᬶᬤᬵᬦᬤᬶ
ᬦᬶ᭞ᬯᬶᬭᬾᬄᬢᬺᬱ᭄ᬦᬫᬸᬧᬸᬢ᭄᭞ᬢᭂᬓᬾᬦᬵᬪ᭄ᬭᬡᬓᬗᭂᬦ᭄ᬩᬸᬦ᭄ᬩᬸᬦ᭄᭞ᬯᬶᬭᬾᬄᬢᬦ᭄ᬲᬄᬓᬳᬶᬗᭂᬢᬂᬫᬗᬮᬶᬳᬾᬳᬸᬮᬶᬄᬢᬸᬬᬸᬄ᭞ᬓ᭄ᬭᬡᬗᭂᬮᬄᬭᬵᬚᬪ᭄ᬭᬡ᭞ᬲᬓᬶᬂᬲᬓᬶᬢᬾᬓᬮᬶᬯᬢ᭄᭟ᬗ᭄ᬕᬯᬾᬳᬗᭀ
ᬩ᭄ᬲᬦ᭄ᬮᬶᬗ᭄ᬕᬶᬄᬲᬂᬯᬶᬓᬸ᭞ᬓᬾᬦᬾ ᬯᬘᬦᬦᬾ᭞ᬳᬸᬤᬸᬄᬳᬶᬗᭀᬦ᭄ᬩᬧᬚᬦᬶ᭞ᬳᭂᬮᬲ᭄ᬳᬶᬤᬤᬦᬾ ᬳᬶᬧᬸᬦ᭄᭞ᬫᬗᬸᬢᬂᬳᬶᬪ᭄ᬭᬡᬮᬶᬬᬸ᭞ᬦᬾᬦᬾ ᬮᬶᬯᬢ᭄ᬓᬬᬗᬂ᭞ᬲᬂᬓᬓᬸᬢᬂᬧᬬᬸᬮᬘᬸᬃ,ᬓᬧᬺᬩᬸᬢ᭄ᬩ
Kaca:Bali-lontar-gaguritan-paparikan-sarasamuscaya-300ppi.pdf/37
Kaca puniki sampun kauji-wacén
