[᭓᭗ 37B]
᭒᭗
ᬳᬦ᭄ᬳᬶᬘᭀᬭᬄ᭞ᬢᬦ᭄ᬯᬗ᭄ᬤᬾᬫᬧ᭄ᬭᬓᬭ᭟ᬳᬶᬢᬺᬱ᭄ᬦᬢᬦ᭄ᬲᬄᬳᭂᬦᬸᬫᬦᬸᬢᬸᬕ᭄᭞ᬫᬓ᭄ᬭᬡᬳᬢ᭄ᬫᬦᬾ ᭞ᬚᬤᭀᬚᬤᭀᬢᭀᬮᬄᬢᭀᬮᬶᬄ᭞ᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄ᬢᬸᬬᬸᬄ᭞ᬫᬕᬯᬾ ᬫᬓᬸᬢᬂᬧᬬᬸ᭞
ᬧᬚᬮᬦᬾ ᬧᬬᬸᬫᬦ᭄ᬤᬢ᭄᭞ᬗᬗᭂᬦ᭄ᬳᬶᬪ᭄ᬭᬡᬫᬧᬸᬦ᭄ᬤᬸᬄ᭞ᬩᭂᬮᭀᬕᬾᬩᬲ᭄ᬮᬶᬯᬢ᭄ᬮᬶᬯᬢ᭄᭞ᬢ᭄ᬯᬭᬩᬶᬱᬗᭂᬚᬂᬢᬺᬱ᭄ᬦ᭟ᬲᬸᬩᬫᬼᬤ᭄ᬩᬧᬫᬧᬶᬢᬸᬢᬸᬃ᭞ᬢᭂᬓᬾᬦ᭄ᬲᬂᬲᬸᬕᬶᬳᬾᬫᬗ᭄ᬤᬫᬤᬵᬦᬤᬶᬕᬢᬶ᭞ᬭᬶᬂᬲᬂᬮᬭᬓ
ᬯᭂᬮᬰ᭄ᬬᬦ᭄᭞ᬫᬧᬸᬡ᭄ᬬᬭᬶᬂᬲᬂᬳᬧᬵᬢᬹᬢ᭄᭞ᬤᬾᬦᬵᬳᬶᬂᬕᬸᬡᬦᬾᬳᬶᬪ᭄ᬭᬡ᭞ᬳᬩᭂᬲᬶᬓ᭄ᬢ᭄ᬯᬄᬕᬸᬡᬦ᭄ᬳᬶᬧᬸᬦ᭄᭞ᬬᬦᬶᬂᬮᬾᬦ᭄ᬩᬦ᭄ᬜᬮᬦᬂ᭞ᬫᬤᬦ᭄ᬮᬭᬓᬢᬶᬯᬲ᭄᭟ᬬᬦ᭄ᬳᬶᬤ᭄ᬳᬲᬂᬍᬯᬶᬳᬶᬂᬧᬓᬬᬸᬦ᭄᭞ᬢᬢᬲ᭄ᬭᬶᬂ
ᬧ᭄ᬭᬚ᭄ᬜᬦᬾ ᭞ᬢ᭄ᬯᬭᬢᬳᬾᬦ᭄ᬳᬶᬤ᭄ᬳᬤᭂᬫᬶᬢ᭄᭞ᬢᬸᬯᬶᬧ᭄ᬭᬫᬡᬦᬾ ᬮᬸᬗ᭄ᬲᬸᬃ᭞ᬬᬦ᭄ᬲᬸᬩᬫᬨᬮᬳᬬᬸ᭞ᬤᬾᬦᬶᬂᬳᬶᬤᬢᬢᬲ᭄ᬯᬶᬓᬦ᭄᭞ᬦᬾᬦᬾ ᬢ᭄ᬯᬭᬧᬕᭂᬄᬢᬸᬳᬸ᭞ᬫᬶᬯᬄᬳᬲᬶᬂᬢ᭄ᬯᬭᬮᬦ᭞ᬓ᭄ᬭ
[᭓᭘ 38A]ᬳᬶᬦᬄᬳᬶᬦᬄᬳᬶᬦᬄ
