[᭓ 3B]
᭓
ᬦᬦ᭄ᬢ᭄ᬯᬄᬳᬚᬳᬦ᭄᭞ᬢᬸᬭᬶᬂᬤᬳᬢ᭄ᬫᬶᬓᬾᬯᭂᬳᬶᬦ᭄᭞ᬓ᭄ᬭᬡᬦ᭄ᬜᬦᬾ ᬩᬸᬓᬚᬦᬶ᭞ᬫᬸᬂᬧᬸᬂᬓᬢᬸᬗ᭄ᬕᬸᬦᬾᬂᬳᬶᬤᬸᬧ᭄᭞ᬥᬃᬫ᭄ᬫᬦᬾ ᬳᬸᬕᬶᬩ᭄ᬯᬢᬂ᭞ᬲᬗ᭄ᬲᬭᬧᬦᭂᬲᬾᬢᬫ᭄ᬧᬶ᭞ᬲᬶᬦᬄᬧᬗ᭄ᬕᬸᬄ᭞ᬲ᭄ᬯᬃᬕ᭄ᬕ
ᬨᬮᬓᬯᭂᬓᬲ᭄᭟ᬬᬦᬶᬂᬫᭂᬡ᭄ᬝᬶᬓ᭄ᬤᬤᬶᬚᬦ᭄ᬫ᭞ᬢᬦ᭄ᬗᬋᬧᬂᬥᬃᬫ᭄ᬫᬚᬢᬶ᭞ᬚ᭄ᬦᭂᬓᬾᬦ᭄ᬓᬵᬫᬫ᭄ᬯᬂᬳᬃᬣ᭞ᬧᬗᬦ᭄ᬓᬶᬦᬸᬫ᭄ᬓᬳᬸᬩᬸᬗᬶᬦ᭄᭞ᬮᭀᬪᬫᭀᬫᭀᬫ᭄ᬯᬄᬤᬺᬗ᭄ᬕᬶ᭞ᬫᬳᬫ᭄ᬩᭂᬓ᭄ᬳᬗ᭄ᬓᬭᬲᬶᬕᬸᬕ᭄᭞ᬳᭂᬦ᭄ᬢᭀᬦᬸ
ᬫᬶᬢᬶᬲᭂᬗ᭄ᬓᬮ᭞ᬢᬦ᭄ᬧᬕᬸᬡᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬜᬮᬄᬳᬗ᭄ᬓᬸᬄ᭞ᬢ᭄ᬯᬭᬗᬶᬢᬸᬗᬂᬧᬸᬗ᭄ᬓᬸᬭᬦ᭄᭟ᬩ᭄ᬯᬶᬦ᭄ᬳᬤᬤᬤᬶᬚᬦ᭄ᬫ᭞ᬢᬦ᭄ᬲᬄᬗᬕᭂᬦ᭄ᬥᬃᬫ᭄ᬫᬚᬢᬶ᭞ᬫᬲᬶᬄᬮᬘᬸᬃᬭᬾᬓᬢᬫ᭞ᬢᭀᬂᬫᬗ᭄ᬭᬸᬯᬢ᭄
ᬧᬵᬧᬲᬓᬶᬢ᭄᭞ᬳᭂᬦ᭄ᬢᭀᬫᬲᬶᬄᬓᬯᬱ᭄ᬝᬦᬶᬦ᭄᭞ᬲᭂᬗ᭄ᬓᬮᬢᬶᬗ᭄ᬓᬳᬾ ᬳᬶᬤᬸᬧ᭄᭞ᬫᬸᬮᬲᬓᬶᬂᬨᬮᬓᬃᬫ᭄ᬫ᭞ᬩᭂᬓᭂᬮᬘᬸᬭᬾᬦᬸᬫᬶᬢᬶᬲ᭄᭞ᬳ᭄ᬤᬗᬫ᭄ᬩᬸᬮ᭄᭞ᬭᬶᬯᭂᬓᬲ᭄ᬫᬮᬶᬄᬚᬦ᭄ᬢᭀᬲᬂ᭟
[᭔ 4B]
