[᭔᭐ 40B]
᭔᭐
ᬤᬵᬦᬮᬶᬬᬸ᭞ᬫᬶᬯᬄᬳᭂᬤᬲᬓᬶᬂᬢᬓᬸᬢ᭄᭞ᬩᬳᬦ᭄ᬢᬓᬸᬢᬾ ᬓᬭᬸᬲᬓ᭄᭞ᬳᬸᬮᬶᬓᬾᬢᭀᬤᬵᬦᬧᭂᬲᬸ᭞ᬫᬶᬯᬄᬳᭂᬤᬤᬵᬦᬧᬶᬓᬢ᭄᭞ᬫᬫᬸᬯᬢᬂᬕᬯᬾᬦ᭄ᬳᬦᬓ᭄᭟ᬬᬦ᭄ᬳᬶᬫᬾᬫᬾᬫ᭄ᬯᬄᬳᬶᬩᬧᬭᬯᬸᬄ
ᬫᬫ᭄ᬯᬢᬂᬤᬵᬦᬦᬾ᭞ᬮᬯᬸᬢᬂᬗᬢᬸᬭᬂᬪᬓ᭄ᬢᬶ᭞ᬳᬸᬭᬶᬧᬾ ᬜᬦ᭄ᬤᬂᬓᬳᬢᬸᬃ᭞ᬬᬦ᭄ᬲᬓᬶᬂᬲᬸᬩᬧᬓᬬᬸᬦ᭄᭞ᬳᭂᬤᬧᬶᬲᬦ᭄ᬩᬦᬶᬢᬸᬗ᭄ᬓᬲ᭄᭞ᬭᬶᬂᬲᬂᬕᬸᬭᬸᬫᬓᬢᭂᬮᬸ᭞ᬭᬸᬧᬓᬫᬶᬯᬄᬯᬶᬰᬾᬱ᭞ᬓᬢᭂᬓᬾᬦᬵᬕ᭄ᬲ᭄ᬦᬕ᭄ᬕᬸᬭᬸ
ᬯᬵᬓ᭄ᬢ᭄ᬭ᭟ᬢᭂᬓᬾᬦ᭄ᬲᬂᬳᬶᬩᬸᬳᬸᬢᬗᬾᬳᬕᬸᬂ᭞ᬲᭂᬤᬸᬓ᭄ᬭᬶᬂᬕᬃᬩ᭄ᬪᬦᬾᬳᬩᭀᬢᬾᬫᬪᬬᬧᬢᬶᬦ᭄ᬢᭀᬓᬸᬤ᭄ᬬᬂᬚᬦᬶᬫᬦᬳᬸᬃ᭞ᬲᬶᬦᬄᬢ᭄ᬯᬭᬩᬶᬲᬧᬸᬧᬸᬢ᭄᭞ᬧᬶᬢᬸᬯᬶᬦᬾ ᬲᬢᬸᬲ᭄ᬢᬶᬩᬦ᭄᭞ᬲᬶᬦᬄᬢᬦ᭄ᬲᬶᬥᬓᬳᬢᬸᬃ
ᬧᬶᬲᬦ᭄ᬳᬸᬭᬶᬧᬾᬳᬢᬸᬭᬂ᭞ᬤᬾᬦᬶᬂᬓᬯᬄᬫᬗᬶᬢᬸᬗᬂ᭟ᬧᬗ᭄ᬭᬯᭀᬲ᭄ᬳᬶᬫᬾᬫᬾ ᬦᬾ ᬜᬸᬜᬸᬃ᭞ᬤᬸᬄᬧ᭄ᬬᬦᬓ᭄ᬫᬾᬫᬾᬦᬾ ᭞ᬧᬶᬦᭂᬳᬶᬦ᭄ᬤᬵᬦᬦᬾ ᬚᬦᬶ᭞ᬩᬸᬯᬢᬂᬲᬂᬢᬶᬯᬲ᭄ᬭᬸᬭᬸᬄ᭞ᬤᬦᬵᬦᬾᬢᬶᬯᬓᬂᬤᬶᬢᬸ᭞ᬭᬶᬂᬲᬂ
[᭔᭑ 41A]
