[᭔᭑ 41B]
᭔᭑
ᬢᬶᬃᬝᬳᭂᬦᬶᬂᬫᬸᬮᬸᬲ᭄᭞ᬫᬗᬶᬮᬗᬂᬍᬢᭂᬄᬳᬯᬓ᭄᭞ᬮᬸᬯᬶᬃᬫᬜᬧᬗᬶᬮᭀᬯᬦ᭄᭟ᬳᬶᬕᬕᬾᬦ᭄ᬥᭀᬂᬘᬭᬶᬢᬬᬂᬭᬯᬸᬄ᭞ᬭᬶᬂᬓᬵᬲ᭄ᬢᬶᬓᬳᬾᬯᬾᬃ᭞ᬫᬜᬧᬫᬗᬾᬜᭀᬃᬫᬦᬶᬲ᭄᭞ᬳᬶᬕᬕᬾᬦ᭄ᬥᭀᬂᬍᬕ
ᬤᬶᬢᬸ᭞ᬤᬾᬦᬵᬳᬶᬂᬧᬫᬭᬶᬳᬾᬳᬕᬸᬂ᭞ᬢᬸᬭᬶᬂᬩᬦᬶᬫᬜᬕᭂᬭᬂ᭞ᬮᬓᬃᬫ᭄ᬩᬳᬦ᭄ᬤᬵᬦᬮᬶᬬᬸ᭞ᬳᬶᬦᬲ᭄ᬢᬶᬓᬵᬗᬯᬾᬤᬬ᭞ᬗᬸᬮᬸᬓ᭄ᬳᬸᬮᬸᬓ᭄ᬫᬗᬤᭀᬯᬂ᭟ᬳᬶᬕᬕᬾᬦ᭄ᬥᭀᬂᬚᭂᬦ᭄ᬤᬸᬮ᭄ᬮᬯᬸᬢ᭄ᬗᬫ᭄ᬩᬸᬮ᭄᭞ᬧᬲᬸᬧᬗᭀᬧᭂ
ᬢᬾ᭞ᬳᬶᬗᭂᬢ᭄ᬢᭂᬓᬾᬦᬵᬢᬸᬬᬸᬄᬗᬦ᭄ᬢᬶ᭞ᬳᬶᬦᬲ᭄ᬢᬶᬓᬓᭂᬤᬾᬓᬵᬮᬯᬸᬢ᭄᭞ᬓᭂᬦ᭄ᬤᭂᬮ᭄ᬫᬳᬦ᭄ᬗᬸᬮᬸᬓ᭄ᬳᬸᬮᬸᬓ᭄᭞ᬫᬓᬤᬤ᭄ᬯᬫᬗ᭄ᬕᬶᬄᬧᬧ᭞ᬭᬶᬯᭂᬓᬲ᭄ᬮᬘᬸᬃᬓᬢᭂᬧᬸᬓ᭄᭞ᬤᬶᬓᬯᬳᬾ ᬫᬍᬩ᭄ᬍᬩᬦ᭄᭞ᬬᬦ᭄ᬫᬜᬦ᭄ᬫᬓᬲᬂ
ᬲᬭᬦ᭄᭟ᬳᭂᬦᬾ ᬳᬤᬕᬕᬾᬦ᭄ᬥᭀᬂᬭᬳᬬᬸ᭞ᬳᭂᬦᬶᬂᬧᬳᬶᬥᭂᬧᬾ ᭞ᬮᬯᬸᬢ᭄ᬫᬗᬸᬗ᭄ᬲᬶᬲᬂᬲᬸᬕᬶᬄᬤᬶᬢᬸᬫᬢᬯᬸᬃᬭᬳᬬᬸ᭞ᬳᬸᬤᬸᬄᬤᬾᬯᬲᬵᬫ᭄ᬧᬸᬦ᭄ᬩᭂᬦ᭄ᬥᬸ᭞ᬩᭂᬘᬶᬓ᭄ᬫᬃᬕ᭄ᬕᬶᬬᬂᬳᬶᬤᬵᬦ᭞ᬮᬓᬃ
[᭔᭒ 42A]