ᬲᬂᬧᬡ᭄ᬥᬶᬢᬫᬯᬘᬡ᭞ᬓᬯᬸᬓᬯᬸᬓᬺᬗᬸᬮᬧᬶᬦ᭄᭞ᬫᬗᬦ᭄ᬤᭂᬕ᭄ᬢᬸᬃᬫᬤᬸᬯᬸᬳᬦ᭄᭞ᬯᬘᬡᬦᬾ ᬲᬧᬸᬦᬶᬓᬶ᭞ᬳᭂᬦ᭄ᬢᭀᬳᬶᬪ᭄ᬭᬡᬧᬶᬧᬶᬲ᭄᭞ᬫᬶᬯᬄᬳᬶᬓᬵᬫᬳᬸᬮᬗᬸᬦ᭄᭞ᬳ᭄ᬤᬳᬸᬕᬶᬫᬗᭂ
ᬚᭀᬳᬂ᭞ᬢ᭄ᬓᬾᬦᬵᬳᬶᬂᬳᬶᬥᬃᬫ᭄ᬫᬚᬢᬶ᭞ᬳᬧᬂᬫᬦᬸᬢ᭄᭞ᬳᬸᬕᬶᬭᬶᬂᬥᬃᬫ᭄ᬫᬲᬥᬦ᭟ᬲᬧᬸᬦᬶᬓᬳᬸᬚᬃᬳᬶᬤ᭞ᬫᬤᬸᬮᬸᬭᬦ᭄ᬗᬲᬶᬳᬲᬶᬄ᭞ᬢ᭄ᬯᬭᬳᬤᬫᬗ᭄ᬭᬸᬗᬸᬯᬂ᭞ᬧᬲᬯᬸᬭᬾᬲᬧᬸᬦᬶᬓᬶ᭞ᬮᬶᬦ᭄ᬢᬂ
ᬫᬾᬯᭂᬄᬫᬦᬲᬭᬶᬦ᭄᭞ᬥᬃᬫ᭄ᬫᬧᬢᬹᬢᬶᬂᬓᬯᬶᬓᬸᬦ᭄᭞ᬲᬶᬭᬓᭀᬤᬕ᭄ᬫᬦᬳᬦᬂ᭞ᬲᬓᬶᬢᬸᬬᬸᬳᬾᬦᬸᬫᬶᬢᬶᬲ᭄᭞ᬤᬢᬳᬶᬢᬸᬂ᭞ᬭᬶᬯᭂᬓᬲ᭄ᬜᬾᬦ᭄ᬫᬦᬯᬂ᭟ᬧᬵᬢᬹᬢᬾᬫᬗᬮᬶᬄᬳᬃᬣ᭞ᬫᬶᬯᬄ
ᬓᬵᬫᬫᬶᬦᬓᬤᬶ᭞ᬥᬃᬫ᭄ᬫᬦᬾ ᬫᬮᬸᬚᬮᬦᬂ᭞ᬲᬶᬦᬄᬧᬘᬂᬧᬥᬧᬗ᭄ᬕᬶᬄ᭞ᬚᬵᬢᬶᬦ᭄ᬓᬵᬫᬫ᭄ᬯᬄᬧᬶᬧᬶᬲ᭄᭞ᬤᬤᬶᬬᬲᬸᬓᬫᬦᭂᬭᬸᬲ᭄᭞ᬬᬦᬶᬂᬢ᭄ᬯᬭᬗᬕᭂᬫ᭄ᬥᬃᬫ᭄ᬫ᭞ᬓᬮᬸᬤ᭄ᬫᬳᬦ᭄ᬓᬵᬫᬧᬶᬧᬶᬲ᭄
Kaca:Bali-lontar-gaguritan-paparikan-sarasamuscaya-300ppi.pdf/4
Kaca puniki sampun kauji-wacén