ᬲᬸᬕᬶᬄᬤᬵᬦᬳᬚᬸᬫ᭄᭞ᬳᭂᬦ᭄ᬢᭀᬤᬦᬧᬫᬜ᭄ᬚᬶᬗᬦ᭄᭞ᬫᬗᬢᬶᬳᬢᬶᬧᬩᬳᬦ᭄᭟ᬳᬤᬳᬦᬓ᭄ᬢᬶᬯᬲ᭄ᬫᬵᬫ᭄ᬩᭂᬓ᭄ᬧᬥᬸ᭞ᬓᬶᬫᬸᬤ᭄ᬧᬗᬶᬤᬶᬳᬾ᭞ᬧᬘᬂᬦᬫ᭄ᬧᬶᬤᬵᬦᬲᬸᬕᬶᬄ᭞ᬬᬦ᭄ᬢᬦ᭄ᬫᬳᬦ᭄ᬗᬬᬄᬤᬶᬢᬸ᭞ᬢ᭄ᬯᬭᬳᭂᬜ
ᬓ᭄ᬗᬶᬤᬶᬄᬤᬶᬢᬸ᭞ᬳᬧᬂᬳᭂᬤᬫᬗ᭄ᬕᬯᬾᬦᬂ᭞ᬓᬲᬸᬓᬦ᭄ᬳᬶᬲᬸᬕᬶᬄᬮᬯᬸᬢ᭄᭞ᬳᬶᬢᬶᬯᬲ᭄ᬫᬗᬾᬓᬤᬬ᭞ᬢᬸᬬᬸᬄᬳᬗ᭄ᬕᭀᬦ᭄ᬗᬮᬶᬄᬤᬵᬦ᭟ᬭᬶᬂᬕᬕᬾᬡ᭄ᬥᭀᬂᬳᭂᬤᬚᬳᬶᬮ᭄ᬩᬾᬜ᭄ᬚᬸᬮ᭄᭞ᬳᭂᬤᬦᬸᬦ᭄ᬤᬸᬂᬳᬾᬯᬾᬃ᭞ᬢᭂᬓᬾᬦ᭄ᬳᬦ
ᬓ᭄ᬢᬶᬯᬲ᭄ᬤᬓᬶ᭟ᬳᬶᬘᬡ᭄ᬥᬮᬳᭂᬤᬦᬸᬦ᭄ᬤᬸᬂ᭞ᬧᬶᬢᬸᬯᬶᬩᬩᬸᬭᭀᬦ᭄ᬓᬸᬮᬸᬓ᭄ᬳᬧᬂᬳᭂᬤᬓᬲᭂᬗ᭄ᬓᬮᬦ᭄᭞ᬳᬶᬦ᭄ᬤᬶᬓᬾ ᬫᬗᭂᬢᬸᬢ᭄ᬳᬬᬸ᭞ᬳᬬᬸᬲᬓᬶᬂᬫᬤᬦᬵᬦᬦ᭄᭞ᬳᭂᬦᬶᬂᬳᬶᬥᭂᬧᬾ ᬚᬮᬦᬂ᭟
ᬬᬦ᭄ᬕᬕᬾᬦ᭄ᬤᭀᬂᬢᬦ᭄ᬲᬄᬫᬗ᭄ᬕᬶᬄᬩᬾᬦᬵᬚᬸᬮ᭄᭞ᬓᬶᬚᬧᬗᭀᬚᭀᬕᬾ᭞ᬢᬦ᭄ᬲᬄᬳᬤᬫᬗᬾᬯᬾᬭᬶᬦ᭄᭞ᬕᬦ᭄ᬢᬶᬳᬶᬕᬕᬾᬦ᭄ᬥᭀᬂᬳᬬᬸ᭞ᬲᬓ᭄ᬱᬢ᭄ᬕᬸᬭᬸᬫᬯᬾᬄᬢᬸᬢᬸᬃ᭞ᬢᬸᬢᬸᬃᬳᬶᬦ᭄ᬤᬶᬓᬶᬂᬓᬥᬃᬫ᭄ᬫᬦ᭄᭞ᬲᬓ᭄ᬱᬢ᭄
Kaca:Bali-lontar-gaguritan-paparikan-sarasamuscaya-300ppi.pdf/41
Kaca puniki sampun kauji-wacén