ᬡᬳᬾᬮᬄᬗᬫᬃᬕ᭄ᬕᬶᬬᬂ᭟ᬳᭂᬦ᭄ᬢᭀᬓ᭄ᬭᬡᬳᭂᬤᬓᬾᬫᬵᬳᬤ᭄ᬓᬶᬫᬸᬤ᭄᭞ᬜᬮᬦᬂᬤᬵᬦᬦᬾ᭞ᬓᬢᭂᬓᬾᬦᬵᬕ᭄ᬫᬧᬹᬡ᭄ᬬᬪᬓ᭄ᬢᬶ᭞ᬫᬶᬯᬄᬳᬗ᭄ᬕᭀᬳᬗ᭄ᬕᭀᬦ᭄ᬲᬗᬸ᭞ᬲᬶᬦᬄᬓᬯᬶᬃᬬ᭄ᬬᬦᬾ ᬳᭂᬦᬸ᭞ᬬᬦ᭄ᬳᭂᬦᬸᬳᬶᬓᬵᬃᬫ᭄ᬫᬨ
ᬮ᭞ᬳᭂᬜᬾᬦ᭄ᬲᬶᬤ᭄ᬥᬜᬸᬯᬂᬤᬶᬢᬸ᭞ᬤᬾᬦᬵᬳᬶᬂᬩᬭᬂᬧᬧᬶᬗᬶᬢᬦ᭄᭞ᬫᬧᭂᬢᬶᬩᭂᬲᬶᬢᬸᬃᬫᬕᭂᬩᬕ᭄᭟ᬳᬸᬘᬧᬂᬲᬗ᭄ᬳ᭄ᬬᬂᬯᬾᬥᬓᬘᬢᬸᬃ᭞ᬍᬯᬶᬄᬕᬕᬸᬡᬦᬾ ᭞ᬳᬫᬹᬚᬵᬳ᭄ᬬᬂᬲᬶᬯᬵᬖ᭄ᬦᬶ᭞ᬬᬦ᭄ᬧ᭄ᬭᬚ᭄ᬜᬦ᭄ᬭᬶᬂᬫᬦ᭄ᬢ᭄ᬭᬢᬸ
ᬳᬸ᭞ᬬᬚ᭄ᬜᬩᬩᬦ᭄ᬢᭂᬦ᭄ᬓᬢᬸᬗ᭄ᬕᬸ᭞ᬕᬸᬡᬦ᭄ᬪ᭄ᬭᬡᬦᬾ ᬭᬶᬂᬤᬵᬦ᭞ᬬᬦᬶᬂᬭᬩᬶᬗᬬᬂᬳᬬᬸ᭞ᬕᬸᬦᬦᬾ ᬫᬗ᭄ᬤᬫᬧ᭄ᬬᬦᬓ᭄᭞ᬫᭀᬢ᭄ᬢᬫᬗ᭄ᬕᬯᬾᬲᭂᬦ᭄ᬢᬦ᭟ᬬᬦ᭄ᬧ᭄ᬭᬚ᭄ᬜᬦ᭄ᬭᬶᬂᬲᬗ᭄ᬳ᭄ᬬᬂᬅᬚᬶᬧᬸᬢᬸᬲ᭄᭞ᬕᬸᬡᬦ᭄ᬤᬶᬲᬶ
ᬮᬦᬾ᭞ᬲᬫᬶᬳᬬᬸᬨᬮᬩᭂᬘᬶᬓ᭄᭞ᬲᭀᬮᬄᬜᬦᬾ ᬦᬾᬢᬢᭂᬮᬸ᭞ᬰᬶᬮᬘᬵᬭᬯᬱ᭄ᬝᬦ᭄ᬳᬶᬧᬸᬦ᭄᭞ᬫᬶᬯᬄᬧ᭄ᬭᬯᭂᬃᬢ᭄ᬢᬶᬓᬥᬃᬫ᭄ᬫᬦ᭄᭞ᬲᬗ᭄ᬳ᭄ᬬᬂᬰᬲ᭄ᬢ᭄ᬭᬧᬥᬳᬤᬸᬂ᭞ᬓᬾᬢᭀᬕᬸᬡᬦ᭄ᬜᬫᬓᭂᬚᬂ᭞ᬳᭂᬤᬲᬶᬗ᭄ᬲᬮ᭄ᬢᭂ
Kaca:Bali-lontar-gaguritan-paparikan-sarasamuscaya-300ppi.pdf/38
Kaca puniki sampun kauji-wacén
