[᭓᭙ 39B]
᭓᭙
ᬮᬢᭂᬭᬓᬾ᭞ᬫᬲᬦ᭄ᬲᬬᬄᬩᬳᬦ᭄ᬦᬲᬶ᭞ᬬᬦ᭄ᬫᬤᬵᬦᬳᭂᬫᬲ᭄ᬮᬶᬬᬸ᭞ᬭᬶᬓᬵᬮᬕᬸᬫᬶᬭᬳᬬᬸ᭞ᬧᬮᬦ᭄ᬜᬦᬾ ᬫᬓᬤᬤ᭄ᬯ᭞ᬲᬶᬦᬄᬧᬶᬓᭀᬮᬶᬳᬾᬧᬢᬸᬄ᭞ᬫᬳᭂᬮ᭄ᬫᬸᬤᬄᬢ᭄ᬯᬭᬪᬶᬦ᭞ᬤᬾᬯ
ᬲᬦᬾ ᬫᬗ᭄ᬭᬡᬬᬂ᭟ᬤᬾᬯᬰᬦ᭄ᬫᬤᬵᬦᬦᬾ ᬦᬾ ᬳᬬᬸ᭞ᬓᬾᬦᬾ ᬘᬘᬓᬦ᭄ᬦᬾ ᭞ᬧᬦᭂᬫ᭄ᬩᬾᬦ᭄ᬲᬹᬭᬵᬬ᭄ᬬᬫᬫᬃᬕ᭄ᬕᬶ᭞ᬭᬶᬓᬵᬮᬲᬹᬃᬬ᭄ᬬᬫᬗᬶᬤᬸᬮ᭄᭞ᬉᬢ᭄ᬢᬭᬬᬡ᭄ᬳᬧᬶᬢᬸᬳᬸ᭞ᬳᬤᬤᬰᬰᬶᬢᬫᬸᬓ᭄ᬓ᭞
ᬓᬾᬢᭀᬳᬤᬦ᭄ᬜᬦᬾ ᬧᬸᬧᬸᬢ᭄᭞ᬲᭀᬫᬕ᭄ᬭᬳᬲᬹᬃᬬ᭄ᬬᬕ᭄ᬭᬳ᭞ᬳᭂᬦ᭄ᬢᭀᬤᬾᬯᬰᬳᬸᬢ᭄ᬢᬫ᭟ᬫᬗ᭄ᬤᬳᭂᬦᬶᬂᬩᬸᬤ᭄ᬥᬶᬦᬾ ᬫᬵᬳᬦᬸᬮᬸᬲ᭄᭞ᬧᬶᬢᬸᬯᬶᬤᬵᬦᬦᬾ ᭞ᬧᬥᬓᬶᬜ᭄ᬘᬶᬢ᭄ᬲᬃᬯ᭄ᬯᬓᬶᬓᬶᬢ᭄᭞ᬲᬶᬦᬄᬬᬫ
ᬨᬮᬳᬬᬸ᭞ᬧᬶᬢ᭄ᬯᬶᬦᬾᬫᬤᬵᬦᬮᬶᬬᬸ᭞ᬬᬦ᭄ᬳᬶᬥᭂᬧᬾᬓᬍᬢᭂᬳᬦ᭄᭞ᬤᬶᬚᬵᬗᬮᬶᬄᬨᬮᬳᬬᬸᬤᬵᬦᬳᬶᬮᬂᬢᬦ᭄ᬧᬕᬸᬡ᭞ᬯᬶᬭᬾᬄᬳᬶᬥᭂᬧᬾ ᬧ᭄ᬭᬤᬵᬦ᭟ᬳᭂᬤᬫᬤᬵᬦᬭᬶᬂᬘᭀᬭᬄᬭᬸᬲᬸᬄ᭞
[᭔᭐ 40A]
ᬳᭂᬤ᭄ᬳᬧᬗᬸᬘᬧᬾ ᭞ᬗᬚᬸᬫ᭄ᬳᬯᬓ᭄ᬩᬭᬾᬲ᭄ᬲᬸᬕᬶᬄ᭞ᬳᭂᬤᬦᬫ᭄ᬧᬶᬤᬵᬦᬤᬸᬤᬸ᭞ᬧᬩᬳᬂᬳᬶᬘᭀᬭᬄᬲᬶᬕᬸᬕ᭄᭞ᬫᬓᬢᬶᬦᬾᬫᬲᬶᬄᬳᭂᬤ᭞ᬭᬶᬂᬤᬹᬃᬰᬶᬮᬲᬢᬸᬳᬸᬓ᭄᭞ᬢᬦᬸᬭᬸᬂᬫᬗ᭄ᬕᬶᬳᬂᬪᬬ᭞ᬪᬬᬲᬓᬮᬦᬶᬲ᭄ᬓᬮ᭞