ᬦᬧᬶᬪ᭄ᬭᬡ᭄ᬳᬮᬶᬬᬸ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬢᬶᬢ᭄ᬬᬂ᭞ᬫᬜ᭄ᬚᬦ᭄ᬫᬫᬗ᭄ᬕᬶᬄᬲᬗ᭄ᬲᬭ᭟ᬬᬤᬶᬦ᭄ᬳᬤ᭄ᬳᬨᬮᬧᬘᬂᬧᬸᬧᬹ᭞ᬫᬶᬯᬄᬢᬦ᭄ᬨᬮᬦᬾ᭞ᬳᭂᬤᬗᬾᬫᬦ᭄ᬫᬓᬓᬮᬶᬄ᭞ᬩᬢᬶᬧᭀᬘᭀᬮ᭄᭞ᬳᭂᬤᬗᬶᬢᬸᬂ᭞ᬮᬯᬸ
ᬢᬂᬚᬮᬦᬂᬧᬬᬸ᭞ᬳᬶᬤᬵᬦᬫᬶᬯᬄᬳᬶᬧᬹᬡ᭄ᬬ᭞ᬲᭀᬓ᭄ᬓᬃᬤ᭄ᬥᬶᬦᬶᬦ᭄ᬤᭀᬕᬾᬦᬵᬫᬮᬸ᭞ᬲᬲᬶᬤ᭄ᬥᬲᬶᬤ᭄ᬥᬬᬦ᭄ᬩᬓᬢ᭄᭞ᬓᬾᬢᭀᬧᬢᬹᬢᬾᬚᬮᬦᬂᬬᬦ᭄ᬫᬤᬵᬦᬩᬦ᭄ᬲᬫ᭄ᬧᬶᬫ᭄ᬯᬄᬍᬫ᭄ᬩᬸ᭞ᬫ᭄ᬯᬄᬳᭂᬫᬵᬲ᭄ᬧᬤ
ᬦᬦᬾ᭞ᬓᬢᭂᬓᬾᬦᬵᬫᬤᬵᬦᬕᬸᬫᬶ᭞ᬳᭂᬦ᭄ᬢᭀᬨᬮᬧᬘᬳᬬᬸ᭞ᬫᬗ᭄ᬕᬶᬄᬲᬸᬯᬃᬕ᭄ᬕᬓᬧᬸᬗ᭄ᬓᬸᬃ᭞ᬳᬶᬤᬵᬦᬫᬯᬓ᭄ᬧᬗᭂᬦ᭄ᬢᬲ᭄᭞ᬫᬗᬶᬮᬗᬂᬲᬃᬯ᭄ᬯᬍᬢᬸᬄ᭞ᬍᬢᬸᬄᬭᬶᬂᬳᬗ᭄ᬕᬰᬭᬶᬭ᭞ᬧᬫᬹᬓ᭄ᬱᬳᬜᬸᬢ᭄ᬳᬶᬮᬂ᭟ᬤᬵᬦᬧᬸ
ᬡ᭄ᬬᬦᬾ ᬓᬧᬢᬹᬢ᭄ᬳᬬᬸ᭞ᬳᭂᬫᬲ᭄ᬧᬶᬭᬓ᭄ᬤᭀᬤᭀᬢ᭄ᬫᬡᬶᬓ᭄᭞ᬲᭀᬘᬵᬫᬸᬢ᭄ᬬᬲᬃᬯ᭄ᬯᬳᬬᬸ᭞ᬢᬦᬄᬢᭂᬕᬮ᭄ᬘᬭᬶᬓ᭄ᬧᬢᬹᬢ᭄᭞ᬳᭂᬦ᭄ᬢᭀᬦᬾᬜᬦ᭄ᬤ᭄ᬦᬕ᭄ᬤᬵᬦᬬᬂ᭞ᬯᬶᬭᬾᬄᬫᬵᬤᬦ᭄ᬪ᭄ᬭᬡᬳᬶᬤᬸᬧ᭄᭞ᬬᬦ᭄ᬲᬸ
Kaca:Bali-lontar-gaguritan-paparikan-sarasamuscaya-300ppi.pdf/42
Kaca puniki sampun kauji-wacén