ᬳᬾᬯᭂᬄᬦᬶᬩᬓᬂᬤᬵᬦᬦᬾᬧᬵᬢᬹᬢ᭄᭞ᬫᭂᬮᬳᬂᬳᬶᬥᭂᬧᬾ ᭞ᬫᬗᬶᬗᬶᬭᬶᬦ᭄ᬲᬦᬾ ᬩᭂᬘᬶᬓ᭄᭞ᬢ᭄ᬯᬭᬗᬸᬮᬄᬳᬲᬮ᭄ᬧᬬᬸ᭞ᬤᬶᬧᬬᬸᬦᬾ ᬤᬤᬶᬮᬘᬸᬃ᭞ᬮᬘᬸᬭᬾᬢᬦ᭄ᬫᬦᬸᬢ᭄ᬕᭂᬦᬄ᭞ᬕᭂᬦᬄᬳᭂᬗ᭄ᬓᬾᬦᬵᬳᬮᬳᬬᬸ᭞ᬢᬶᬗ᭄ᬓᬳᬾ
ᬜᬮᬦᬂᬤᬵᬦ᭞ᬧᬲ᭄ᬢᬶᬬᬂᬳᬸᬕᬶᬫᬶᬦᭂᬳᬂ᭟ᬳᬦᬓᬾᬦᬾᬜᬦ᭄ᬤ᭄ᬦᬕ᭄ᬢ᭄ᬯᬶᬓᬚᬸᬚᬸᬃ᭞ᬜᬸᬚᬸᬭᬂᬤᬵᬦᬦᬾ ᭞ᬫᬶᬯᬄᬧᬸᬡ᭄ᬬᬢᬺᬱ᭄ᬡᬪᬓ᭄ᬢᬶ᭞ᬭᬶᬲᬂᬲᬸᬡᬭᬰᬶᬮᬳᬬᬸ᭞ᬫᬶᬯᬄᬭᬶᬂᬳᬶᬢᬶᬯᬄᬢᬸᬳᬸ᭞ᬓᬸᬭᬂᬧᬗᬦ᭄ᬫ᭄ᬯᬄᬧᬝᬵ
ᬓ᭞ᬳᭂᬦ᭄ᬢᭀᬦᬾᬜᬦ᭄ᬤᬂᬓᬧᬵᬢᬹᬢ᭄᭞ᬢᬶᬯᬓᬶᬦ᭄ᬳᬶᬤᬵᬦᬧᬸᬡ᭄ᬬ᭞ᬳᬕᬸᬂᬧᬮᬦ᭄ᬜᬦᬾ ᬩᬓᬢ᭄᭟ᬳᬧᬂᬳᭂᬮᬲ᭄ᬢᬓᬾᬦ᭄ᬪ᭄ᬭᬡ᭄ᬳᬮᬶᬬᬸ᭞ᬳᭂᬤᬧᬫᬸᬯᬢᬾ᭞ᬤᭂᬫᭂᬦ᭄ᬳᬚᬸᬫ᭄ᬓ᭄ᬭᬡᬩᬦᬶ᭞ᬦᬶᬯᬓᬂᬳᬶ
Kaca:Bali-lontar-gaguritan-paparikan-sarasamuscaya-300ppi.pdf/40
Kaca puniki sampun kauji-wacén
